Ɛfɛsënyüü 1:18 - Kuö Dëdrä Jenɛɛsë Rutë

¹⁸ ɔ ‑jie 'ana bobowli 'klɩ, 'amä diili 'a 'piea' plɛ ‑gälɩ jre ‑bɛ 'amä wiili 'lɩ 'ɔ werea' 'amɩ jre. 'Amä 'nanabɩɔlʋ 'ɔ ‑tʋʋäa' ‑wälɩ 'nyünanyüüa ‑gʋ nɩ, 'amä 'uun jre.

Ɛfɛsënyüü 1:18 Iomraidhean Croise

Matiö 13:15

'Be ‑taa ‑glügböläa plɛ 'a 'bʋa, 'üa 'nunukʋ 'a 'lɩkla; 'ü 'mʋmɔ 'üa 'nyü 'ü ‑pɩ 'nyü nʋ 'ü ‑pɩ 'käjä; 'ü ‑pɩ 'nyakli nʋ 'ü ‑pɩ 'nyaklipo; 'üa plɛ ‑pɩ wii 'wlinu, 'ü ‑pɩ 'na 'pɛlɩ kälɩsie 'nyɩ ‑pɩ 'üün 'pʋɔ .

Marëkë 10:17

Jesu sɔwʋ 'ɔmä mi, ‑bɛ nyɔɔ 'doo ja fʋfɔlʋ 'ɔ 'jrara 'ɔɔn 'klɩ, 'ɔnya 'pa 'ɔa 'klɔɔtrʋ kotifli; 'iibä: «'Cɩca 'kpɩkpɩanyɔɔ, ‑asɩ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?»

Lukë 24:45

'Ɔnya jie 'üa 'lɩgaglakʋ 'klɩ 'ümä nyɔsʋaapɔɔkʋ 'wli 'nu,

Akëtë 16:14

'Dooa 'nyrɩ bä Lidii, Tiratiirëbätä 'ɔ sɔ. 'Ɔ 'paa ‑fɔflɔɔ deili kä 'peru 'bʋaa 'peru. 'Ɔ ‑träärälɩ Nyɔsʋa. 'Nyakli 'ɔ po ɩ, 'Pläkänyɔɔ nya jie 'ɔa bobowli 'klɩ 'ɔmä wiili 'Pɔɔlë 'saalɩ 'nyaklipo 'cɩcasa.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Rɔmënyüü 11:29

'Be Nyɔsʋa ma ‑nyɩ dɛɛ 'ɔ ‑kanyɩ ji 'ɛa 'klʋɛɛ ‑a, ‑bɛ ɔma we nyüü 'ɔnyɩ sɔ 'üün dɛrɩ ‑a.

Rɔmënyüü 2:4

‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ?

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

2 Korɛɛntënyüü 4:6

'Be Nyɔsʋalɔ 'daaa' ‑maa: «Abɩa 'napɛ ŋʋala 'jöjrüükpü 'lɩ!» 'A 'ɔa 'doolɔ 'ɔɔ ŋʋala 'ɔa 'napɛ ana polua 'mlɩ, 'kä 'ɔmä amɩ 'ɔa 'bʋalakʋlʋ ŋʋalaa' Jesu 'Kriisëa 'klʋɩ srara amä 'uun jre.

Galaatënyüü 5:5

‑Maa amɔlɔ nɩ, a jre 'iin ana nyɔsʋaplɛtorokʋ kälɩ Nyɔsʋa 'mä ‑srörö ‑bɛ 'ɔmä 'daa a ‑gäklɩ. 'Ii a ‑glaara ‑Susu 'lɩ.

