फिलिप्पियन 3:19 - Bagheli Bible

¹⁹ अउर अपने देंह के इच्छन काहीं पूर करब परमातिमा से बढ़िके मानत हें, अउर अपने सरम बाली बातन के ऊपर घमन्ड करत हें, अउर धरती के बुरी चीजन माहीं आपन पूर मन लगाए रहत हें, अइसन करँइ बालेन के अन्त बिनास अरथात नरक हय।

फिलिप्पियन 3:19 Iomraidhean Croise

मत्ती 16:23

तब यीसु मुड़िके पतरस से कहिन, “हे सइतान हमरे आँगे से दूरी होइजा, तँय हमरे खातिर ठोकर के कारन आहे, काहेकि तँय परमातिमा के बातन माहीं नहीं, बलकिन मनइन के बातन माहीं मन लगउते हए।”

मत्ती 25:41

अउर तब ऊँ राजा अपने बाएँ कइती बालेन से कइहँय, कि “हे स्रापित मनइव, तूँ पंचे हमरे आँगे से उआ नरक के आगी माहीं चले जा, जउन कबहूँ बुझातिन नहिं आय, जउन सइतान अउर ओखर सेबा करँइ बाले दूतन के खातिर तइआर कीनगे ही।

लूका 12:19

अउर अपने प्रान से कहब, हे प्रान तोरे लघे कइअक बरिस के खाँय के खातिर, खुब सम्पत्ति धरी हय; अराम कर, खा, पि, अउर सुख से रव्ह।’

लूका 16:19

पुनि यीसु कहिन, “एकठे धनी मनई रहा हय, जउन हमेसा कीमती अउर निकहे ओन्हा पहिरत रहा हय, अउर रोज सुख-बिलास अउर धूम-धाम के साथ रहत रहा हय।

लूका 18:4

कुछ समय तक त उआ न्यायधीस न मानिस, पय अन्त माहीं अपने मन माहीं बिचार किहिस, हम न त परमातिमा काहीं डेरई, अउर न त मनइन के कउनव परबाह करी;

रोमियन 16:18

काहेकि इआमेर के मनई हमरे पंचन के प्रभू यीसु मसीह के सेबा नहीं करँय, बलकिन अपने कमाई के खातिर सेबा करत हें; अउर मीठ-मीठ बातँय कइके भोले-भाले मनइन काहीं बिसुआस से भटकाय देत हें।

रोमियन 6:21

मसीह के ऊपर बिसुआस करँइ से पहिले जउने कामन से तूँ पंचे आनन्दित होत रहे हया, अब तूँ पंचे उँइन कामन से सरमिन्दा होते हया, काहेकि ऊँ कामन के अन्त त मउत हय।

1 कुरिन्थियन 3:3

काहेकि तूँ पंचे अबय तक अपने मन के बुरी इच्छन के मुताबिक जिअँइ बाले मनइन कि नाईं हया। अउर जब तूँ पंचे आपस माहीं डाह अउर लड़ाई-झगड़ा करते हया, त बताबा, का तूँ पंचे अबय तक अपने मन के बुरी इच्छन के मुताबिक जिअँइ बाले मनइन कि नाईं नहिं आह्या? अउर का तोंहार पंचन के चाल-चलन उनहिन कि नाईं नहिं आय?

1 कुरिन्थियन 5:2

बाह भाई बाह, एखे बादव तूँ पंचे घमन्ड से फूले हया, पय का एखे बारे माहीं तोहईं पंचन काहीं पचिताँय क न चाही? अउर जे कोऊ अइसन अनुचित काम करत हय, त ओही अपने बीच से बहिरे न निकार देंइ चाही?

1 कुरिन्थियन 5:6

अउर तूँ पंचे, जउन घमन्ड से फूले हया, त इआ उचित न होय; का तूँ पंचे इआ नहीं जनते आह्या, कि पिसान माहीं थोरी क खमीर मिलाए से, सगला माड़ा पिसान खमीर कि नाईं आमिल होइ जात हय।

2 कुरिन्थियन 11:12

पय हम जउन करित हएन, उहय करत रहब; जउने हम हरेक ऊँ मोकन काहीं खतम कइ सकी, जउन ऊँ पंचे अपने घमन्ड के बातन माहीं, हमरे पंचन कि नाईं होंइ के दाबा करत हें।

2 कुरिन्थियन 11:15

एसे सइतान के सेबक घलाय अगर मसीह के सेबक कि नाईं रूप बनाय लेत हें, त इआ कउनव बड़ी बात न होय। पय अन्त माहीं ऊँ पंचे अपने-अपने कामन के मुताबिक प्रतिफल जरूर पइहँय।

गलातियन 6:13

काहेकि खतना करामँइ बाले खुदय मूसा के बिधान के मुताबिक नहीं चलँय, पय तोंहार पंचन के खतना एसे करामँइ चाहत हें, कि जउने तोंहरे पंचन के सारीरिक दसा काहीं देखिके घमन्ड करँय।

फिलिप्पियन 2:21

काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय।

कुलुस्सियन 3:2

एसे तूँ पंचे स्वरग के चीजन के बारे माहीं सोचत रहा, अउर धरती के चीजन माहीं मन न लगाबा।

2 थिस्सलुनीकियन 1:9

ऊँ प्रभू के सामर्थ के तेज के आँगे से दूरी हटाइके, नास होंइ के खातिर नरक माहीं डार दीन जइहँय।

2 थिस्सलुनीकियन 2:12

अउर जेतने मनई सत्य के बिसुआस नहीं करँय, बलकिन अधरम से खुसी होत हें, ऊँ सगले सजा पामँय।

