फिलिप्पियन 3:18 - Bagheli Bible

¹⁸ अउर हम तोंहईं एसे बताइत हएन, कि खुब जने अइसन हें, जिनखर चाल-चलन निकहा नहिं आय, इआमेर के मनइन के चरचा हम तोंहसे कइअक बेरकी कइ चुके हएन, अउर अबहिनव बड़े दुख के साथ बताइत हएन, कि ऊँ पंचे अपने बुरे चाल-चलन के व्दारा, मसीह के क्रूस माहीं बलिदान से इरखा रक्खत हें।

फिलिप्पियन 3:18 Iomraidhean Croise

लूका 19:41

जब यीसु यरूसलेम सहर के लघे पहुँचे, तब सहर के मनइन काहीं देखिके रोइन

खास चेलन 20:19

मतलब बड़ी दीनता से, अउर आँसू बहाय-बहाइके, अउर उन परिच्छन माहीं जउन यहूदी लोगन के खड़यन्त्र के कारन हमरे ऊपर आय परी रही हँय; हम प्रभू के सेबा करत रहि गएन।

रोमियन 9:2

कि हमहीं बड़ा दुख लागत हय, अउर हमार मन हमेसा दुखी रहत हय।

1 कुरिन्थियन 1:18

काहेकि मसीह के क्रूस माहीं बलिदान होंइ के खुसी के खबर, नास होंइ बाले मनइन के नजर माहीं मूर्खता आय, पय हमरे पंचन के खातिर जे कोऊ मुक्ती पाय रहेन हँय, उआ परमातिमा के सक्ती आय।

1 कुरिन्थियन 6:9

अउर का तूँ पंचे इआ नहिं जनते आह्या, कि अन्याय करँइ बाले मनई परमातिमा के राज के बारिसदार न होइहँय? तूँ पंचे धोखा न खया, काहेकि ब्यभिचार करँइ बाले, मूरतिन के पूजा करँइ बाले, अपने मेहेरिआ के अलाबा दुसरे मेहेरिअन के साथ सारीरिक सम्बन्ध बनामँइ बाले, लुच्चई करँइ बाले, मंसेरुअय-मंसेरुआ आपस माहीं सारीरिक सम्बन्ध बनामँइ बाले,

2 कुरिन्थियन 11:13

इआमेर के मनई लबरे उपदेसक अउर छल से काम करँइ बाले आहीं, जउन मसीह के खास चेला होंइ के ढोंग करत हें।

2 कुरिन्थियन 11:29

अउर जब कोऊ निबल होत हय, त का हमहूँ निबल नहीं होई? अउर जब कोऊ पाप माहीं फँसि जात हय, त का हमार जिव दुखी नहीं होय?

2 कुरिन्थियन 2:4

काहेकि हम तोंहईं पंचन काहीं बड़े दुखी मन से अउर बड़े कस्ट के साथ आँसू बहाय-बहाइके इआ लिखेन हय; पय तोहईं पंचन काहीं दुखी करँइ के खातिर नहीं, बलकिन एसे लिखेन हय, कि जउने तूँ पंचे हमरे प्रेम काहीं जानिल्या, कि हम तोंहसे केतना प्रेम करित हएन।

गलातियन 1:7

अउर तूँ पंचे इआ जानिल्या, कि मसीह के खुसी के खबर के अलाबा, कउनव दूसर खुसी के खबर हइअय नहिं आय: पय बात इआ आय, कि कुछ मनई अइसन हें, जउन मसीह के खुसी के खबर काहीं गलत तरीका से बताइके, तोंहईं पंचन काहीं घबराय देत हें।

गलातियन 2:14

पय जब हम देखेन कि ऊँ पंचे खुसी के खबर के सच्चाई के मुताबिक सही चाल नहीं चलँय, तब हम सगलेन के आँगे पतरस से कहेन, कि जब तूँ यहूदी होइके यहूदी लोगन कि नाईं नहीं, पय गैरयहूदी लोगन कि नाईं चलते हया, त पुनि गैरयहूदी लोगन के ऊपर, यहूदी लोगन के रीति-रिबाज के मुताबिक चलँय के खातिर, काहे दबाव डरते हया?

