फिलिप्पियन 4:9 - Bagheli Bible

⁹ अउर जउन बातँय तूँ पंचे हमसे सिखे हया, अउर उनहीं अपने जीबन माहीं अपनाए हया, अउर जउन बातँय हमसे सुने हया, इआ कि हमहीं करत देखे हया, उनहिन के मुताबिक चला, तबहिन सान्ति के दाता परमातिमा तोंहरे पंचन के साथ माहीं रइहँय।

फिलिप्पियन 4:9 Iomraidhean Croise

मत्ती 1:23

कि “देखा एकठे कुमारी लड़कहाई होई, अउर ओखे लड़िका पइदा होई अउर ओखर नाम ‘इम्मानुएल’ धराबा जई, जेखर मतलब हय ‘परमातिमा हमरे पंचन के साथ हें’।”

मत्ती 28:20

अउर जउने बातन काहीं, हम तोंहईं पंचन काहीं मानँइ के हुकुम दिहेन हय, उँइन बातन काहीं मानँइ के खातिर उनहूँ पंचन काहीं सिखाबा: अउर इआ बात काहीं सुध रख्या, कि संसार के अन्त तक हमेसा हम तोंहरे पंचन के साथ माहीं रहब।”

मत्ती 7:21

जेतने हमसे, हे प्रभू, हे प्रभू, कहत हें, उनमा से हरेक जन स्वरगराज माहीं न जाए पइहँय, बलकिन उहय स्वरगराज माहीं जई, जउन स्वरग माहीं रहँइ बाले हमरे पिता के मरजी के मुताबिक चलत हय।

लूका 6:46

“जब तूँ पंचे हमार कहा नहीं मनते आह्या, त काहे हमहीं ‘हे प्रभू, हे प्रभू’, कहते हया?

लूका 8:21

इआ सुनिके यीसु बोलामँइ बालेन से कहिन, “देखा हमार महतारी अउर हमार भाई ईं पंचे आहीं, जउन परमातिमा के बचन काहीं सुनत हें, अउर मानत हें।”

यूहन्ना 13:17

तूँ पंचे त ईं बातन काहीं जनते हया, अउर अगर तूँ पंचे इनहिन माहीं चला, त धन्य हया।

यूहन्ना 15:14

जउन हुकुम हम तोंहईं पंचन काहीं देइत हएन, अगर उनखर पालन करा, त तूँ पंचे हमार साथी आह्या।

यूहन्ना 2:5

उनखर महतारी सेबा करँइ बालेन से कहिन, “यीसु जउन कुछू तोंहसे कहँय, उहय किहा।”

खास चेलन 9:6

पय अब उठिके सहर माहीं जा, अउर जउन कुछू करँइ काहीं हय, उआ तोंहसे बताबा जई।”

रोमियन 15:33

अउर हम प्राथना करित हएन, कि सान्ती देंइ बाले परमातिमा तोंहरे पंचन के साथ रहँय। आमीन।

रोमियन 16:20

अउर सान्ती देंइ बाले परमातिमा सइतान काहीं तोंहरे गोड़ेन से हरबिन कुचरबाय देइहँय। अउर हम प्राथना करित हएन, कि हमरे पंचन के प्रभू यीसु मसीह के किरपा, तोंहरे पंचन के ऊपर होत रहय।

1 कुरिन्थियन 10:31

एसे चाह तूँ पंचे खा-पिआ, अउर चाह जउन कुछू करा, पय ऊँ सगलेन के द्वारा परमातिमा के बड़ाई होंइ क चाही।

1 कुरिन्थियन 14:33

काहेकि परमातिमा गड़बड़ी डारँइ बाले नहीं, पय सान्ती देंइ बाले परमातिमा आहीं, अउर जइसन कि परमातिमा के पबित्र मनइन के सगली मसीही मन्डलिन माहीं होत हय।

