फिलिप्पियन 4:5 - Bagheli Bible

⁵ तोंहार पंचन के सहनसीलता सगले मनइन काहीं पता चलय, जउने ऊँ प्रभू कइती आमँय, काहेकि प्रभू हरबिन आमँइ बाले हें।

फिलिप्पियन 4:5 Iomraidhean Croise

मत्ती 6:25

एसे हम तोंहसे इआ कहित हएन, कि ‘अपने प्रान के खातिर इआ चिन्ता न किहा, कि हम पंचे का खाब, अउर का पिअब? अउर न अपने देंहेन के खातिर चिन्ता किहा, कि हम का पहिरब? का प्रान खाना से, अउर देंह ओन्हा से बढ़िके नहिं आय?

मत्ती 6:34

एसे काल्ह के बारे माहीं चिन्ता न किहा, काहेकि काल्ह के दिन आपन चिन्ता खुदय कइ लेई; आज के खातिर आजय के दुख खुब हय।”

लूका 21:34

यीसु उनसे कहिन, “एसे तूँ पंचे सतरक रहा, अइसन न होय कि तोंहार मन घमन्ड, अउर मतबार, अउर इआ जीबन के चिन्ता माहीं परिके सुस्त होइ जाय, अउर उआ दिन तोंहरे ऊपर फन्दा कि नाईं अचानक आय परय।

1 कुरिन्थियन 16:22

अउर अगर कउनव मनई, प्रभू से प्रेम नहीं रक्खय, त प्रभू ओही सराप देइहँय। हे हमार पंचन के प्रभू, अपना हरबी अई।

1 कुरिन्थियन 6:7

पय वास्तव माहीं तोंहरे जीबन माहीं सबसे बड़ा दोस त इआ हय, कि तूँ पंचे आपस माहीं लड़ाई-झगड़ा कइके मुकदमा लड़ते हया। अन्याय काहे नहीं सहि लेते आह्या? अउर खुद के नुकसान काहे नहीं सहि लेते आह्या?

1 कुरिन्थियन 8:13

इआ कारन से अगर हमार खाना दुसरे बिसुआसी भाई-बहिनिन काहीं पाप माहीं गिरामँइ के कारन बनत हय, त हम कबहूँ माँस न खाब, कहँव अइसन न होय, कि हम उनहीं पाप माहीं गिरामँइ के कारन बन जई।

1 कुरिन्थियन 9:25

अउर कुस्ती लड़ँइबाले हरेक पहिलमान, अपने देंह काहीं तइआर करँइ के खातिर, हरेकमेर के कसरत करत हें; अउर ऊँ पंचे त नास होंइ बाले मुकुट काहीं पामँइ के खातिर इआ सगली मेहनत करत हें, पय हम पंचे त उआ मुकुट काहीं पामँइ के खातिर मेहनत करित हएन, जउन कबहूँ नहीं नास होय।

2 कुरिन्थियन 10:1

हम पवलुस यीसु मसीह कि नाईं नम्र अउर दीन होइके तोंहसे पंचन से बिनती करित हएन, जबकि हमरे पीठ पीछे कुछ मनई कहत हें, कि हम डरपोक हएन। पय हम इआ लिखी चिट्ठी माहीं खुब निडर देखइत हएन।

2 थिस्सलुनीकियन 2:2

कि तूँ पंचे कउनव मेर के भबिस्यबानी, उपदेस इआ कि चिट्ठी के द्वारा मिली बात काहीं, इआ समझिके, कि हमरे पंचन के तरफ से भेजी आय, प्रभू के आमँय के दिन आय पहुँचा हय, तोंहार मन ब्याकुल न होय, अउर न तूँ पंचे घबरया,

तीतुस 3:2

अउर कोहू काहीं बदनाम न करँय, लड़ाई-झगड़ा करँइ बाले न बनँय; बलकिन कोमल सुभाव के होंय, अउर सगले मनइन के साथ नम्र बेउहार करँय।

इब्रानियन 10:25

अउर हम पंचे अराधना माहीं जाब न छोंड़ी, अउर उनखे कि नाईं न बनी, जउन ईं बातन काहीं छोंड़ि दिहिन हीं; बलकिन एक दुसरे काहीं समझाबत रही, अउर जइसय- जइसय प्रभू के दुसराय आमँइ के दिन लघे आय रहा हय, त हम पंचे ईं कामन काहीं अउर जादा करी।

इब्रानियन 10:37

“काहेकि अब थोरिन समय बचा हय, अउर आमँइ बाले हरबिन अइहँय, ऊँ देर न करिहँय।

1 पतरस 1:11

अउर उनखे भीतर जउन मसीह के आत्मा रहा हय, उआ पहिलेन से इआ बताबत रहा हय, कि मसीह के ऊपर कइसन दुख अइहँय, अउर ओखे बाद कइसन उनखर महिमा होई। अउर मसीह के आत्मा उनहीं पंचन काहीं इहव बताबत रहा हय, कि ईं बातँय कउने समय, अउर कउने दसा माहीं होइहँय, अउर ओखे बाद इआ संसार के का होई।

1 पतरस 4:7

सगले संसार के अन्त लघेन आइगा हय, एसे तूँ पंचे संयमी अउर समझदार बना, कि जउने प्राथना कइ सका।

दरसनन के बातँय 22:20

जे ईं बातन के गबाही देत हें, ऊँ इआ कहत हें, “हाँ, हम हरबिन आमँइ बाले हएन।” आमीन। हे प्रभू यीसु अई!

दरसनन के बातँय 22:7

“देखा, हम हरबिन आमँइ बाले हएन! धन्य हय उआ, जउन इआ किताब के भबिस्यबानी के बातन काहीं मानत हय।”