गलातियन 2:21

एसे हम परमातिमा के किरपा काहीं बेकार नहीं ठहराई, काहेकि अगर मूसा के बिधान के पालन करँय के व्दारा, मनई परमातिमा के नजर माहीं निरदोस ठहरत, त मसीह फालतू माहीं आपन प्रान काहे क देतें?

गलातियन 5:21

डाह करब, नसा कइके मतबार होब, भोग-बिलास करब, अउर इनखे कि नाईं अउरव खुब पाप हें, इनखे बारे माहीं हम तोंहईं पहिलेन से बताए देइत हएन, जइसन तोंहईं पहिलेव बताय चुके हएन, कि इआमेर के काम करँइ बाले, परमातिमा के राज के बारिसदार न होइहँय।

गलातियन 6:12

एसे जेतने मनई सारीरिक रूप से देखाबा करँय चाहत हें, ऊँ पंचे तोंहरे ऊपर खतना करामँइ के दबाव डारत हें, कि जउने मसीह के क्रूस माहीं बलिदान के द्वारा मुक्ती मिली, इआ बिसुआस किहे के कारन ऊँ पंचे सताए न जाँय।

गलातियन 6:14

पय हम पंचे केबल प्रभू यीसु मसीह के क्रूस के बलिदान माहीं घमन्ड करी, कउनव दुसरे बात माहीं नहीं, जउने के व्दारा हम संसार के खातिर मर गएन हय, अउर संसार हमरे खातिर।

इफीसियन 4:17

एसे हम प्रभू के तरफ से अधिकार पाइके तोंहईं पंचन काहीं जताए देइत हएन, कि जइसन संसारिक मनई जउन मुक्ती नहीं पाए आहीं, ऊँ पंचे अपने मन के बुरी इच्छन के मुताबिक आपन जीबन बिताबत हें, पय तूँ पंचे अब से पुनि कबहूँ उनखे कि नाईं चाल-चलन न अपनाया।

फिलिप्पियन 1:4

अउर जब-जब हम प्राथना करित हएन, त तोंहरे खातिर बड़े आनन्द के साथ प्राथना करित हएन।

1 थिस्सलुनीकियन 4:6

अउर परमातिमा के इहव इच्छा ही, कि इआ बात माहीं कोऊ अपने बिसुआसी भाई-बहिनिन काहीं धोखा न देय, अउर न उनखर अनुचित फायदय उठाबय, काहेकि प्रभू ईं सगली बातन के बदला लेंइ बाले हें; इआ बात काहीं हम पंचे पहिलेन तोंहईं बताय चुके हएन, अउर सावधान किहेन रहा हय।

2 थिस्सलुनीकियन 3:11

हमहीं पंचन काहीं इआ सुनँय क मिलत हय, कि कुछ जने तोंहरे बीच माहीं अनुचित चाल चलत हें; अउर खुद कुछू काम नहीं करँय, अउर जे करतव हें, उनहूँ के काम माहीं टाँग अड़ाबत हें।

2 पतरस 2:10

खास करके उनहीं जउन असुद्ध अभिलासन के पीछे, अउर अपने मन के बुरी इच्छन के मुताबिक चलत हें, अउर प्रभू के अधिकार काहीं तुच्छ जानत हें, ऊँ पंचे एतने घमन्डी हँय, कि महिमामय स्वरगदूतन के अपमान करँइ से घलाय नहीं डेराँय।

यहूदा 1:13

ईं पंचे समुद्र माहीं उठँय बाली, अइसन भयंकर लहरन कि नाईं हें, जउन अपने निरलज्जता के कामन के फेन उछालत रहती हईं। अउर ईं पंचे एँकई-ओंकई भटकँइ बाली अइसन तरइअन कि नाईं हें, जिनखे खातिर अनन्तकाल के घोर अँधिआर रक्खा ग हय।