फिलिप्पियन 4:4 - Bagheli Bible

⁴ तूँ पंचे प्रभू माहीं हमेसा आनन्दित रहा; इहय बात काहीं हम पुनि कहित हएन, प्रभू माहीं आनन्दित रहा।

फिलिप्पियन 4:4 Iomraidhean Croise

मत्ती 5:12

तब तूँ पंचे खुब आनन्दित अउर मगन होया, काहेकि एखे खातिर तोंहईं पंचन काहीं स्वरग माहीं बड़ा प्रतिफल मिली। काहेकि ऊँ पंचे परमातिमा के सँदेस बतामँइ बालेन काहीं घलाय, जउन तोंहसे पहिले रहे हँय, इहइमेर से सताइन रहा हय।”

खास चेलन 16:25

आधी रात के करीब पवलुस अउर सीलास, प्राथना करत परमातिमा के भजन गाबत रहे हँय, अउर दूसर कइदी उनखर भजन सुनत रहे हँय।

खास चेलन 5:41

ऊँ पंचे इआ बात से आनन्दित होइके महासभा के आँगे से चलेगें, कि हम पंचे उनखे नाम के खातिर निरादर होंइ के काबिल त ठहरेन।

रोमियन 12:12

अउर अपने आसा माहीं आनन्दित रहा; दुख-मुसीबत माहीं धीरज रक्खा; अउर हमेसा प्राथना करँइ माहीं लगे रहा।

2 कुरिन्थियन 6:10

अउर हमहीं पंचन काहीं सोक करँइ बालेन कि नाईं माना जात हय, पय हम पंचे हमेसा आनन्दित रहित हएन, अउर हम पंचे कंगालन कि नाईं देखइत हएन, पय खुब मनइन काहीं आत्मिक रूप से धनी बनाय देइत हएन। अउर मनई समझत हें, कि हमरे पंचन के लघे कुछू नहिं आय, तऊ हमरे पंचन के लघे सब कुछ रहत हय।

गलातियन 1:8

पय तूँ पंचे इआ जानिल्या, कि मसीह के खुसी के खबर जउन हम पंचे तोंहईं पंचन काहीं सुनायन हय, ओही छोंड़िके, अगर कोऊ कउनव दूसर मेर के खुसी के खबर सुनाई, त उआ परमातिमा से जरूर सजा पाई, चाह उआ हम पंचे होई चाह कउनव स्वरगदूत।

फिलिप्पियन 2:18

जइसन हम आनन्दित हएन, उहयमेर हमरे साथ तुहूँ पंचे आनन्द मनाबा।

फिलिप्पियन 3:1

एसे हे हमार भाई-बहिनिव, प्रभू माहीं आनन्दित रहा, अउर तोंहरे कुसलता के खातिर उँइन बातन काहीं बेर-बेर लिखँइ माहीं, हमहीं कउनव कस्ट नहीं होय।

1 पतरस 4:13

पय जइसय-जइसय तूँ पंचे मसीह के दुखन माहीं भागीदार होते हया, त आनन्द मनाबा, जउने जब मसीह के महिमा प्रगट होय, त तुहूँ पंचे खुब आनन्दित अउर मगन होइ सका।