फिलिप्पियन 2:9 - Bagheli Bible

⁹ इहय कारन से परमातिमा उनहीं सगलेन से ऊँच जघा माहीं उठाइन, अउर उनहीं उआ नाम दिहिन, जउन सगले नामन से बढ़िके हय।

फिलिप्पियन 2:9 Iomraidhean Croise

मत्ती 11:27

हमार पिता परमातिमा सब कुछ हमहीं सँउप दिहिन हीं; अउर कोऊ नहीं जानँय, कि लड़िका को आहीं, केबल पिता जानत हें, अउर पिता को आहीं इहव कोऊ नहीं जानँय, उनहीं केबल लड़िका जानत हें, अउर लड़िका जेही बतामँइ चाही उहय जानी।”

मत्ती 28:18

तब यीसु उनखे लघे आइके कहिन, “स्वरग अउर धरती के सगला अधिकार हमहिन काहीं दीनगा हय।

लूका 10:22

हमार पिता परमातिमा सब कुछ हमहीं सँउप दिहिन हीं; अउर कोऊ नहीं जानँय कि लड़िका को आहीं, केबल पिता जानत हें, अउर पिता को आहीं इहव कोऊ नहीं जानँय, केबल लड़िका जानत हय, अउर लड़िका जेही बतामँइ चाही उहय जानी।”

यूहन्ना 13:3

यीसु इआ जानिके, कि पिता परमातिमा सगली चीजन के ऊपर हमहीं अधिकार दइ दिहिन हीं, अउर हम परमातिमा के लघे से आएन हँय, अउर उनहिन के लघे जइत हएन।

यूहन्ना 17:11

हम अउर जादा समय तक संसार माहीं न रहब, पय ईं पंचे संसार माहीं रइहँय, अउर हम अब अपना के लघे आय रहेन हय; हे पिता परमातिमा, जउन अपना पबित्र हएन, उआ नाम के सक्ती से उनखर रच्छा करी, जिनहीं अपना हमहीं दिहेन हय, अउर जइसन हम अउर अपना एक हएन, उहयमेर ऊँ पंचे एक होइ सकँय।

यूहन्ना 17:12

जब हम उनखे साथ माहीं रहेन हय, त हम अपना के नाम के सक्ती से, जउन अपना हमहीं दिहेन हय, उनखर रच्छा किहेन हय, अउर उनमा से कोऊ नास नहीं भें, सिबाय ओखे जउने काहीं नास होंइ के खातिर ठहराबा ग रहा हय, इआ एसे भ कि जउने पबित्र सास्त्र माहीं लिखी बात पूर होय।

यूहन्ना 17:5

अउर अब, हे पिता परमातिमा, संसार के रचना होंइ से पहिले, जब हम अपना के साथ रहेन हय, तब हमहीं केतना सम्मान मिलत रहा हय, अब जब हम अपना के साथ रहब उहय सम्मान हमहीं पुनि देई।

खास चेलन 5:31

उनहिन काहीं परमातिमा, प्रभू अउर मुक्ती देंइ बाला ठहराइके, अपने दहिने हाँथ से सगलेन से ऊँच कइ दिहिन हीं, कि ऊँ इजराइली लोगन काहीं मन फिरामँइ के सक्ती, अउर पापन के माफी देंइ।

इफीसियन 1:10

अउर परमातिमा अइसन योजना बनाइन, कि अपने निस्चित समय माहीं जउन कुछू स्वरग माहीं हय, अउर जउन कुछू धरती माहीं हय, उनहीं सगलेन काहीं एकट्ठा करँय अउर मसीह उनखे ऊपर राज करँय।

कुलुस्सियन 1:18

अउर उँइन मसीही मन्डली के सिर आहीं; जउन उनखर देंह आय, उँइन संसार काहीं बनामँइ से पहिले रहे हँय, अउर मरेन म से जिन्दा होंइ बालेन माहीं पहिलउठा उँइन आहीं, अउर हर बात माहीं उँइन मुखिया हें।

2 थिस्सलुनीकियन 1:12

इआमेर से हमरे पंचन के प्रभू यीसु मसीह के नाम, तोंहरे जीबन के द्वारा आदर पाबय, अउर तूँ पंचे उनखे द्वारा, इआ सब कुछ परमातिमा अउर प्रभू यीसु के किरपा से होई।

