फिलिप्पियन 3:11 - Bagheli Bible

¹¹ इआ आसा के साथ, कि हमहूँ कउनव मेर से मरेन म से जि उठँय के पद तक पहुँच सकी।

फिलिप्पियन 3:11 Iomraidhean Croise

लूका 14:14

तब तूँ धन्य कहइहा, काहेकि उनखे लघे तोंहईं बदला देंइ के खातिर कुछू न रही, पय धरमिन के दुबारा जिए के बाद, स्वरग माहीं तोंहईं एखर प्रतिफल जरूर मिली।”

यूहन्ना 11:24

तब मारथा उनसे कहिन, “हम जानित हएन, कि अन्तिम न्याय के दिन जब जउन मनई मरिगे हँय पुनि जिन्दा होंइ हँय, उहय समय उहव जिन्दा होइ जई।”

खास चेलन 23:6

तब पवलुस इआ जानिके, कि एकठे दल सदूकी लोगन के अउर दूसर दल फरीसी लोगन के आय, सभा माहीं खुब चन्डे कहिन, “हे भाइव, हम फरीसी आहेन काहेकि हम फरीसी लोगन के बंस माहीं पइदा भएन हँय, अउर मरे मनइन के आसा अउर मरेन म से जिन्दा होंइ के बारे माहीं, हमरे ऊपर मुकदमा चलाबा जाय रहा हय।”

खास चेलन 26:7

उहय वादा के पूर होंइ के आसा लगाए, हमार पंचन के बरहँव कुलन के मनई अपने पूरे मन से रातव-दिन परमातिमा के सेबा करत आएँ हँय। हे राजा इहय आसा के बारे माहीं यहूदी लोग हमरे ऊपर दोस लगाबत हें।

खास चेलन 27:12

उआ बन्दरगाह जाड़ काटँय के खातिर निकहा नहीं रहा आय, एसे खुब जनेन के इआ बिचार रहा हय, कि उहाँ से जिहाज काहीं छोरिके अगर कउनव मेर से होइ सकय, त फीनिक्स सहर माहीं पहुँचिके जाड़ काटँय, उआ क्रेते टापू के एकठे बन्दरगाह आय, जउन दक्खिन-पच्छिम अउर उत्तर-पच्छिम कइती खुला रहा हय।

रोमियन 11:14

इआ आसा से कि हम अपने यहूदी लोगन माहीं घलाय जलन पइदा कराय सकी, अउर उनमा से कुछ जनेन काहीं मुक्ती देबाय सकी।

1 कुरिन्थियन 15:23

पय हरेक जन के खातिर समय निस्चित कीन ग हय, सगलेन से पहिले मसीह काहीं पहिल फल के रूप माहीं जिन्दा कीन ग हय, अउर जब मसीह दुबारा अइहँय, त जे कोऊ उनखे ऊपर बिसुआस करत हें, ऊँ पंचे घलाय एक साथय जिन्दा कीन जइहँय।

1 कुरिन्थियन 9:22

अउर हम निबल मनइन के खातिर निबल बन गएन, कि जउने निबल मनइन काहीं प्रभू यीसु मसीह के लघे खींच लई, अउर हम हरेक मनइन के खातिर उनहिन कि नाईं बन गएन, कि जउने कउनव मेर से कइअक जनेन काहीं मुक्ती देबाय देई।

1 कुरिन्थियन 9:27

पय हम अपने देंह के बुरी इच्छन से लड़िके, उनहीं अपने कब्जे माहीं एसे लइ अइत हएन, कि कहँव अइसन न होय, कि दुसरे मनइन के खातिर प्रचार करी, अउर हम खुद कउनव बुरा काम कइके निकम्मा ठहर जई।

2 कुरिन्थियन 11:3

पय हम डेरातव रहित हएन, कि जइसन साँप अपने चतुराई से हब्बा काहीं बहकाय दिहिस रहा हय, उहयमेर तोंहरेव पंचन के मन माहीं उआ निरमल भक्ती, अउर पबित्रता जउन मसीह के खातिर होंइ चाही, कहँव ओसे भटकाय न दीन जा।

1 थिस्सलुनीकियन 3:5

इआ कारन से जब हमसे अउर न रहा ग, त तोंहरे बिसुआस के हाल चाल जानँइ के खातिर तीमुथियुस काहीं पठएन, कि कहँव अइसा न होय, कि परिच्छा करँइ बाला सइतान तोंहार परिच्छा किहिस होय, अउर हमार पंचन के सगली मेहनत पानी माहीं चली गे होय।

2 थिस्सलुनीकियन 2:3

अउर कउनव मेर से कोहू के झाँसे माहीं न अया, काहेकि जब तक धरम के त्याग न होइ जई, तब तक उआ दिन न अई, अउर अधरम के पुरुस मतलब बिनास के लड़िका प्रगट न होइ जई।

2 तीमुथियुस 4:8

भबिस्य माहीं हमरे खातिर धरम के उआ मुकुट धरा हय, जउन धरमी मनइन काहीं दीन जात हय, जउने काहीं प्रभू, जउन धरमी अउर न्यायी हें, हमहीं अउर उन सगलेन काहीं घलाय, जउन उनखे आमँइ के इन्तजार काहीं पियार जानत हें, न्याय के दिन देइहँय।

इब्रानियन 11:35

अउर कुछ मेहेरिआ अपने मरे लड़िकन काहीं जिन्दा पाइन; अउर कुछ जने त मार खातय खात मरिगें; अउर ओसे छुटकारा नहीं पामँइ चाहिन; कि जउने ऊँ पंचे मरेन म से जि उठँय माहीं सामिल होइ जाँय।

दरसनन के बातँय 20:5

जब तक ईं हजार बरिस पूर नहीं होइगें, तब तक ऊँ पंचे जउन इनखे अलाबा मरे तय, जिन्दा नहीं भें। इआ त पहिल मरेन म से जि उठब आय।