फिलिप्पियन 4:14 - Bagheli Bible

¹⁴ तऊ तूँ पंचे निकहा किहा हय, जउन हमरे दुख माहीं हमार मदत किहा हय।

फिलिप्पियन 4:14 Iomraidhean Croise

मत्ती 25:21

तब उआ दास के मालिक ओसे कहिन, कि ‘साबास, तूँ बिसुआस के काबिल अउर निकहे दास हया, तूँ थोर काहीं धन माहीं बिसुआस के काबिल रहे हया; एसे हम तोंहईं खुब चीजन के अधिकारी बनाउब। अउर तूँ जाइके अपने मालिक के खुसी माहीं सामिल होइजा।’

रोमियन 15:27

अउर इआ करँइ के खातिर उनहीं निकहा त लाग, पय ऊँ पंचे उनखर रिनिहा घलाय हें, काहेकि ईं पंचे गैरयहूदी लोग, यरूसलेम सहर के यहूदी जाति के बिसुआसी भाई-बहिनिन से आत्मिक बातन के आसीस अरथात खुसी के खबर पाइन हीं, त इनहूँ पंचन काहीं उचित होत हय, कि उनखे सारीरिक जरूरतन के खातिर, उनहीं पंचन काहीं दान दइके उनखर सेबा करँय।

गलातियन 6:6

जेही परमातिमा के बचन सुनाबा ग हय, ओही चाही कि ओखे लघे जउन निकही चीजँय होंय, उनमा से अपने बचन सुनामँइ बाले काहीं कुछ दइके मदत करँय।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 4:18

अउर जउन चीजँय तूँ पंचे इपफ्रुदीतुस के हाँथ से पठए रहे हया, उनहीं पाइके हमार हर जरूरत पूर होइगे ही, बलकिन हमरे लघे जरूरत से जादा चीजँय होइ गई हँय। जउन भेंट तूँ पंचे हमरे लघे पठए हया, उआ सुगन्धित अउर सोइकार करँइ के काबिल बलिदान हय, जउने से परमातिमा प्रसन्न होत हें।

1 तीमुथियुस 6:18

अउर ऊँ भलाई करँइ अउर भलाई के कामन काहीं करँइ माहीं धनी बनय, अउर ओदार, अउर अपने धन से दुसरेन के मदत करँइ के खातिर हमेसा तइआर रहँय।

इब्रानियन 10:33

अउर कबहूँ-कबहूँ तूँ पंचे अपमान अउर दुख के समय तमासव बने हया, अउर कबहूँ-कबहूँ त जउने मनइन के दुरदसा कीन जात रही हय, उनखर मदत घलाय किहा हय।

इब्रानियन 10:34

काहेकि तूँ पंचे जेल माहीं परे मनइन के दुखन माहीं भागीदार बने हया, अउर अपने धन-सम्पत्ती काहीं खुसी के साथ, इआ जानिके लुट जाँइ दिहा हय। कि हमरे पंचन के लघे ओहू से उत्तम अउर कबहूँ न खतम होंइ बाली धन-सम्पत्ती ही।

इब्रानियन 13:16

अउर तूँ पंचे भलाई करब, अउर दान देब न बिसराया; काहेकि परमातिमा इहइमेर के बलिदानन से खुसी होत हें।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।