इब्रानियन 1:4

अउर उनखर पद स्वरगदूतन से बढ़िके हय, काहेकि जउन नाम उनहीं बारिसदार के रूप माहीं मिला हय, उआ नाम उनखे नामन से खुब महान हय।

इब्रानियन 1:9

अउर तूँ धरम से प्रेम अउर अधरम से इरखा किहा हय; इहय कारन से परमातिमा अरथात तोंहार परमातिमा तोंहरे साथिन से बढ़िके तोंहार आनन्द रूपी तेल से अभिसेक किहिन हीं।”

इब्रानियन 12:2

अउर बिसुआस के सुरुआत करँइ बाले, अउर ओही परिपूर्न करँइ बाले, यीसु के ऊपर हम पंचे ध्यान लगाए रही; जे उआ खुसी के खातिर जउन उनखे आँगे धरी रही हय, सरम के कउनव परबाह नहीं किहिन, अउर क्रूस के सजा काहीं सहि लिहिन, अउर जाइके परमातिमा के दहिने कइती सिंहासन माहीं बइठिगें हँय।

इब्रानियन 2:9

पय हम पंचे यीसु काहीं जिनखर पद, कुछ समय के खातिर स्वरगदूतन से थोरिन काहीं कम कीन ग रहा हय, मउत के दुख भोगँइ के कारन, महिमा अउर मान-सम्मान के मुकुट पहिरे देखित हएन; कि जउने ऊँ परमातिमा के किरपा से सगले मनइन के खातिर मउत के स्वाद चखँय।

1 पतरस 3:22

अउर यीसु मसीह स्वरग माहीं ऊपर जाइके, परमातिमा के दहिने कइती बइठिगें हँय; अउर स्वरग के दूत, अउर सगले अधिकारी, अउर सगली सक्ती, सब उनखे अधीन कइ दीनगे हँय।

2 पतरस 1:17

काहेकि जब ऊँ पिता परमातिमा से आदर अउर महिमा पाइन, अउर परमातिमा के उआ महिमा म से इआ बोल सुनान, कि “ईं हमार पियार लड़िका आहीं, हम इनसे प्रसन्न हएन।”

3 यूहन्ना 1:7

काहेकि ऊँ पंचे मसीह के सेबा के खातिर निकर परे हँय, अउर जउन मनई यीसु मसीह के ऊपर बिसुआस नहीं करँय, उनसे ऊँ पंचे कउनव मदत नहीं लेंय।

दरसनन के बातँय 1:5

अउर यीसु मसीह के तरफ से, जउन बिसुआस के काबिल गबाह, अउर मरेन म से जि उठँय बालेन माहीं पहिलउठा, अउर धरती के राजन के ऊपर घलाय सासन करँइ बाले आहीं, तोंहईं पंचन काहीं किरपा अउर सान्ती मिलत रहय। ऊँ हमसे पंचन से प्रेम करत हें, अउर उँइन अपने खून के द्वारा हमहीं पंचन काहीं पापन से छोड़ाइन हीं।

दरसनन के बातँय 11:15

अउर जब सतमा दूत तुरही फूँकिन, त स्वरग माहीं एखे बारे माहीं बड़े-बड़े बोल होंइ लागें, कि “संसार के राज हमरे पंचन के प्रभू के, अउर उनखे मसीह के होइ ग हय, अउर ऊँ जुगन-जुगन तक राज करिहँय।”

दरसनन के बातँय 19:16

उनखे ओन्हा अउर जाँघ के ऊपर, इआ नाम लिखा हय, “राजन के राजा अउर प्रभुअन के प्रभू।”

दरसनन के बातँय 3:21

जे बिजय पाई, ओही हम अपने साथ अपने सिंहासन माहीं बइठाउब, जइसन हमहूँ घलाय बिजय पाइके, अपने पिता के साथ उनखे सिंहासन माहीं बइठि गएन हय।

दरसनन के बातँय 5:12

अउर ऊँ जोर-जोर से कहत रहे हँय, कि “बध कीन मेम्नय सामर्थ, अउर धन, अउर ग्यान, अउर सक्ती, अउर मान-सम्मान, अउर महिमा, अउर बड़ाई के काबिल हें।”