फिलिप्पियन 3:6 - Bagheli Bible

⁶ अउर अगर उत्साह के बारे माहीं कहा, त मसीही मन्डली के मनइन काहीं सतामँइ बाले आहेन; अउर मूसा के बिधान के धारमिकता के बारे माहीं कहा, त हम एखे बादव निरदोस रहेन हय।

फिलिप्पियन 3:6 Iomraidhean Croise

मत्ती 23:25

“हे कपटिव, मूसा के बिधान सिखामँइ बाल्या, अउर फरीसी लोगव तोहईं पंचन काहीं परमातिमा से खुब सजा मिली। काहेकि तूँ पंचे खोरबन अउर टठिअन काहीं उपरय-ऊपर त मजते हया, पय उनखे भीतर छल-कपट अउर असंयम भरे हँय।

मत्ती 5:20

काहेकि हम तोंहसे सही कहित हएन, “अगर तोंहार पंचन के धारमिकता मूसा के बिधान सिखामँइ बालेन से अउर फरीसी लोगन से बढ़िके न होई, त तूँ पंचे स्वरगराज माहीं कबहूँ प्रबेस न कए पइहा।”

लूका 1:6

ऊँ दोनव परमातिमा के नजर माहीं धरमी रहे हँय, अउर प्रभू के सगले हुकुमन अउर नेमन काहीं बिना गलती किहे निकहा से मानत रहे हँय।

खास चेलन 21:20

अउर ऊँ पंचे इआ सुनिके परमातिमा के महिमा किहिन, अउर ओखे बाद पवलुस से कहिन, “हे भाई, तूँ देखते हया, कि यहूदी लोगन म से कइअक हजार मनई प्रभू के ऊपर बिसुआस किहिन हीं; अउर सगले जने मूसा के बिधान काहीं मानँइ के खातिर धुन लगाए हें।

खास चेलन 22:5

इआ बात के खातिर महायाजक अउर यहूदी समाज के धारमिक अँगुआ लोग गबाह हें; कि हम उनसे भाई-बहिनिन के नाम पर चिट्ठी लइके दमिस्क सहर काहीं चले जात रहे हएन, कि उहाँ जेतने होंय उनहूँ काहीं सजा देबामँइ के खातिर, बाँधिके यरूसलेम सहर माहीं ले अई।

खास चेलन 26:5

ऊँ पंचे हमहीं खुब समय से पहिचानत आहीं, अगर ऊँ पंचे इआ चाहँय, त इआ बात के गबाही दइ सकत हें, कि हम अपने धरम के सगलेन से जादा खर पंथ के मुताबिक, एक फरीसी के रूप माहीं जीबन बितायन हय।

खास चेलन 8:3

साऊल मसीही मन्डली काहीं नास करँइ माहीं लगा रहा हय; अउर घरन-घरन माहीं घुसिके मंसेरुअन अउर मेहेरिअन काहीं, खसेल-खसेलके जेल माहीं डारत रहा हय।

रोमियन 7:9

एक समय हम बिना मूसा के बिधान के जिअत रहे हएन, पय जब मूसा के बिधान के हुकुम आइगा, त पाप जि आबा, अउर हम मर गएन।

1 कुरिन्थियन 10:32

अउर तूँ पंचे न त यहूदी लोगन के खातिर, न त गैरयहूदी लोगन के खातिर, अउर न परमातिमा के मन्डली के बिसुआसी लोगन के खातिर, बिसुआस से भटकामँइ के कारन बना।

1 कुरिन्थियन 15:9

अउर हम यीसु मसीह के खास चेलन म से सगलेन से छोट हएन, बलकिन यीसु मसीह के खास चेला कहामँइ के काबिल तक नहिं आहेन, काहेकि पहिले हम परमातिमा के मन्डली काहीं सताबत रहेन हँय।

फिलिप्पियन 2:15

जउने तूँ पंचे निरदोस अउर भोले-भाले बनिके बुरी चाल चलँइ बाले, अउर हठी मनइन के बीच माहीं, परमातिमा के निरदोस सन्तान बने रहा, एसे कि तूँ पंचे उनखे बीच माहीं, परमातिमा के अनन्त जीबन देंइ बाले बचन काहीं, अपने जीबन माहीं अपनाए, संसार माहीं जलत दियन कि नाईं देखाई देते हया।

फिलिप्पियन 3:9

अउर उनहिन के ऊपर बिसुआस माहीं बने रही; पय उआ धारमिकता माहीं नहीं, जउन मूसा के बिधान से मिलत ही, बलकिन उआ धारमिकता माहीं बने रही जउन मसीह के ऊपर बिसुआस किहे से मिलत ही, अउर इआ धारमिकता मसीह के ऊपर बिसुआस किहे से परमातिमा के व्दारा मिलत ही।

1 तीमुथियुस 1:13

हम त पहिले यीसु मसीह के अपमान करँइ बाले रहेन हय, अउर बिसुआसी लोगन काहीं सतामँइ बाले, अउर उनखे ऊपर अत्याचार करँइ बाले रहेन हय; तऊ प्रभू हमरे ऊपर दया किहिन, काहेकि जब हम प्रभू के ऊपर बिसुआस नहीं करत रहेन, उआ दसा माहीं बिना समझे बूझे ईं काम किहेन रहा हय।