फिलिप्पियन 3:9 - Bagheli Bible

⁹ अउर उनहिन के ऊपर बिसुआस माहीं बने रही; पय उआ धारमिकता माहीं नहीं, जउन मूसा के बिधान से मिलत ही, बलकिन उआ धारमिकता माहीं बने रही जउन मसीह के ऊपर बिसुआस किहे से मिलत ही, अउर इआ धारमिकता मसीह के ऊपर बिसुआस किहे से परमातिमा के व्दारा मिलत ही।

फिलिप्पियन 3:9 Iomraidhean Croise

मत्ती 9:13

एसे तूँ पंचे जाइके एखर मतलब का होत हय, इआ जानिल्या: हम बलिदान नहीं, दया चाहित हएन। काहेकि जे कोऊ इआ सोचत हें, कि हम पापी नहिं आहेन उनहीं नहीं, बलकिन पापी लोगन काहीं बोलामँइ आएन हँय।”

रोमियन 1:17

काहेकि खुसी के खबर माहीं इआ बताबा ग हय, कि परमातिमा मनई काहीं अपने नजर माहीं निरदोस कइसा बनाबत हें, इआ सुरुआत से अन्त तक बिसुआस माहीं टिका हय; जइसन पबित्र सास्त्र माहीं घलाय लिखा हय, कि “परमातिमा के नजर माहीं निरदोस मनई बिसुआस के कारन जिअत रही।”

रोमियन 10:10

काहेकि परमातिमा के नजर माहीं निरदोस बनँइ के खातिर, पूरे मन से बिसुआस कीन जात हय, अउर मुक्ती पामँइ के खातिर अपने मुँहे से सोइकार कीन जात हय।

रोमियन 16:7

अउर अन्द्रुनीकुस अउर यूनियास काहीं जउन हमरे यहूदी जाति के बिसुआसी भाई आहीं, अउर हमरे साथ जेल माहीं घलाय गे रहे हँय, अउर यीसु मसीह के खास चेलन माहीं ऊँ पंचे मसहूर रहे हँय, अउर हमसे पहिले मसीह के ऊपर बिसुआस किहिन रहा हय, उनहूँ काहीं हमार नबस्कार कहि दिहा।

रोमियन 5:21

अउर जइसन मउत के द्वारा पाप मनइन के ऊपर राज किहिस, ठीक उहयमेर परमातिमा के किरपा घलाय, हमरे पंचन के प्रभू यीसु मसीह के द्वारा अनन्त जीबन के खातिर, मनइन काहीं परमातिमा के नजर माहीं निरदोस ठहराबत राज करय।

रोमियन 8:1

एसे अब जेतने जन मसीह यीसु के ऊपर बिसुआस करत हें, उनहीं कउनव सजा न मिली।

रोमियन 8:3

काहेकि जउन काम मूसा नबी के उआ बिधान, जउन मन के बुरी इच्छा के कारन निबल बनाय दीन ग रहा हय, नहीं कए पाइस, ओही परमातिमा अपने लड़िका काहीं हमरे पंचन कि नाईं देंह माहीं पठइके, जउने से हम पंचे पाप करित हएन, इआमेर से परमातिमा मनई के देंह माहीं पाप काहीं सजा दिहिन हीं

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

2 कुरिन्थियन 5:17

एसे अगर कउनव मनई यीसु मसीह के ऊपर बिसुआस कइ लेत हय, त उआ नई रचना बन जात हय। अउर ओखे जीबन से पुरान बातँय चली जाती हईं, अउर ओखर नबा जीबन सुरू होइ जात हय।

2 कुरिन्थियन 5:21

यीसु मसीह, जिनखे जीबन माहीं कउनव पाप नहीं रहा आय, उनहिन के ऊपर परमातिमा, हमरे पंचन के सगले पापन के बोझ लाद दिहिन, कि जउने हम पंचे यीसु मसीह के द्वारा परमातिमा के नजर माहीं निरदोस ठहरी।

गलातियन 2:16

यहूदी लोग इआ मानत रहे हँय, कि मनई मूसा के बिधान के पालन करे से परमातिमा के नजर माहीं निरदोस ठहरत हें। पय अब हम इआ जानित हएन, कि केबल यीसु मसीह के ऊपर बिसुआस करँइ के कारन मनई निरदोस ठहरत हें। एहिन से हमहूँ पंचे घलाय मसीह यीसु के ऊपर बिसुआस किहेन हय, जउने हम मसीह के ऊपर बिसुआस किहे के कारन निरदोस ठहरी। पय मूसा के बिधान के पालन करँय के कारन नहीं, काहेकि कउनव मनई मूसा के बिधान के पालन करँय के कारन, परमातिमा के नजर माहीं निरदोस न ठहराबा जई।

फिलिप्पियन 3:6

अउर अगर उत्साह के बारे माहीं कहा, त मसीही मन्डली के मनइन काहीं सतामँइ बाले आहेन; अउर मूसा के बिधान के धारमिकता के बारे माहीं कहा, त हम एखे बादव निरदोस रहेन हय।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।

तीतुस 3:5

अउर हमहीं पंचन काहीं मुक्ती दिहिन; इआ हमरे पंचन के धारमिकता के कामन के मुताबिक नहीं भ, जउन हम पंचे किहेन रहा हय, बलकिन परमातिमा हमरे पंचन के ऊपर दया कइके। पबित्र आत्मा से हमरे पापन काहीं धोय दिहिन, अउर हमहीं पंचन काहीं नबा जनम, अउर नबा जीबन दिहिन हीं।

इब्रानियन 6:18

अउर परमातिमा के कबहूँ न बदलँइ बाली ऊँ दुइठे बातँय, अरथात “कसम” अउर “वादा” के द्वारा हमहीं पंचन काहीं इआ पता चलत हय, कि “परमातिमा कबहूँ झूँठ साबित होइन नहीं सकँय।” एसे हमार पंचन के साहस अउर मजबूत होइ जात हय, अउर हम पंचे जउन उनखे सरन माहीं दउड़े चले आएन हँय, कि उआ आसा काहीं पाई, जउन आँगे धरी हय।

याकूब 3:2

एसे कि हम सगले जने कइएक बेरकी अपने बातन माहीं चूक जइत हएन, जे कोऊ अपने बातन माहीं नहीं चूकय, उहय त सिद्ध मनई आय; अउर उहय अपने सगले देंह माही लगाम लगाय सकत हय।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

1 यूहन्ना 3:4

जे कोऊ पाप करत हय, उआ परमातिमा के नेम काहीं टोरत हय, काहेकि नेम काहीं टोरबय पाप आय।