फिलिप्पियन 4:7 - Bagheli Bible

⁷ तब परमातिमा के तरफ से मिलँइ बाली सान्ति, जउन हमरे पंचन के समझ से बाहर ही, तोंहरे पंचन के हिरदँय अउर बिचारन काहीं मसीह यीसु माहीं सुरच्छित बनाए रक्खी।

फिलिप्पियन 4:7 Iomraidhean Croise

लूका 1:79

कि जउन मनई पाप अउर मउत के बन्धन माहीं फँसे हें, उनहीं छोड़ाइके मुक्ती के उँजिआर देंइ, अउर हमहीं पंचन काहीं नीक गली माहीं सीध चलामँइ।”

लूका 2:14

“स्वरग माहीं परमातिमा के महिमा, अउर धरती माहीं उँइ मनइन काहीं जउनेन से ऊँ प्रसन्न हें, सान्ती मिलय।”

यूहन्ना 14:27

हम तोंहईं पंचन काहीं सान्ति दए जइत हएन, अउर आपन सान्ति तोंहईं पंचन काहीं देइत हएन; जइसन संसार के सगले मनई देत हें, हम तोंहईं उआमेर से नहीं देइत आहेन: तूँ पंचे अपने मन माहीं न घबरा अउर न डेरा।

यूहन्ना 16:33

ईं बातन काहीं तोंहसे हम एसे कहेन हय, कि हमरे व्दारा तोंहईं सान्ती मिलय; संसार माहीं तोंहईं दुख मिलत हय, पय ढाढ़स बाँधा, हम संसार काहीं जीत लिहेन हय।”

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

रोमियन 14:17

काहेकि परमातिमा के राज, खाँय-पिअँइ से सम्बन्धित नहिं आय, पय अगर हम पंचे परमातिमा के नजर माहीं निरदोस जीबन जी, अउर सगले मनइन से मेल-मिलाप से रही, अउर पबित्र आत्मा से मिलँइ बाले आनन्द माहीं जीबन बिताई, त परमातिमा हमरे पंचन के जीबन माहीं राज करिहँय।

रोमियन 15:13

हम प्राथना करित हएन, कि परमातिमा जउन तोंहईं पंचन काहीं आसा देत हें, अउर तूँ पंचे उनखे ऊपर बिसुआस करते हया, एसे ऊँ तोंहईं पंचन काहीं आनन्द अउर सान्ती से भर देंय, कि जउन आसा तूँ पंचे उनखे ऊपर रक्खे हया, उआ पबित्र आत्मा के सक्ती से अउर बाढ़त जाय।

रोमियन 5:1

काहेकि हम पंचे, बिसुआस किहे के कारन परमातिमा के खातिर उनखे नजर माहीं निरदोस होइ गएन हँय, एसे हमरे पंचन के प्रभू यीसु मसीह के द्वारा हमार पंचन के परमातिमा से मेल-मिलाप होइगा हय।

रोमियन 8:6

अउर मन के बुरी इच्छन माहीं मन लगाउब त मउत आय, पय पबित्र आत्मा के बताए बातन माहीं मन लगाए से अनन्त जीबन अउर सान्ती मिलत ही।

2 कुरिन्थियन 10:5

एसे हम पंचे परमातिमा के ग्यान के बिरोध माहीं उठँय बाले हरेक सोच-बिचारन, अउर हरेक ऊँची बातन के बिरोध करित हएन, अउर हरेक उआ बिचार काहीं जउन मनइन काहीं परमातिमा के ग्यान काहीं पामँइ से रोंकत हें, उनहीं बंदी बनाइके मनइन काहीं मसीह के हुकुमन काहीं मानँइ बाला बनाय देइत हएन।

2 कुरिन्थियन 13:11

हे भाई-बहिनिव, हम अपने बातन काहीं खतम करित हएन, अउर आखिर माहीं हम तोंहईं पंचन काहीं इआ लिखित हएन, कि तूँ पंचे आनन्दित रहा, बिसुआस माहीं मजबूत बनत जा, ढाढ़स रक्खा; अउर आपस माहीं एक मन रहा; एक दुसरे से मिल जुलिके रहा, अउर प्रेम अउर सान्ती देंइ बाले परमातिमा हमेसा तोंहरे पंचन के साथ रइहँय।

