फिलिप्पियन 3:16 - Bagheli Bible

¹⁶ एसे जउने सत्य तक हम पंचे पहुँच चुकेन हय, ओहिन के मुताबिक चलत रही।

फिलिप्पियन 3:16 Iomraidhean Croise

रोमियन 12:16

अउर आपस माहीं मिल जुलिके रहा; घमन्ड न करा; बलकिन दीन मनइन के साथ संगति करा; अउर अपने-आप काहीं जादा बुद्धिमान न समझा।

रोमियन 15:5

हम इआ प्राथना करित हएन, कि धीरज अउर सान्ति देंइ बाले परमातिमा, तोंहईं पंचन काहीं इआ बरदान देंइ, कि तूँ पंचे मसीह यीसु के बताई बातन के मुताबिक आपस माहीं एक दुसरे से मिल जुलिके रहा।

गलातियन 5:7

तूँ पंचे त निकहा से मसीही जीबन जिअत रहे हया, अब तोंहईं को बहकाय दिहिस, कि सत्य काहीं न माना।

गलातियन 6:16

अउर जेतने मनई इआ नेम के मुताबिक चलिहँय उनखे ऊपर, अउर परमातिमा के इजराइल के ऊपर सान्ति अउर दया होत रहय।

फिलिप्पियन 1:27

अउर हम तोंहरे लघे अई, चाह न अई, तूँ पंचे केबल एतना करा, कि तोंहार चाल-चलन मसीह के खुसी के खबर के काबिल होय, अउर हम तोंहरे पंचन के बारे माहीं इहय सुनी, कि तूँ पंचे एक मन होइके, खुसी के खबर के ऊपर बिसुआस काहीं मजबूत करँइ के खातिर मेहनत करत रहते हया।

फिलिप्पियन 2:2

त हमार इआ आनन्द पूर करा, कि सब कोऊ एक मन रहा, अउर एक प्रेम माहीं बँधे रहा, अउर एक चित्त रहा, अउर एकय बिचार रक्खा।

फिलिप्पियन 4:2

एसे हम यूआदिया काहीं अउर सुन्तुखे काहीं घलाय समझाइत हएन, कि प्रभू माहीं एकय मन से रहा।

कुलुस्सियन 2:6

एसे जइसन तूँ पंचे मसीह यीसु काहीं, प्रभू मानिके सोइकार कइ लिहा हय, त उहयमेर उनखे बचन के मुताबिक चलत रहा।

कुलुस्सियन 4:2

एसे तूँ पंचे सतरक रहा, अउर परमातिमा के धन्यबाद करत प्राथना माहीं हमेसा लगे रहा।

दरसनन के बातँय 3:3

एसे सुधि करा, कि तूँ कइसन सिच्छा पाया तय, अउर सुने रहे हया, ओहिन माहीं बने रहा, अउर पस्चाताप करा, अगर तूँ जागत न रइहा, त हम चोर कि नाईं आय जाब, अउर तूँ बेलकुल न जाने पइहा, कि हम कउने घरी, तोंहरे ऊपर आय परब।