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ɛfɛsënyüü 2:12

'Ba 'pa plɛ, 'ia 'taɩn 'lɩ nɩ, 'a ma tʋŋlʋlɩ 'Kriisë dɛrɩ; a ma 'nyɩ kä ‑a kä 'amä Israɛɛlëa ‑glügböa 'mlɩa nyüü bä, 'a ma 'nyɩ kuöa 'mlɩ ‑a bä, kuölä Nyɔsʋa 'paa' 'lɩ, 'kä wiili 'ɔ 'daaa' 'ɔmäa' nʋ, 'ia 'surukʋa ‑gʋ. 'A ma 'nyɩ plɛgälɩpiedɛɛ ‑a kä, 'a ma 'nyɩ Nyɔsʋa ‑a jre 'pläa 'mlɩ.

Ɛfɛsënyüü 3:16

'Ɔ 'bʋaa' 'wliklɩ ‑gböösa nɩ, 'ia ‑gʋ 'n bibie 'ɔɔn, ɔ ‑srörö 'ɔa ‑Susu kälɩ ɔ 'pa 'amɩ 'klü 'lɩ

Ɛfɛsënyüü 3:8

'Mɔɔ 'padɛrɩtä nyɔsʋaanyünanyüüa 'fɩɔa ‑tɔrʋpɩɔ. ‑Maa 'mɔɔ 'ɔ ‑nyɩ 'ɔa ‑gbinanakʋ 'mä nyüülü 'nyɩa' juifë bä 'Mʋfagogo 'sa. 'Mʋfagogolä nɩ, 'bɩɔ bäsaa, 'unyɩ bɩabɩa ‑a, 'Kriisëa kälɩ 'u sɔ.

Ɛfɛsënyüü 4:1

'Ia ‑gʋ, 'mɔɔ 'Pläkänyɔɔa ‑jienyɔɔlɔ nɩ, 'n 'paa 'amɩ 'klü 'lɩ, 'sɩrɩ Nyɔsʋa 'bataa' i kä ‑gʋ 'ɔ wea' 'amɩ nɩ, 'amä 'ia 'sa 'nyɛ.

Ɛfɛsënyüü 4:4

Fugba bä 'döö, ‑Susu nya bä 'doo, 'sɩrɩ Nyɔsʋa werea' 'amɩ dɛɛ 'deea plɛgälɩpiepiekʋ ‑gälɩ.

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

Filipënyüü 3:14

Fʋfɔlʋa blöröfa 'n tɛ 'klɩ ‑bɛ 'n fɔ 'mä 'pɛpɛɛdɛɛlɛ kä ‑gʋ Nyɔsʋa wea' amɩ 'ɔmäa' amɩ ‑nyɩ cɛlɩ Jesu 'Kriisë 'lɩ, 'mä 'ɛɛn fa.

Kolɔɔsënyüü 1:12

‑Bɛ 'amä Tʋ 'trɛɛ, 'ɔɔlɔ nʋa' 'iin ‑bɛ amäa' ana në 'pɛ ‑jaaa 'mlɩ 'järä, ‑jaalä 'ɔ tɛrɛa' 'nyünanyüülü bäa' 'ɔa në 'napɛ 'lɩ.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Kolɔɔsënyüü 1:27

Nyɔsʋa 'bata 'ɔmä 'üün 'wliklɩbʋaa 'bɩɔlʋ 'ɔ ‑sisie ɩa' srara, u 'ɔ tɛrɛa' nyüülü 'nyɩa' juifë bä. ‑Jää wiili 'ɔ ‑sisie ɩa': 'Kriisë bä 'amɩ 'lɩ; 'ii 'sree plɛ 'kä 'sɩrɩ amäa' Nyɔsʋa 'wliklɩbʋabʋakʋ 'jä.