गलातियन 5:22

अउर पबित्र आत्मा के फर इआमेर से हँय जइसन, प्रेम करब, आनन्दित रहब, मिल-जुलिके रहब, धीरज धरब,

इफीसियन 3:19

अउर मसीह के उआ प्रेम काहीं जान सका, जउन मनइन के हरेकमेर के ग्यान से नहीं जाना जाय सकय, जउने तूँ पंचे परमातिमा के सगली भरपूरी से भरपूर होइजा।

फिलिप्पियन 1:1

प्रभू यीसु मसीह के सेबक पवलुस अउर तीमुथियुस के तरफ से इआ चिट्ठी, फिलिप्पी सहर माहीं रहँइ बाले मसीह यीसु के ऊपर बिसुआस करँइ बाले भाई-बहिनिन, अउर मसीही मन्डली के अँगुअन अउर सेबकन काहीं मिलय।

फिलिप्पियन 1:2

हम पंचे इआ प्राथना करित हएन, कि हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ति मिलत रहय।

फिलिप्पियन 4:19

अउर हमार परमातिमा घलाय अपने उआ धन के मुताबिक, जउन मसीह यीसु माहीं महिमा समेत हय, तोंहरे हरेक कमी-घटी काहीं पूर करिहँय।

फिलिप्पियन 4:21

अउर हरेक ऊँ पबित्र मनइन काहीं, जउन मसीह यीसु के ऊपर बिसुआस करत हें, हमार पंचन के नबस्कार कह्या, अउर जउन भाई हमरे साथ माहीं हें, ऊँ पंचे घलाय तोंहईं नबस्कार कहत हें।

फिलिप्पियन 4:9

अउर जउन बातँय तूँ पंचे हमसे सिखे हया, अउर उनहीं अपने जीबन माहीं अपनाए हया, अउर जउन बातँय हमसे सुने हया, इआ कि हमहीं करत देखे हया, उनहिन के मुताबिक चला, तबहिन सान्ति के दाता परमातिमा तोंहरे पंचन के साथ माहीं रइहँय।

कुलुस्सियन 3:15

अउर यीसु मसीह के दीन सान्ति काहीं अपने जीबन माहीं अपनाय ल्या, जउने तोंहरे हिरदँय माहीं राज करय, एहिन के खातिर परमातिमा तोंहईं एकठे देंह कि नाईं, एक होंइ के खातिर चुनिन हीं, एसे परमातिमा काहीं हमेसा धन्यबाद देत रहा।

2 थिस्सलुनीकियन 3:16

अउर प्रभू जउन सान्ति के दाता हें, खुदय तोंहईं हरेकमेर से सान्ति देंइ। प्रभू तोंहरे पंचन के साथ रहँय।

इब्रानियन 13:20

अउर सान्ती देंइ बाले परमातिमा, हमरे पंचन के प्रभू यीसु मसीह काहीं मरेन म से जिन्दा कइ दिहिन हीं, जउन गड़रन के महान चरबाहा आहीं, अउर उनहिन के खून से हमरे पंचन के साथ सनातन के खातिर करार बाँधिन हीं।

यहूदा 1:1

हम यहूदा आहेन, अउर इआ चिट्ठी काहीं लिख रहेन हय, जउन यीसु मसीह के दास अउर याकूब के भाई आहेन, इआ चिट्ठी हम उनखे खातिर लिख रहेन हय, जिनहीं पिता परमातिमा बोलाइन हीं, अउर जिनसे प्रेम करत हें, अउर उनखर यीसु मसीह के खातिर रखबारी करत हें।

दरसनन के बातँय 1:4

यूहन्ना के तरफ से आसिया प्रदेस के सातव मसीही मन्डली के नाम। अउर उनखे तरफ से जउन हें, अउर जउन रहे हँय, अउर जउन आमँइ बाले हें; अउर उन सातँव आत्मन के तरफ से, जउन उनखे सिंहासन के आँगे हईं,

दरसनन के बातँय 2:17

अउर जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय; जे बिजय पाई, ओही हम, न देखाँइ बाले मन्ना म से देब; अउर ओही एकठे उजर पथरा घलाय देब; अउर उआ पथरा माहीं एकठे नाम घलाय लिखा होई, जेही ओही पामँइ बाले के अलाबा, अउर कोऊ न जानी।”