फिलिप्पियन 3:3 - Bagheli Bible

³ काहेकि खतना बाले त हमहिन पंचे आहेन, जउन पबित्र आत्मा के अँगुआई से परमातिमा के अराधना करित हएन, अउर मसीह यीसु के ऊपर घमन्ड करित हएन, अउर देंह से जुड़ी बातन के ऊपर भरोसा नहीं रक्खी।

फिलिप्पियन 3:3 Iomraidhean Croise

रोमियन 1:9

अउर परमातिमा के सेबा हम अपने पूरे मन से उनखे लड़िका के खुसी के खबर काहीं सुनामँइ के बारे माहीं करित हएन, अउर उँइन हमार गबाह हें; कि हम तोंहईं पंचन काहीं लगीतार याद करत रहित हएन।

रोमियन 15:17

एसे हम मसीह यीसु के द्वारा परमातिमा के सेबा माहीं उनखे ऊपर घमन्ड कइ सकित हएन।

रोमियन 7:6

पय अब हमहीं पंचन काहीं मूसा के बिधान के बन्धन से छुटकारा मिल ग हय, काहेकि जउने मूसा के बिधान के अधीनता माहीं हमही पंचन काहीं बंदी बनाबा ग रहा हय, हम पंचे ओखे सम्बन्ध से पूरी तरह से मुक्त होइ चुके हएन। जउने अब हम पंचे मूसा के लिखे पुरान बिधान से नहीं, बलकिन पबित्र आत्मा के नए बिधान के मुताबिक अपने परमातिमा के सेबा करी।

रोमियन 8:15

काहेकि जउने आत्मा काहीं तूँ पंचे पाया हय, उआ तोंहईं दास बनामँइ के खातिर न होय मिला हय, कि तूँ पंचे पुनि डेरा, बलकिन उआ आत्मा तोंहईं पंचन काहीं परमातिमा के गोद लीन सन्तान बनामँइ के खातिर मिला हय, एहिन से हम पंचे परमातिमा काहीं हे अब्बा, हे पिता कहँइ लागित हएन।

रोमियन 9:6

पय अइसा नहिं आय कि परमातिमा आपन बचन पूर नहीं किहिन, काहेकि जेतने इजराइल के बंस के हें, उनमा से सगले जने परमातिमा के चुने न होंहीं।

2 कुरिन्थियन 11:18

काहेकि खुब मनई अपने संसारिक जीबन के ऊपर घमन्ड करत हें, त हमहूँ घमन्ड करब।

गलातियन 5:25

अउर अगर हम पंचे पबित्र आत्मा के व्दारा जिन्दा हएन, त पबित्र आत्मय के मुताबिक चलबव करी।

गलातियन 6:16

अउर जेतने मनई इआ नेम के मुताबिक चलिहँय उनखे ऊपर, अउर परमातिमा के इजराइल के ऊपर सान्ति अउर दया होत रहय।

इफीसियन 6:18

अउर तूँ पंचे हमेसा पूरे मन से पबित्र आत्मा के मदत से बिनती, प्राथना करत रहा, अउर एहिन से सचेत रहा, कि जउने सगले पबित्र मनइन के खातिर लगीतार परमातिमा से बिनती करत रहा।

फिलिप्पियन 1:1

प्रभू यीसु मसीह के सेबक पवलुस अउर तीमुथियुस के तरफ से इआ चिट्ठी, फिलिप्पी सहर माहीं रहँइ बाले मसीह यीसु के ऊपर बिसुआस करँइ बाले भाई-बहिनिन, अउर मसीही मन्डली के अँगुअन अउर सेबकन काहीं मिलय।

फिलिप्पियन 3:12

एखर मतलब इआ नहीं, कि उआ पद काहीं हम पाय चुकेन, इआ कि हम पूर सिद्ध बन चुकेन हय; बलकिन उआ पद काहीं पामँइ के खातिर हम लगीतार कोसिस कइ रहेन हँय, जउने के खातिर मसीह यीसु हमहीं पकड़िन रहा हय।

फिलिप्पियन 3:14

अउर हम उआ लच्छ काहीं पामँइ के खातिर, हमेसा कोसिस करत रहित हएन, जउने हम उआ इनाम पाई, जउने काहीं पामँइ के खातिर परमातिमा हमहीं मसीह यीसु के व्दारा ऊपर, अरथात स्वरग माहीं बोलाइन हीं।

कुलुस्सियन 2:11

मसीह के ऊपर बिसुआस किहे के कारन तोंहार पंचन के अइसन आत्मिक खतना भ हय, जउन मनइन के हाँथन से नहीं होइ सकय, अरथात तोंहईं पंचन काहीं पापन के सुभाव से मुक्ती दइ दीनगे ही, अउर इआ खतना मसीह के व्दारा भ हय।

यहूदा 1:20

पय हे पियार साथिव, तूँ पंचे अपने अति पबित्र बिसुआस माहीं अउर मजबूत होत जा, अउर पबित्र आत्मा के सक्ती से प्राथना करत रहा,