1 कुरिन्थियन 4:16

एसे हम तोंहसे इआ बिनती करित हएन, कि तोंहार चाल-चलन हमरे कि नाईं होय।

2 कुरिन्थियन 13:11

हे भाई-बहिनिव, हम अपने बातन काहीं खतम करित हएन, अउर आखिर माहीं हम तोंहईं पंचन काहीं इआ लिखित हएन, कि तूँ पंचे आनन्दित रहा, बिसुआस माहीं मजबूत बनत जा, ढाढ़स रक्खा; अउर आपस माहीं एक मन रहा; एक दुसरे से मिल जुलिके रहा, अउर प्रेम अउर सान्ती देंइ बाले परमातिमा हमेसा तोंहरे पंचन के साथ रइहँय।

फिलिप्पियन 3:17

अउर हे भाई-बहिनिव, तूँ पंचे सगले जन हमरे कि नाईं जीबन जिआ, अउर उनहीं पहिचान लेबा करा, जउन हमरिन कि नाईं जीबन जिअत हें, जेखर उदाहरन तूँ पंचे हमरे जीबन माहीं पउते हया।

फिलिप्पियन 4:7

तब परमातिमा के तरफ से मिलँइ बाली सान्ति, जउन हमरे पंचन के समझ से बाहर ही, तोंहरे पंचन के हिरदँय अउर बिचारन काहीं मसीह यीसु माहीं सुरच्छित बनाए रक्खी।

1 थिस्सलुनीकियन 1:6

अउर तूँ पंचे भारी दुख माहीं पबित्र आत्मा के आनन्द के साथ, बचन काहीं मानिके हमरे पंचन के, अउर प्रभू कि नाईं चाल चलँइ लागे हया।

1 थिस्सलुनीकियन 2:14

एसे हे भाई-बहिनिव, तूँ पंचे परमातिमा के उन मसीही मन्डलिन के चाल-चलन काहीं अपनाय लिहा हय, जउन यहूदिया प्रदेस माहीं प्रभू मसीह यीसु माहीं हईं, काहेकि तुहूँ पंचे घलाय अपने लोगन से उहयमेर दुख पाए हया, जइसन ऊँ पंचे यहूदी लोगन से पाइन रहा हय।

1 थिस्सलुनीकियन 5:23

सान्ति देंइ बाले परमातिमा खुदय तोंहईं पूरी तरह से पबित्र करँय; अउर तोंहार आत्मा, प्रान अउर देंह हमरे पंचन के प्रभू यीसु मसीह के आमँइ तक, पूर-पूर निरदोस अउर सुरच्छित रहय।

2 थिस्सलुनीकियन 3:4

अउर तूँ पंचे प्रभू के ऊपर बिसुआस करते हया, एसे हमहीं पंचन काहीं तोंहरे ऊपर पूर भरोसा हय, कि जउन-जउन हुकुम हम पंचे तोंहईं दिहेन रहा हय, उनहीं तूँ पंचे मनते हया, अउर मनतव रइहा।

2 तीमुथियुस 4:22

हम प्राथना करित हएन, कि प्रभू तोंहरे साथ रहँय, अउर तोंहरे पंचन के ऊपर प्रभू के किरपा होत रहय। आमीन!

याकूब 1:22

एसे तूँ पंचे, परमातिमा के बचन के मुताबिक चलँइ बाले बना, अउर केबल सुनँइ बाले भर नहीं, जउन खुद अपनेन काहीं धोखा देत हें।

2 पतरस 1:10

एसे हे भाई-बहिनिव, इआ साबित करँइ के खातिर, अउर जादा कोसिस करा, कि तोंहईं पंचन काहीं, बास्तव माहीं परमातिमा के द्वारा बोलाबा ग हय, अउर चुना ग हय, काहेकि अगर तूँ पंचे ईं बातन काहीं करत रइहा, त न कबहूँ ठोकरय खइहा, अउर न त कबहूँ बिसुआस से भटकबय करिहा।

1 यूहन्ना 3:22

अउर जउन कुछू हम पंचे मागित हएन, उआ परमातिमा से मिल जात हय; काहेकि हम पंचे परमातिमा के हुकुमन काहीं मानित हएन; अउर जउन उनहीं निकहा लागत हय, उहय करित हएन।