फिलिप्पियन 3:5 - Bagheli Bible

⁵ अउर हम इजराइल के बंस माहीं बिन्यामीन के घराना माहीं पइदा भएन हय, अउर पइदा होए के अठएँ दिन हमार खतना भ रहा हय; एसे हम इब्रानी लोगन के खातिर इब्रानी आहेन; अउर मूसा के बिधान के बारे माहीं अगर कहा, त हम फरीसी आहेन।

फिलिप्पियन 3:5 Iomraidhean Croise

लूका 1:59

अउर अइसन भ कि अठएँ दिन, उँइ लड़िका के खतना करँइ के खातिर आएँ, अउर ओखर नाम ओखे बाप के नाम के मुताबिक जकरयाह धरामँइ लागें।

लूका 2:21

जब लड़िका काहीं पइदा भए आठ दिन पूर होइगें, तब खतना करँइ के दिन आबा, तब लड़िका के नाम यीसु धराइन, जउन नाम स्वरगदूत लड़िका के पेट माहीं आमँइ से पहिले मरियम से बताइन रहा हय।

लूका 5:38

एसे नबा अंगूर के रस नई मसकन माहीं भरँइ चाही।

खास चेलन 22:3

“हम त यहूदी आहेन, जउन किलिकिया प्रदेस के तरसुस सहर माहीं पइदा भएन; पय इहय सहर माहीं गमलीएल के लघे बइठिके पढ़ाई किहेन हँय, अउर हमहीं बाप-दादन के बिधान काहीं सही रीति से सिखाबा ग; अउर परमातिमा के खातिर अइसन धुन लगाए रहेन हय, जइसन तूँ पंचे सगले जन आज लगाए हया।

खास चेलन 23:6

तब पवलुस इआ जानिके, कि एकठे दल सदूकी लोगन के अउर दूसर दल फरीसी लोगन के आय, सभा माहीं खुब चन्डे कहिन, “हे भाइव, हम फरीसी आहेन काहेकि हम फरीसी लोगन के बंस माहीं पइदा भएन हँय, अउर मरे मनइन के आसा अउर मरेन म से जिन्दा होंइ के बारे माहीं, हमरे ऊपर मुकदमा चलाबा जाय रहा हय।”

खास चेलन 6:1

ऊँ दिनन माहीं जब चेलन के संख्या जादा बढ़ँय लाग, तब यूनानी भाँसा बोलँइ बाले, इब्रानी भाँसा बोलँइ बालेन के ऊपर कुड़कुड़ाँय लागें, कि रोज के जरूरत के चीजन काहीं बाँटत माहीं, हमरे बिधबन के ऊपर ध्यान नहीं दीन जाय।

रोमियन 11:1

त इआ बताबा, कि का परमातिमा अपने प्रजा इजराइली लोगन काहीं छोंड़ि दिहिन हीं? नहीं, बेलकुल नहीं, हमहूँ त इजराइली जाति के अब्राहम के बंस अउर बिन्यामीन के कुल के आहेन।

2 कुरिन्थियन 11:22

अगर ऊँ पंचे अपने-आप काहीं इब्रानी समझत हें, त हमहूँ इब्रानी आहेन। अउर अगर ऊँ पंचे अपने-आप काहीं इजराइली समझत हें, त हमहूँ इजराइली आहेन, अउर अगर ऊँ पंचे समझत हें, कि हम पंचे अब्राहम के सन्तान आहेन, त हमहूँ अब्राहम के सन्तान आहेन।