फिलिप्पियन 2:6 - Bagheli Bible

⁶ जइसन यीसु मसीह परमातिमा के स्वरूप माहीं होंय के बादव, परमातिमा के बराबर होंइ काहीं अपने बस माहीं रक्खँय के चीज नहीं समझिन।

फिलिप्पियन 2:6 Iomraidhean Croise

मत्ती 1:23

कि “देखा एकठे कुमारी लड़कहाई होई, अउर ओखे लड़िका पइदा होई अउर ओखर नाम ‘इम्मानुएल’ धराबा जई, जेखर मतलब हय ‘परमातिमा हमरे पंचन के साथ हें’।”

यूहन्ना 1:18

परमातिमा काहीं कबहूँ कोऊ नहीं देखिस, पय केबल परमातिमा के एकलउते लड़िका, जउन हमेसा उनहिन के साथ रहत हें, उँइन उनखे बारे माहीं हमहीं पंचन काहीं बताइन हीं।

यूहन्ना 10:30

हम अउर पिता एकय आहेन।”

यूहन्ना 10:33

तब यहूदी समाज के मनई उनहीं जबाब दिहिन, “निकहे काम के खातिर हम पंचे तोंहईं पथरा न होय मारित हएन, बलकिन एसे कि जउन तूँ परमातिमा के बुराई करते हया, अउर तूँ मनई होइके अपने-आप काहीं परमातिमा बनउते हया।”

यूहन्ना 10:38

पय अगर हम करित हएन, त चाह हमार बिसुआस नहिंव करा, पय ऊँ कामन के त बिसुआस करा, जउने तूँ पंचे जान जा, अउर समझा कि पिता हमरे भीतर हें, अउर हम पिता माहीं हएन।”

यूहन्ना 14:28

तूँ पंचे हमहीं इआ कहत सुने हया, कि हम जइत हएन, अउर तोंहरे लघे पुनि अउब: अगर तूँ पंचे हमसे प्रेम कर त्या, त हमरे इआ बात से आनन्दित होत्या, कि हम पिता के लघे जइत हएन, काहेकि पिता हमसे बड़े हें।

यूहन्ना 14:9

तब यीसु उनसे कहिन, “हे फिलिप्पुस, हम एतने दिना से तोंहरे पंचन के साथ हएन, अउर का तूँ हमहीं नहीं जनते आह्या? जे कोऊ हमहीं देखिस ही, उआ पिता काहीं देखिस ही, पुनि तूँ काहे कहते हया, कि हमहीं पिता काहीं देखाबा।

यूहन्ना 17:5

अउर अब, हे पिता परमातिमा, संसार के रचना होंइ से पहिले, जब हम अपना के साथ रहेन हय, तब हमहीं केतना सम्मान मिलत रहा हय, अब जब हम अपना के साथ रहब उहय सम्मान हमहीं पुनि देई।

यूहन्ना 20:28

इआ सुनिके थोमा उनहीं जबाब दिहिन, “हे हमार प्रभू, हे हमार परमातिमा!”

यूहन्ना 5:18

इआ कारन से यहूदी जाति के कुछ मनई, यीसु काहीं मार डारँइ के अउर जादा कोसिस करँइ लागें, काहेकि ऊँ पबित्र दिन के नेमय भर काहीं नहीं टोरत रहें, बलकिन परमातिमा काहीं आपन पिता कहिके, खुद काहीं परमातिमा के बराबर ठहराबत रहे हँय।

यूहन्ना 5:23

एसे, कि जइसन सगले मनई पिता परमातिमा के मान-सम्मान करत हें, उहयमेर लड़िका के घलाय मान-सम्मान करँय। जे कोऊ लड़िका के मान-सम्मान नहीं करय, उआ पिता परमातिमव के जे लड़िका काहीं पठइन हीं, मान-सम्मान नहीं करय।”

रोमियन 9:5

अउर पुरखव उनहिन के बंस के आहीं, अउर मसीह घलाय मनई के रूप लइके उनहिन के कुल माहीं पइदा भें, जउन सगले मनइन के परमातिमा आहीं, अउर उँइन मसीह जुग-जुग तक धन्य कहइहँय। आमीन!

2 कुरिन्थियन 4:4

इआ संसार के मालिक सइतान, ईं अबिसुआसी मनइन के बुद्धी काहीं भ्रस्ट कइ दिहिस ही, कि जउने ऊँ पंचे परमातिमा के साछात रूप, मसीह के महिमामय खुसी के खबर के उँजिआर काहीं न देखे पामँय।

2 कुरिन्थियन 8:9

अउर तूँ पंचे हमरे पंचन के प्रभू यीसु मसीह के किरपा काहीं जनतेन हया, कि ऊँ केतना धनी रहे हँय, तऊ ऊँ तोंहरे पंचन के खातिर एसे कंगाल बनिगें, कि जउने तूँ पंचे उनखे कंगाल होंइ से धनी बन जा।

1 तीमुथियुस 1:17

अब हमेसा राज करँइ बाले राजा, अरथात अबिनासी, जिनहीं कोऊ कबहूँ नहीं देखिस, एकलउते परमातिमा के आदर अउर बड़ाई जुग-जुग होत रहय। आमीन।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

तीतुस 2:13

अउर उआ आनन्द मिलँइ के आसा रखिके, अपने महान परमातिमा, अउर पाप करँइ से छुटकारा देंइ बाले यीसु मसीह काहीं, महिमा के साथ धरती माहीं आमँइ के इन्तजार करत रही।

इब्रानियन 1:3

अउर ऊँ परमातिमा के महिमा के उँजिआर, अउर उनखे हरेक सुभाव के साछात तसबीर आहीं, अउर उँइन सगली चीजन काहीं अपने सामरथी बचन से सम्हारत हें। अउर उँइन मनइन के पापन काहीं धोइके, सगलेन से ऊँच जघा अरथात स्वरग माहीं, सबसे महान परमातिमा के दहिने कइती जाइके बइठिगें हँय।

इब्रानियन 1:6

अउर जब ऊँ अपने पहिलउठा लड़िका काहीं संसार माहीं पठबत हें, त कहत हें, कि “परमातिमा के सगले स्वरगदूत उनखे गोड़न गिरँय।”

इब्रानियन 1:8

पय अपने लड़िका के बारे माहीं परमातिमा इआ कहत हें, कि “हे परमातिमा तोंहार सिंहासन हमेसा बना रही, अउर तूँ अपने राज माहीं न्याय के साथ सासन करिहा।

इब्रानियन 13:8

काहेकि यीसु मसीह जइसन पहिले रहे हँय, उहयमेर आजव हें, अउर ऊँ हमेसा उहयमेर रइहँय।

दरसनन के बातँय 21:6

अउर पुनि ऊँ हमसे कहिन, “ईं बातँय पूर होइ गई हँय। हम अल्फा अउर ओमेगा, आदि अउर अन्त आहेन। हम पिआसे काहीं, जीबन के पानी के झिन्ना म से सेंत-मेंत माहीं पिआउब।