Ɛfɛsënyüü 1:4 - Kuö Dëdrä Jenɛɛsë Rutë

⁴ 'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

Ɛfɛsënyüü 1:4 Iomraidhean Croise

Matiö 24:22

Nyɔsʋa ma 'nyɩ ɩ 'ia jrüülü 'klɩ ‑a 'bö, nyɔɔ 'doo ‑nëmä 'lɩmlɩ ‑a 'wʋ; ‑maa 'ɔa nyüülü 'ɔ 'baa' 'lɩ, 'üa ‑gʋ 'ɔ 'bö jrüü 'klɩ.

Matiö 24:24

'N 'paa' 'iin nɩ, ‑gbagblɛ 'kriisë nyra ‑gbagblɛ nyɔsʋaamlɩpalanyüü nya ‑srɩɩ 'lɩbäa. 'Ünya ‑saragbi kpakü nyra plɛklɩkalawii nʋa, 'ünya 'nɩmɩ nyüülü Nyɔsʋa 'baa' 'lɩ mlüü 'lɩpaa ima bä 'ia 'sa.

Matiö 24:31

Dɛglɛ nya wiimlɩbablaa ‑gböösa, 'kä 'ɔnya 'ɔa 'aanjë jaa 'ümä 'ɔa nyüülü 'ɔ 'baa' 'lɩ, ü bäa' ‑tʋtʋa kotü mlɔɔ 'lɩ, ‑gbapapla, sɔ cɛa 'käkolofa 'wʋ ‑a mi ‑a ‑tɔɔ cɛa blöröfa 'wʋ.»

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Jaan 10:16

'N kä ‑bablëë ‑mölöö, 'ünyɩ ‑tɛ ‑glɔ 'lɩ ‑a bä. 'Üülü nɩ, 'n kä ‑a ja 'üün, 'ünya 'na mlɩa wii 'wli 'nua, 'ünya ‑bablëëa ‑glügbö 'döö bäa, 'kä 'ünya ‑gbanyɛrɛnyɔɔ 'doo kä.

Jaan 15:16

‑Mää 'amɔ 'nyɩ 'mɩ 'lɩba, ‑maa 'mɔɔlɔ nɩ, 'mɔɔ 'balɩ 'amɩ 'nya ‑tʋ 'lɩ 'amɩ 'amä tʋ, 'ana tʋtʋdii 'mä ‑wɩara. 'Ia 'taɩn 'lɩ nɩ, dɛɛ 'amäa' Tʋ ‑sɛ 'na 'nyrɩklɩ nɩ, 'ɔmä 'amɩ 'ɛɛn ‑nyɩ.

Jaan 17:24

'Na Tʋ, ‑plɩɩlɩ 'nëmäa' kʋ, 'ii 'n 'bata 'nyraa nyüülü ‑nyɩa' 'mɩ 'mä bɩa kʋ, 'ümä 'na 'wliklɩbʋabʋakʋlʋ ‑nyɩa' 'mɩ 'jä, 'be ‑wa 'mɩ 'fɩɔwʋ ‑nya 'mä 'plä nʋ.

Akëtë 13:48

«Nyüülü 'nyɩa' juifë bä 'nua' 'iin 'wli nɩ, dɔrʋ 'bla 'üün, 'ünya 'bʋala 'Pläkänyɔɔa 'papawii. Nyüülü kä 'fɩɔ Nyɔsʋa 'baa' 'lɩ 'ümäa' 'klälä 'nyɩa' blöröfa kä 'jä nɩ, 'ü toro 'iin plɛ.»

Akëtë 15:18

‑bɛ diili kä 'fɩɔ 'ɔ nʋa' , 'i jrerea' 'i 'a 'lɩ ‑wlɛ.

Akëtë 18:10

'N bä ‑mɩ dɛrɩ. Nyɔɔ ‑nëmä ‑mɩ ‑a 'kpla 'ɔmä ‑mɩ ‑gbi ‑gba nʋ, 'be 'na nyüü ‑sümlö ‑taa bätäläa 'mlɩ.»

Rɔmënyüü 8:33

Nyɔɔ 'plɛɛ 'mä nyüülü Nyɔsʋa 'baa' 'lɩ tropina 'lɩ fa le? Nyɔsʋa, 'ɔɔ ‑gäää nyɔɔ 'klɩ!

1 Korɛɛntënyüü 1:8

'Ɔɔ nëmä 'amɩ 'klü ‑nyɩ ‑bɛ 'amä 'pläa blöröfa 'wʋ 'tɔ, nyɔɔ ‑pɩ 'amɩ wii ‑gälɩ ‑tʋ ‑srɩlɩ kä 'mlɩ ana 'Pläkänyɔɔ Jesu 'Kriisë 'mäa' ji.

