फिलिप्पियन 2:29 - Bagheli Bible

²⁹ एसे तूँ पंचे प्रभू माहीं, उनखर बड़े आनन्द के साथ स्वागत किहा, अउर इआमेर के मनइन के आदर किहा करा।

फिलिप्पियन 2:29 Iomraidhean Croise

लूका 9:5

जउने गाँव के मनई तोंहईं पंचन काहीं सोइकार न करँय, अउर परमातिमा के सँदेस न सुनँय, त उआ गाँव से चलत समय उनखे अँगुअय, अपने गोड़ेन के धूधुर झार दिहा, कि जउने परमातिमा के सँदेस माहीं बिसुआस न करँइ के सजा के भागीदार उँइन होइहँय, इआ गबाही होई।”

यूहन्ना 13:20

हम तोंहसे सही-सही कहित हएन, जे कोऊ हमरे पठए मनइन काहीं सोइकार करत हय, उआ हमहीं सोइकार करत हय, अउर जे कोऊ हमहीं सोइकार करत हय, उआ हमहीं पठमँइ बाले काहीं सोइकार करत हय।”

खास चेलन 2:46

अउर ऊँ पंचे हरेक दिन एक मन होइके मन्दिर माहीं एकट्ठा होत रहे हँय, अउर घर-घर रोटी टोरत, सच्चे मन से आनन्द के साथ खाना खात रहे हँय।

खास चेलन 28:10

अउर ऊँ पंचे हमार पंचन के खुब आदर सत्कार किहिन, अउर जब हम पंचे उहाँ से चलँइ लागेन, तब जउन कुछू हमहीं पंचन काहीं जरूरत रही हय, उन सगली चीजन काहीं ऊँ पंचे जिहाज माहीं धरबाय दिहिन।

खास चेलन 8:8

अउर उआ सहर माहीं बड़ा आनन्द छाबा रहा हय।

रोमियन 10:15

अउर अगर प्रचार करँइ बाले पठए न जाँय, त ऊँ पंचे कइसन प्रचार कइ सकत हें? जइसन पबित्र सास्त्र माहीं घलाय लिखा हय, कि “जउन खुसी के खबर सुनाबत हें, उनखर मनइन के बीच माहीं आउब बड़ी खुसी के बात होत ही।”

रोमियन 16:2

काहेकि ऊँ प्रभू के ऊपर बिसुआस करँइ बाली बहिनी आहीं, एसे उनहीं प्रभू के दासी समझिके तूँ पंचे सोइकार करा; अउर अगर उनहीं कउनव चीज के तोंहसे पंचन से जरूरत परय, त उनखर मदत करा; काहेकि ऊँ खुब मनइन के मदत किहिन हीं, इहाँ तक कि हमार घलाय मदत किहिन रहा हय।

1 कुरिन्थियन 16:10

अउर जब तीमुथियुस आय जाँय, त उनखे साथ अइसन बेउहार किहा, कि जउने ऊँ तोंहरे पंचन के लघे निडर होइके रहँय; काहेकि ऊँ हमरी कि नाईं प्रभू के सेबा करत हें।

1 कुरिन्थियन 16:18

अउर ऊँ पंचे हमरेव मन काहीं खुस किहिन हीं, अउर तोंहरेव पंचन के मन काहीं घलाय खुस किहिन हीं; एसे अइसन लोगन के सम्मान करा।

2 कुरिन्थियन 10:18

काहेकि जउन मनई आपन बड़ाई खुदय करत हय, उआ नहीं, बलकिन जेखर बड़ाई प्रभू करत हें, उहय परमातिमा के द्वारा सोइकार कीन जात हय।

2 कुरिन्थियन 7:2

काहेकि हम पंचे कोहू के कुछू नहीं बिगाड़ेन आय, अउर न कोहू के साथ अन्याय किहेन आय, अउर न कोहू के साथ छलय किहेन आय, एसे तूँ पंचे अपने पूरे हिरदँय से हमसे पंचन से प्रेम करा।

फिलिप्पियन 2:28

अउर हम एहिन से उनहीं तोंहरे लघे पठमँइ के अउरव कोसिस किहेन, कि उनसे पुनि तूँ पंचे मिलिके आनन्दित होइजा, अउर हमरव दुख कुछ कम होइ जाय।

कुलुस्सियन 4:10

अरिस्तरखुस जउन हमरे साथ जेल माहीं हें, अउर मरकुस जउन बरनबास के भाई लागत हें। (जिनखे बारे माहीं हम तोंहईं पंचन काहीं बताए रहे हएन, कि अगर ऊँ तोंहरे पंचन के लघे आमँय, त उनखे साथ निकहा बेउहार किहा।)

1 थिस्सलुनीकियन 5:12

हे भाई-बहिनिव, हम पंचे तोंहसे बिनती करित हएन, कि जउन तोंहरे बीच माहीं मेहनत करत हें, अउर प्रभू माहीं तोंहार अँगुआई करत हें, अउर तोंहईं सिच्छा देत हें, उनखर सम्मान करा।

1 तीमुथियुस 5:17

जउन पुरान बिसुआसी मसीही मन्डली के सगला प्रबन्ध निकहा से करत हें, खास करके उँइ जउन बचन सुनामँइ अउर सिखामँइ माहीं मेहनत करत हें, उँइ दुगुने मान-सम्मान के काबिल समझे जाँय।

इब्रानियन 13:17

अउर तूँ पंचे अपने आत्मिक अँगुअन के हुकुमन काहीं माना, अउर उनखे अधीनता माहीं रहा, काहेकि ऊँ पंचे तोंहरे आत्मिक बढ़ोत्तरी के खातिर, हमेसा खुसी से काम करत रहत हें, अउर उनहीं अपने ईं कामन के हिंसाब परमातिमा काहीं देंइ परी। पय तूँ पंचे उनहीं इआ मोका न दिहा, कि ऊँ इआ काम काहीं खुसी से नहीं, बलकिन बड़े दुख के साथ करँय, त इआ दसा माहीं तोंहईं पंचन काहीं कउनव फायदा न होई।

3 यूहन्ना 1:10

एसे जब हम अउब, त ओखे कामन काहीं जउन उआ कइ रहा हय, सुधि देबाउब, कि उआ हमरे बारे माहीं बुरी-बुरी बात कहत हय; अउर एखे बादव ओही सन्तोस नहीं मिलय, अउर खुदय बिसुआसी भाइन काहीं सोइकार नहीं करय, अउर उनहीं जउन हमरे बातन काहीं अपनामँइ चाहत हें, बरज देत हय, अउर मसीही मन्डली से निकार देत हय।