फिलिप्पियन 3:14 - Bagheli Bible

¹⁴ अउर हम उआ लच्छ काहीं पामँइ के खातिर, हमेसा कोसिस करत रहित हएन, जउने हम उआ इनाम पाई, जउने काहीं पामँइ के खातिर परमातिमा हमहीं मसीह यीसु के व्दारा ऊपर, अरथात स्वरग माहीं बोलाइन हीं।

फिलिप्पियन 3:14 Iomraidhean Croise

लूका 16:16

मूसा के बिधान अउर परमातिमा के सँदेस बतामँइ बाले यूहन्ना बपतिस्मा देंइ बाले तक रहे हँय; उआ समय से परमातिमा के राज के खुसी के खबर सुनाई जाय रही हय, अउर जे कोऊ बिसुआस करत हें, ऊँ पंचे स्वरगराज माहीं सामर्थ के साथ प्रबेस करत हें।

रोमियन 11:29

काहेकि परमातिमा जेही चुनि लेत हें, ओही कबहूँ नहीं छोंड़य, अउर जउन बरदान देत हें, ओही पूरा करँइ से कबहूँ पीछे नहीं हटँय।

1 कुरिन्थियन 9:24

अउर का तूँ पंचे इआ नहीं जनते आह्या, कि दउड़ के प्रतियोगिता माहीं हरेक जन दउड़त हें, पय इनाम त एकय जन पाबत हय; त तुहूँ पंचे अइसन दउड़ा कि जउने जीत जा।

2 कुरिन्थियन 4:17

काहेकि हमार पंचन के पल भर के छोट-छोट दुख, हमहीं पंचन काहीं हमेसा के खातिर अनन्त महिमा देबाबत हें।

फिलिप्पियन 3:3

काहेकि खतना बाले त हमहिन पंचे आहेन, जउन पबित्र आत्मा के अँगुआई से परमातिमा के अराधना करित हएन, अउर मसीह यीसु के ऊपर घमन्ड करित हएन, अउर देंह से जुड़ी बातन के ऊपर भरोसा नहीं रक्खी।

कुलुस्सियन 2:18

अउर अइसा मनई, जउन अपने-आप काहीं कस्ट दइके स्वरगदूतन के पूजा-पाठ माहीं लगा रहत हय, अइसन मनई से सचेत रहा, कहँव उआ तोंहईं पंचन काहीं बिसुआस से भटकाइके, मिलँइ बाले इनाम से बंचित न कइ देय, अइसन मनई दिब्य दरसन माहीं देखी बातन माहीं लगा रहत हय, अउर अपने झूँठ ग्यान के बेकार घमन्ड करत हय।

1 थिस्सलुनीकियन 2:12

जउने तोंहार पंचन के चाल-चलन परमातिमा के काबिल होय, जउन तोंहईं पंचन काहीं अपने राज अउर महिमा माहीं बोलाबत हें।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।

इब्रानियन 3:1

एसे हे पबित्र भाई-बहिनिव, तूँ पंचे जउन स्वरग माहीं रहँइ बाले परमातिमा के द्वारा बोलाए जाँइ माहीं भागीदार हया, परमातिमा के पठए ऊँ प्रतिनिधि अउर महायाजक यीसु के ऊपर ध्यान करा, जिनहीं हम पंचे सोइकार किहेन हँय।

इब्रानियन 6:1

एसे आबा हम पंचे मसीह के सिच्छा के सुरुआत के बातन से आँगे बढ़िके, परिपूर्न बनँइ के खातिर आँगे बढ़त चली, अउर अपने बुरे कामन से मन फिरामँइ, अउर परमातिमा के ऊपर बिसुआस करँय,

1 पतरस 1:13

एसे तूँ पंचे मानसिक रूप से सचेत रहा, अउर खुद काहीं काबू माही रखिके, उआ किरपा के खातिर पूरी आसा रक्खा, जउन तोंहईं पंचन काहीं यीसु मसीह के दुसराय आमँइ के समय मिलँइ बाली हय।

1 पतरस 5:10

अउर अब परमातिमा जउन अनन्त किरपा के सोता आहीं। उँइन तोंहईं मसीह के द्वारा अपने अनन्त महिमा माहीं बोलाइन हीं, तोंहईं थोरी देर तक दुख भोगे के बाद, खुदय तोंहईं बिसुआस माहीं मजबूत, स्थिर, अउर बलमान कइ देइहँय।

2 पतरस 1:3

परमातिमा अपने सक्ती से भक्तिमय जीबन जिअँइ के खातिर, अउर उनखे सेबा के खातिर, जउन कुछू हमहीं पंचन काहीं चाही, उआ सब कुछ दिहिन हीं। अउर हमहीं पंचन काहीं अपने ग्यान काहीं पामँइ के काबिल बनाइन हीं, अउर ऊँ हमहीं पंचन काहीं अपने महिमा अउर प्रताप के मुताबिक बोलाइन हीं।

दरसनन के बातँय 3:21

जे बिजय पाई, ओही हम अपने साथ अपने सिंहासन माहीं बइठाउब, जइसन हमहूँ घलाय बिजय पाइके, अपने पिता के साथ उनखे सिंहासन माहीं बइठि गएन हय।