2 थिस्सलुनीकियन 2:8

तब उआ अधरमी प्रगट होई, जउने काहीं प्रभू यीसु अपने मुँहे के फूँक से मारि डरिहँय, अउर अपने आमँइ के तेज से भसम करिहँय।

1 तीमुथियुस 6:5

अउर ऊँ मनइन माहीं फालतू के लड़ाई-झगड़ा पइदा होइ जात हें, अउर आपन नीक-नागा सोचँइ के उनखे अकिल नहिं आय। अउर ऊँ सत्य काहीं छोंड़ि दिहिन हीं, अउर इआ सोचत हें, कि परमातिमा के बचन सुनाउब पइसा कमाय के एकठे जरिया आय।

2 तीमुथियुस 3:4

बिसुआस घात करँइ बाले, ढिंठाई के काम करँइ बाले, खुद पर घमन्ड करँइ बाले, अउर परमातिमा के बचन काहीं न मानिके, बलकिन खुद के खुसहाल जिन्दगी काहीं चाहँय बाले होइहँय।

याकूब 4:16

पय अपना पंचे अपने कउनव मेर के बातन के ऊपर घमन्ड न करी; इआमेर के सगला घमन्ड बुरा होत हय।

2 पतरस 2:1

जउन मेर से इजराइली लोगन के बीच माहीं, कुछ मनई रहे हँय, जउन कहत रहे हँय, कि हम पंचे परमातिमा के सँदेस बतामँइ बाले आहेन, पय बास्तव माहीं, ऊँ पंचे लबरी बोलँइ बाले रहे हँय। उहयमेर से तोंहरेव पंचन के बीच माहीं, लबरी सिच्छा देंइ बाले उपदेसक होइहँय, जउन नास करँइ बाली लबरी सिच्छा के सुरुआत, लुक छिपिके करिहँय, अउर ऊँ पंचे प्रभू काहीं अपनामँइ से इनकार करिहँय, जउन उनहीं मुक्ती दिहिन हीं। अउर खुद काहीं हरबिन बिनास होंइ के काबिल बनाय लेइहँय।

2 पतरस 2:13

दुसरे मनइन के बुरा करँइ के बदले माहीं, उनहीं सजा मिली; काहेकि उनहीं सगला दिन भोग-बिलास करब निकहा लागत हय; ऊँ पंचे कलंकित हें, अउर बुराई से भरे हँय। जब ऊँ पंचे तोंहरे साथ खात-पिअत हें, त ऊँ पंचे अपनी कइती से प्रेम-भोज कइके, अउर छल-कपट के बात कइके आनन्द लेत हें।

2 पतरस 2:3

अउर ऊँ पंचे लालच के कारन, अपने बनावटी बातन से तोंहसे पंचन से धन कमँइ हँय, उनखे इआ काम के सजा परमातिमा के द्वारा पहिलेन से निस्चित कीन जाय चुकी हय। अउर उनखर बिनास तइआर हय, अउर उनखर इन्तजार कइ रहा हय।

यहूदा 1:10

पय ईं पंचे, जउने बातन काहीं समझतय नहिं आहीं, उनखे बारे माहीं भला-बुरा कहत हें; अउर निरबुद्धी पसुअन कि नाईं जउन बातँय उनखे मन माहीं अउती हईं, उनहिन के मुताबिक करत हें, एसे उँइन बातँय उनखे बिनास के कारन बन जाती हँय।

यहूदा 1:16

काहेकि ईं पंचे कुड़कुड़ाँय बाले आहीं, अउर दुसरेन के दोस ढूँढ़ँइ माहीं लगे रहत हें। अउर ईं पंचे अपने मन मरजी के मुताबिक चलत हें; अउर अपने मुँहे से घमन्ड के बातँय बोलत हें; अउर अपने फायदा के खातिर दुसरे मनइन के मुँह देखी बड़ाई करत हें।”

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”

दरसनन के बातँय 18:7

जेतनी उआ आपन बड़ाई किहिस ही, अउर सुख-बिलास किहिस ही, ओतनय ओही कस्ट अउर दुख द्या; काहेकि उआ अपने मन माहीं कहत ही, ‘हम रानी बनिके बइठ हएन, बिधबा नहीं, अउर हम सोक माहीं कबहूँ न परब।’

दरसनन के बातँय 19:20

उआ खतरनाक जानबर, अउर ओखे साथ उआ लबरा नबी, पकड़ा ग, जउन उनखे आँगे अइसन चिन्ह देखाइस रहा हय, जिनखे द्वारा उआ उनहीं पंचन काहीं भरमाइस तय, जिनखे ऊपर उआ खतरनाक जानबर के छाप रही हय, अउर जउन ओखे मूरत के अराधना करत रहे हँय। ईं पंचे दोनव जने जिन्दय, उआ आगी के झील माहीं, जउन गन्धक से जरत रहत ही, डारे गें।

दरसनन के बातँय 21:8

पय डरपोकन, अउर अबिसुआसी लोगन, अउर बुरे काम करँइ बालेन, अउर कतलिन, अउर ब्यभिचारिन, अउर टोना मारँइ बालेन, अउर मूरतिन के पूजा करँइ बालेन, अउर सब लबरन के भाग, उआ झील माहीं मिली, जउन आगी अउर गन्धक से जलत रहत ही, इआ दूसर मउत आय।”

दरसनन के बातँय 22:15

पय कुकुरन, अउर जादू-टोना करँइ बाले, अउर ब्यभिचारी, अउर कतली, अउर मूरतिन के पूजा करँइ बाले, अउर हरेक लबरी काम करँइ बाले, अउर लबरी बोलँइ के इच्छा रक्खँइ बाले, बहिरेन रइहँय।”