Kolɔɔsënyüü 1:5

Dɛɛlɛ Nyɔsʋa tɛrɛa' 'amɩ cɛɩɩa 'mlɩ ɛ 'a ‑glaaa' nɩ, 'ɛɛ bä 'ana nyɔsʋaplɛtorokʋ. ‑Bɛ 'ia plɛgälɩpiepiekʋlʋ nɩ, 'cɩcasalä 'saraa' 'lɩ, 'ää känyrɩ 'anya jre 'Mʋfagogo.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Kolɔɔsënyüü 3:15

'Kä 'wlinönrökʋlʋ 'Kriisë ‑nyɛɛa' 'tiere 'ana polu, 'be 'a 'wlinönrökʋlʋa ‑gʋ Nyɔsʋa we 'amɩ, 'amä nyɔɔ 'doo bä; 'ba 'trɛɛ Nyɔsʋa 'taɩn a 'fɩɔ 'lɩ.

1 Tɛsalonikënyüü 2:12

a 'jraraa' 'ana 'klü, a ‑sɔɔrɔa' 'ana plɛ 'wʋ ‑bɛ a 'paa 'amɩ ‑tɔɔ 'lɩ 'amä 'nyɛ 'sɩrɩ Nyɔsʋa 'bataa'. 'Ɔɔ we 'amɩ 'amä 'ɔa 'kamaplä nyra 'ɔa 'wliklɩbʋabʋakʋa 'mlɩ pa.

1 Tɛsalonikënyüü 5:8

‑Maa amɔ bäa' ‑srɩa 'jü nɩ, a ‑tre ana nyüfë; a 'sroo nyɔsʋaplɛtorokʋ nyra ‑wawlakʋ ‑beere tafukotu, a 'pie 'lɩmlɩwʋwʋkʋ plɛ ‑gälɩ ‑beere tafuwlugbö.

2 Tɛsalonikënyüü 1:11

'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

1 Timotee 6:12

‑Fu 'cɩca ‑golulu bäa' nyɔsʋaplɛtorokʋ; 'kpla ‑gböösa 'klälä 'nyɩa' blöröfa kä. 'A 'kläläa ‑gʋ 'ɔ we ‑mɩ. ‑Nya 'nyiere kä Jesu 'klɩ nyüü 'kɔkɔmlɛa 'klʋɩ.

Titë 2:13

'Asɩ a ‑glaaa dɔrʋ ‑srɩlɩ a toroa' plɛ. 'Ia ‑srɩ 'lɩ nɩ, ana 'Lɩmlɩbanyɔɔ Jesu 'Kriisë, ɔ bäa' ana Nyɔsʋa Kpakö, nya 'wliklɩbʋalakʋ 'lɩ jröröa.

Titë 3:7

amä 'saa jre 'sɩrɩ anya ‑jaaa bäa' 'klälä 'nyɩa' blöröfa kä 'jä. A 'pie 'iin plɛ ‑gälɩ 'be Nyɔsʋa ‑gä amɩ 'klɩ 'ɔa ‑gbinanakʋ 'lɩ.

Ebröönyüü 10:32

‑Maa 'ba 'pa wiili 'a 'jä käa' plɛ. 'A 'jäa' Nyɔsʋaa 'napɛ 'ia ‑srɩlɩa 'mlɩ nɩ, 'a 'järä tou ‑susugbee ‑sʋɩa mlɩ.

Ebröönyüü 6:4

'Be dɛɛlɛ bäa' ‑mülü nya käa' Nyɔsʋaa 'napɛ 'klɩtɔrɔ, ‑bɛ 'ü cɛ ‑nyɩa' 'srɛ, ‑bɛ 'Nyüna ‑Susu 'cerea' 'lɩ nɩ,

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

1 Piɛɛrë 3:9

Nyɔɔ ma nʋ 'amɩ ‑balʋ ‑gba, 'anyɩ nʋ ‑balʋ 'anyɩ 'sa ‑balʋa 'kpa. Nyɔɔ ma ‑jree 'amɩ nɩ, 'anyɩ ‑jree 'ɔɔn bɩa. ‑Maa 'ba 'pa 'ɔɔn 'nɩ; 'be 'a jre 'iin 'sɩrɩ Nyɔsʋa werea' 'amɩ 'iin 'lɩ, 'ɔmä 'amɩ 'nɩ 'pa.

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.