फिलिप्पियन 2:3 - Bagheli Bible

³ आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

फिलिप्पियन 2:3 Iomraidhean Croise

लूका 18:14

तब यीसु अपने चेलन से कहिन, हम तोंहसे कहित हएन, कि उआ फरीसी मनई नहीं, पय इआ चुंगी लेंइ बाला परमातिमा के नजर माहीं धरमी ठहराबा जाइके अपने घरय ग; काहेकि जे कोऊ खुद काहीं बड़ा बनाई, उआ परमातिमा के व्दारा छोट कीन जई: अउर जे कोऊ खुद काहीं छोट बनाई, त उआ परमातिमा के व्दारा बड़ा कीन जई।”

रोमियन 12:10

अउर आपस माहीं भाईचारा बनाइके, एक दुसरे से प्रेम करा; अउर आपस माहीं एक दुसरे काहीं अपने से बढ़िके माना।

रोमियन 13:13

अउर जइसन सगले मनई दिन के उँजिआर माहीं रहत हें, उहयमेर हमहूँ पंचन काहीं रहँइ चाही, अउर हमार पंचन के चाल-चलन निकहा होंइ चाही, इआ नहीं कि भोग-बिलास माहीं परि जई, अउर दारू पिके धुत्त रही, अउर ब्यभिचार करी, अउर लुच्चई माहीं परिके लड़ाई-झगड़ा करी, अउर कोहू से डाह करी।

रोमियन 2:8

पय जउन मनई स्वार्थी हें, अउर सत्य के बिरोध करत अधरम माहीं चलत हें, उनहीं परमातिमा से कठोर सजा मिली।

1 कुरिन्थियन 15:9

अउर हम यीसु मसीह के खास चेलन म से सगलेन से छोट हएन, बलकिन यीसु मसीह के खास चेला कहामँइ के काबिल तक नहिं आहेन, काहेकि पहिले हम परमातिमा के मन्डली काहीं सताबत रहेन हँय।

1 कुरिन्थियन 3:3

काहेकि तूँ पंचे अबय तक अपने मन के बुरी इच्छन के मुताबिक जिअँइ बाले मनइन कि नाईं हया। अउर जब तूँ पंचे आपस माहीं डाह अउर लड़ाई-झगड़ा करते हया, त बताबा, का तूँ पंचे अबय तक अपने मन के बुरी इच्छन के मुताबिक जिअँइ बाले मनइन कि नाईं नहिं आह्या? अउर का तोंहार पंचन के चाल-चलन उनहिन कि नाईं नहिं आय?

2 कुरिन्थियन 12:20

काहेकि हमहीं इआ बात के डेर हय, कि कहँव अइसा न होय, कि जब हम तोंहरे लघे अई, त जइसन तोंहईं पंचन काहीं हम पामँइ चाहित हएन, त उआमेर न पाई, अउर तुहूँ पंचे घलाय हमहीं जइसन पामँइ चहते हया, त उआमेर न पाबा। अउर हम इआ नहीं चाही, कि तोंहरे बीच माहीं, लड़ाई-झगड़ा होय, डाह होय, क्रोध होय, बिरोध होय, जलन होय, चुगली करब होय, घमन्ड होय, कउनव बात के बखेड़ा होय।

गलातियन 5:15

पय अगर तूँ पंचे एक दुसरे काहीं जंगली जानबर कि नाईं नुकसान पहुँचाबत रहते हया, अउर मार डारँइ के कोसिस करत रहते हया, त सचेत रहा, कि कहँव तुहिन पंचे एक दुसरे काहीं नास न कइ डारा।

गलातियन 5:26

अउर हम पंचे घमन्डी होइके, न एक दुसरे काहीं खिसबाई, अउर न एक दुसरे से जलन रक्खी।

इफीसियन 4:2

अरथात हमेसा दीनता अउर नम्रता के साथ जीबन जिआ, अउर प्रेम के साथ धीरज धइके एक दुसरे के गलतिन काहीं सहि ल्या।

इफीसियन 5:21

अपने जीबन माहीं मसीह के भय माना, अउर आपस माहीं एक दुसरे के सम्मान करा।

फिलिप्पियन 2:14

एसे बिना सिकाइत किहे, अउर बिना बाद-बिबाद किहे, सगले कामन काहीं करत रहा।

कुलुस्सियन 3:12

काहेकि तूँ पंचे परमातिमा के चुने पबित्र अउर पियार आह्या, एसे करुना, भलाई, दीनता, कोमलता अउर सहनसीलता काहीं अपनाबा।

कुलुस्सियन 3:8

पय अब तोंहऊँ पंचन काहीं ईं सगली बातन काहीं छोंड़ि देंइ चाही, जइसन क्रोध करब, गुस्सा करब, बैर-भाव, दुसरे के बुराई करब, अउर मुँहे से गारी देब।

1 तीमुथियुस 6:4

त उआ घमन्डी होइगा हय, अउर प्रभू के बचन अउर उपदेस के बारे माहीं कुछू नहीं जानय, बलकिन ओही बाद-बिबाद करँय, अउर बचन के कुछ सब्दन काहीं लइके, बहँस करँइ के बुरी आदत ही, जउने से जलन, अउर लड़ाई-झगड़ा, अउर बुराई के बातँय, अउर दुसरेन के ऊपर बुरी-बुरी संका करब पइदा होत हय।

1 पतरस 3:8

एसे सगले जन एक मन रहा, अउर एक दुसरे के ऊपर किरपा करत रहा, अउर आपस माहीं भाईचारा के प्रेम बनाए रहा, अउर दयालू, अउर नम्र बना।

1 पतरस 5:5

इहइमेर से हे नवजमानव, तुहूँ पंचे घलाय अपने मसीही मन्डली के अँगुअन के अधीन रहा, अउर तूँ पंचे सगले जन नम्रता के साथ एक दुसरे के सेबा के खातिर, हमेसा तइआर रहा, काहेकि “परमातिमा घमन्ड करँइ बालेन के बिरोध करत हें, पय जे कउनव बात के घमन्ड नहीं करँय, उनखे ऊपर किरपा करत हें।”