Ɛfɛsënyüü 1:9 - Kuö Dëdrä Jenɛɛsë Rutë

⁹ 'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

Ɛfɛsënyüü 1:9 Iomraidhean Croise

Matiö 13:11

'Ɔ ‑nëma: «Nyɔsʋa ‑nyɩ 'amɩ 'klü 'amä 'ɔa cɛɩɩa 'kamapläa 'mlɩa ‑sisiewii jre; ‑maa 'ɔnyɩ 'iin nyüü ‑mülü ‑a ‑nyɩ.

Lukë 12:32

«Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.

Lukë 2:14

«Abɩa Nyɔsʋa 'bʋawliklɩ cɛɩɩa 'mlɩ, abɩa 'ɔa plɛgälɩflɛrɛkʋ nyra 'ɔa ‑gbinanakʋ ‑nyrɛrɛ nyüülü bäa' ‑tʋtʋ ‑gälɩ.»

Akëtë 13:48

«Nyüülü 'nyɩa' juifë bä 'nua' 'iin 'wli nɩ, dɔrʋ 'bla 'üün, 'ünya 'bʋala 'Pläkänyɔɔa 'papawii. Nyüülü kä 'fɩɔ Nyɔsʋa 'baa' 'lɩ 'ümäa' 'klälä 'nyɩa' blöröfa kä 'jä nɩ, 'ü toro 'iin plɛ.»

Akëtë 2:23

'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ 'anya kolo 'ɔɔn krʋa ‑gälɩ.

Akëtë 4:28

‑Na 'klü nyra 'sɩrɩ ‑baataa', 'ia ‑gʋ nɩ, 'ü nʋ wiili ‑tɩ käa' ‑srɩ dɛrɩ ‑gbaa'.

Rɔmënyüü 11:25

'Na ‑wlajü 'amɩ, 'n 'bata 'ba jre wiili ‑sisiea' 'a ‑pɩ bobo ‑maa 'amɔ jre wii: 'iibä Israɛɛlëa 'pɛ 'dee 'bʋala plɛ 'kä nyüülü Nyɔsʋa 'bataa' ünyɩa' juifë bä 'üa 'fɩɔ nya 'ɔa ‑nyɛɛ pa.

Rɔmënyüü 8:28

‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

Galaatënyüü 1:12

'Be ‑mää nyɔɔ 'nyɩ 'mɩ 'iin ‑gbala, ‑mää 'ɔɔn 'nyɩ 'mɩ 'iin 'kpɩa. ‑Maa Nyɔsʋa 'ɔɔ srara 'mɩ Jesu 'Kriisë.

Galaatënyüü 1:15

‑Maa 'n ‑ka bä 'na 'yioa 'mlɩ Nyɔsʋa nya 'balɩ 'mɩ, 'ɔnya were 'mɩ 'ɔa ‑gbinanakʋ 'lɩ. 'Taɩn 'lɩ 'ɔ ‑waa'

Galaatënyüü 1:16

'ɔnya srara 'mɩ 'ɔa 'Jʋ 'mä 'ɔa ‑gä 'pa nyüülü 'nyɩa' juifë bä, 'üa ‑nyɛɛ. Mi 'n mi dotro, 'nyɩ nyɔɔ 'wligba ‑a fa 'ɔmä 'mɩ ‑tɔɔ 'lɩpa.

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

Ɛfɛsënyüü 1:8

‑Bɛ wiijejrekʋ nyra 'lɩgaglakʋ 'sia' 'ɔɔn 'lɩ nɩ, 'ia ‑gʋ 'ɔ ‑gblɔɔ amɩ 'ia ‑gbinanakʋlʋ 'wʋ 'kä ‑gböösa.

Ɛfɛsënyüü 3:11

'A 'sɩrɩ 'ɔ 'daa käa' sököö 'ɔmä ɩa' nʋ, 'asɩ 'i nrörö; ana 'Pläkänyɔɔ Jesu 'Kriisë kälɩ 'i ‑srörö.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.