फिलिप्पियन 4:2 - Bagheli Bible

² एसे हम यूआदिया काहीं अउर सुन्तुखे काहीं घलाय समझाइत हएन, कि प्रभू माहीं एकय मन से रहा।

फिलिप्पियन 4:2 Iomraidhean Croise

मरकुस 9:50

नोन त निकहा होत हय, पय अगर ओखर सखरई खतम होइ जाय, त दुबारा ओही कउनव चीज से सखार नहीं कीन जाय सकय। इहइमेर अपने भीतर नोन कि नाईं गुन रक्खा, अउर एक दुसरे के साथ मिल-जुलिके रहा।

1 कुरिन्थियन 1:10

हे भाई-बहिनिव, हम अपने प्रभू यीसु मसीह के नाम से तोंहसे इआ बिनती करित हएन, कि तूँ पंचे सगले जने एकय बात कहा, अउर तोंहरे बीच माहीं फूट न परय, पय एक चित्त होइके अउर एकयमेर के उद्देस्य रखिके आपस माहीं मिले रहा।

फिलिप्पियन 3:16

एसे जउने सत्य तक हम पंचे पहुँच चुकेन हय, ओहिन के मुताबिक चलत रही।

1 थिस्सलुनीकियन 5:13

अउर उनखे इआ काम के कारन, उनहीं बड़े प्रेम से आदर के काबिल समझा, अउर आपस माहीं मिल-जुलिके रहा।

इब्रानियन 12:14

अउर तूँ पंचे सबसे मेल-मिलाप रक्खा, अउर पबित्र बनँइ के हरेकमेर से कोसिस करत रहा; काहेकि पबित्र बने बिना, कउनव मनई प्रभू के दरसन कबहूँ न करे पाई।