फिलिप्पियन 2:30 - Bagheli Bible

³⁰ काहेकि उँइन मसीह के काम के खातिर अपने प्रान के बाजी लगाइन रहा हय, एसे उनखर इआ हालत होइगे रही हय, कि लागत रहा हय, कि ऊँ मर जइहँय, जउन तोंहरे पंचन के तरफ से हमरे सेबा माहीं कमी रहिगे तय, ओही ऊँ पूर करिहँय।

फिलिप्पियन 2:30 Iomraidhean Croise

खास चेलन 20:24

पय हम अपने प्रान काहीं कुछू नहीं समझी, कि ओही पियार जानी, बलकिन इआ, कि हम अपने दउड़ अउर उआ सेबकाई काहीं पूर करी, जउन हम परमातिमा के किरपा के खुसी के खबर के गबाही देंइ के खातिर प्रभू यीसु से पाएन हय।

रोमियन 16:4

ऊँ पंचे हमहीं बचामँइ के खातिर आपन प्रान घलाय देंइ के खातिर तइआर रहे हँय, हम उनखर धन्यबाद करित हएन, अउर केबल हमहिन भर नहीं, बलकिन गैरयहूदी लोगन के सगली मसीही मन्डली घलाय उनखर धन्यबाद करती हँय।

1 कुरिन्थियन 15:53

काहेकि हम पंचे इआ नासवान देंह काहीं लइके स्वरग माहीं नहीं जाय सकी, एसे उहाँ जाँय के खातिर मरँइ बाली इआ देंह काहीं, अमर रहँइ बाली देंह माहीं बदला जाब जरूरी हय।

1 कुरिन्थियन 16:10

अउर जब तीमुथियुस आय जाँय, त उनखे साथ अइसन बेउहार किहा, कि जउने ऊँ तोंहरे पंचन के लघे निडर होइके रहँय; काहेकि ऊँ हमरी कि नाईं प्रभू के सेबा करत हें।

1 कुरिन्थियन 16:17

अउर तोंहरे पंचन के तरफ से, भाई स्तिफनास, भाई फूरतूनातुस अउर भाई अखइकुस हमसे मिलँय आएँ, त हम खुब खुस भएन; काहेकि तूँ पंचे हमरे साथ न होंइ के कारन, हमार जउन मदत नहिं कइ पाया, त ओही ऊँ पंचे पूर कइ दिहिन हीं।

2 कुरिन्थियन 12:15

हमरे लघे जउन कुछू हय, त ओही हम तोंहरे खातिर खुसी के साथ खरचा करब, इहाँ तक कि अपने-आप काहीं घलाय तोंहरे खातिर खरचा कइ डारब। जब हम तोंहसे एतना प्रेम करित हएन, त का तोंहऊँ काहीं हमसे ओतनय प्रेम न करँइ चाही?

2 कुरिन्थियन 4:12

इआमेर से हम पंचे मउत के सामना करत रहित हएन, पय तोंहईं पंचन काहीं अनन्त जीबन मिलत हय।

फिलिप्पियन 2:17

अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय।

फिलिप्पियन 2:27

अउर जरूर ऊँ बिमार होइगें तय, अउर लागत रहा हय, कि मर जइहँय, पय परमातिमा उनखे ऊपर दया किहिन, त ऊँ नीक होइगें, अउर उनखेन ऊपर भर नहीं, बलकिन हमरेव ऊपर घलाय दया किहिन हीं, कि जउने हमरे ऊपर दुख म दुख न परय।

फिलिप्पियन 4:10

हम प्रभू माहीं खुब आनन्दित हएन, कि अब एतने दिना के बाद तोंहार पंचन के हमरे बारे माहीं मदत करँइ के बिचार पुनि आबा हय; अउर हम जानित हएन, कि तोंहार पंचन के इआ बिचार सुरुआतय से रहा हय, पय तोंहईं पंचन काहीं एखर मोकय नहीं मिला।

फिलिप्पियन 4:18

अउर जउन चीजँय तूँ पंचे इपफ्रुदीतुस के हाँथ से पठए रहे हया, उनहीं पाइके हमार हर जरूरत पूर होइगे ही, बलकिन हमरे लघे जरूरत से जादा चीजँय होइ गई हँय। जउन भेंट तूँ पंचे हमरे लघे पठए हया, उआ सुगन्धित अउर सोइकार करँइ के काबिल बलिदान हय, जउने से परमातिमा प्रसन्न होत हें।

फिलेमोन 1:13

हम जउन खुसी के खबर के प्रचार करँइ के कारन, जेल माहीं डारे गएन हय, एसे ओही हम अपनेन लघे रक्खँइ चाहत रहे हएन, कि उआ तोंहरे तरफ से हमार सेबा करत।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।