Galaatënyüü 5:13

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Ɛfɛsënyüü 5:27

'Ɔ nʋ 'imɩ 'kä 'cɛcɩlɛ 'naa' ‑gböösa 'mä 'ɔɔn 'klɩtɔrɔ, ɛnyɩa' 'kpafa ‑gba kä, ɛnyɩa' pɩpra, ɛnyɩa' bʋbɔdɛɛ ‑gba kä, ‑maa ɛ kä 'nyü 'naa', ɛ nyɔɔ 'nyɩa' 'lɩbɩa 'ɔmäa' wii 'kplara.

Filipënyüü 2:15

'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala.

Kolɔɔsënyüü 1:22

‑Maa 'köklesaplɩɩ ɔ nɩ, 'ɔa 'Jʋlɔ 'ɔ nröröa' nyɔɔ 'lɩ nɩ, 'ɔa jäjäkʋ 'lɩ 'ɔ ‑srörö 'ɔ nyra 'amɔ nya 'nönröwli, 'amä 'ɔa 'klʋɩ 'nyüglö 'sɩrɩ 'a bäa' nyüülü kä 'nyü 'naa' ünyɩa' bʋbɔdɛɛ ‑gba kä, ü wii ‑nëmäa' 'kpla.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

1 Tɛsalonikënyüü 3:12

Abɩa 'Pläkänyɔɔ 'papla 'ana ‑wawlakʋ ‑gälɩ, nyra nyüü ‑mölööa 'pɛlɩ, 'sɩrɩ a ‑waa' 'amɩ.

1 Tɛsalonikënyüü 4:7

Nyɔsʋa 'nyɩ amɩ ‑a we amä ‑frepanyüü bä, ‑maa 'ɔ we amɩ amä nyüülü kä 'nyü 'naa' bä.

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

2 Timotee 2:19

‑Maa, dɛɛlɛ kä ‑toko Nyɔsʋa 'sria' kä ɛ nyɔnyrɔa' ‑ka bälɩ, 'ɔa mɛ nya bä 'iin ‑gälɩ: «'Pläkänyɔɔ jre nyüülü bäa' 'ɔa nü.» ‑Bɛ: «Nyɔɔlɔ 'daaa' 'Kriisëa nɔ 'ɔ bä nɩ, ɔ be ‑balʋ ‑gälɩ 'klɩ.»

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

1 Piɛɛrë 1:2

'Amɔ ana Tʋ Nyɔsʋa nya käa' 'lɩba 'sɩrɩ 'ɔ ‑gba käa'. 'Ɔa ‑Susu bere 'amɩ 'klɩ 'amä 'lɩ Jesu 'Kriisë ‑träärä, 'amɔ bä nyüülü 'ɔa ‑toru ‑gbagbaa' 'wʋ: 'abɩa Nyɔsʋaa ‑gbinanakʋ nyra plɛgälɩflɛrɛkʋ ‑sie 'amɩ 'wli!

1 Piɛɛrë 1:20

'Plä ‑kaaŋlʋ nrörö Nyɔsʋa nya 'ba kä 'lɩ 'ɔɔn, ‑bɛ ‑taa jrüülü bäa' ‑gälɩ 'blörö jrüü nɩ, 'ɔnya srara 'ɔa nyufa 'ana ‑gʋ.

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

2 Piɛɛrë 3:14

'A 'ia ‑gʋ 'na ‑wawanyüü 'amɩ, 'a ‑glaaa' wiili nɩ, 'ba 'pa 'kpɔɔ 'amä nyüülü ‑fre 'nyɩa' 'lɩbä bä, nyüülü wii 'nyɩa' ‑gälɩ bä bä, nyüülü nyra Nyɔsʋa 'Nönröa' 'wli bä.

1 Jaan 4:16

Amɔlɔ nɩ, a jre ‑wawakʋlʋ Nyɔsʋa ‑waa' amɩ, anya toro 'uun plɛ. Nyɔsʋa bä ‑wawakʋ. Nyɔɔlɔ kʋäa' ‑wawakʋ 'lɩ nɩ, Nyɔsʋa 'lɩ 'ɔ kʋ, ‑bɛ Nyɔsʋa kʋ 'ɔɔn 'lɩ.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

'Nyügälɩjawii 17:8

«Mrɛɛlɛ ‑jäa' ma bä 'lɩ ‑maa 'ɛ ‑kanyɩ 'lɩ ‑a bä. 'Ɛ jö 'lee 'ɛmä 'lɩtʋŋlɔbütügbaa 'mlɩ 'cie 'ɛmä 'mɔlɔ. ‑Tʋtʋ ‑gälɩa nyüülü känyrɩ 'nyɩa' 'kläa ‑pɔɔkʋ 'lɩ ‑jɩjra 'bala ‑tʋtʋa 'käkolofa 'wʋ nɩ, üma 'jä 'ɛɛn 'wʋ nɩ, 'inya 'üün plɛklɩ kalaa; 'be mrɛɛlɛ ma bäa' 'lɩ ‑bɛ ɛ ‑kanyɩa' 'lɩbä, 'ɛnya 'sɔɔwʋ 'plä 'wʋ jia.