फिलिप्पियन 3:13 - Bagheli Bible

¹³ हे भाई-बहिनिव, हम इआ भावना नहीं रक्खी, कि हम कहाँ से पकड़ गएन, बलकिन हम केबल इहय एकठे काम करित हएन, कि जउन बुरी बातँय हमरे जीबन माहीं पहिले रही हँय, उनहीं बिसराइके जउन हमरे आँगे लच्छ हय, ओही पामँइ के खातिर आँगे बढ़त जइत हएन।

फिलिप्पियन 3:13 Iomraidhean Croise

लूका 10:42

पय एकठे बात खुब जरूरी हय, अउर उआ उत्तम भाग काहीं मरियम चुनि लिहिन हीं, जउन उनसे कोऊ छड़ाय नहीं सकय।”

लूका 9:62

यीसु ओहू से कहिन, “जे कोऊ परमातिमा के बचन के मुताबिक चलब सुरू कइके, संसार के बातन कइती ध्यान लगाबत हय, उआ ओखी कि नाईं हय, जउन हर माहीं हाँथ धइके पीछे कइती निहारत हय, उआ परमातिमा के राज माहीं जाँइ के काबिल नहिं आय।”

2 कुरिन्थियन 5:16

एसे अब से हम पंचे कउनव मनई काहीं संसारिक नजर से न देखब, काहेकि एक समय हमहूँ पंचे मसीह काहीं संसारिक नजर से देखत रहे हएन। तऊ अब से हम पंचे मसीह काहीं संसारिक नजर से न देखब।

फिलिप्पियन 2:12

एसे हे हमार पियार साथिव, जब हम तोंहरे साथ माहीं रहेन हय, त तूँ पंचे हमेसा हमरे हुकुमन काहीं मानत रहे हया, उहयमेर अबहिनव निकहा से माना, भले हम तोंहरे लघे नहिं आहेन, तऊ परमातिमा के भय मानत, अउर उनखर सम्मान करत, जउन मुक्ती तोंहईं पंचन काहीं मिली हय, ओहिन के मुताबिक काम करा।

फिलिप्पियन 3:12

एखर मतलब इआ नहीं, कि उआ पद काहीं हम पाय चुकेन, इआ कि हम पूर सिद्ध बन चुकेन हय; बलकिन उआ पद काहीं पामँइ के खातिर हम लगीतार कोसिस कइ रहेन हँय, जउने के खातिर मसीह यीसु हमहीं पकड़िन रहा हय।

फिलिप्पियन 3:8

बलकिन हम अपने प्रभू मसीह यीसु के उत्तम बातन काहीं पहिचान लिहेन हय, इआ कारन से मूसा के बिधान के सगली बातन काहीं तुच्छ समझित हएन; अउर सगली चीजन काहीं कूरा-कचरा समझिके छोंडि दिहेन हय, जउने मसीह काहीं अपनाय सकी।

इब्रानियन 6:1

एसे आबा हम पंचे मसीह के सिच्छा के सुरुआत के बातन से आँगे बढ़िके, परिपूर्न बनँइ के खातिर आँगे बढ़त चली, अउर अपने बुरे कामन से मन फिरामँइ, अउर परमातिमा के ऊपर बिसुआस करँय,

2 पतरस 3:8

हे पियार साथिव, तूँ पंचे इआ बात काहीं निकहा से जानिल्या, कि प्रभू के खातिर एक दिन, हजार बरिस के बराबर हय, अउर हजार बरिस, एक दिन के बराबर हय।