फिलिप्पियन 2:27 - Bagheli Bible

²⁷ अउर जरूर ऊँ बिमार होइगें तय, अउर लागत रहा हय, कि मर जइहँय, पय परमातिमा उनखे ऊपर दया किहिन, त ऊँ नीक होइगें, अउर उनखेन ऊपर भर नहीं, बलकिन हमरेव ऊपर घलाय दया किहिन हीं, कि जउने हमरे ऊपर दुख म दुख न परय।

फिलिप्पियन 2:27 Iomraidhean Croise

खास चेलन 9:37

उँइन दिनन माहीं उआ बिमार होइके मरिगे; अउर ऊँ पंचे ओही नहबाइके अँटरिया माहीं धरबाय दिहिन।

1 कुरिन्थियन 10:13

अउर तूँ पंचे कउनव अइसन परिच्छा माहीं नहीं परे आह्या, जउन कि मनई के सहँइ के सक्ती से जादा होत ही, काहेकि परमातिमा सच्चे हें, अउर ऊँ तोहईं पंचन काहीं सहँइ के सक्ती से जादा परिच्छा माहीं न परय देइहँय, पय अगर परिच्छा माहीं परिव जाते हया, त ओसे निकरँइ के घलाय उपाय करिहँय, जउने तूँ पंचे ओही सहि सका।

2 कुरिन्थियन 2:7

एसे नीक त इआ हय, कि ओखर अपराध माफ करा, अउर ओही उत्साहित करा, कहँव अइसन न होय कि उआ मनई बड़े भारी दुख माहीं बूड़ जाय।

फिलिप्पियन 2:26

एसे हम उनहीं तोंहरे लघे पठयन हय, काहेकि उनखर मन तोंहरे ऊपर लगा रहत रहा हय, अउर ऊँ ब्याकुल रहत रहे हँय, कि तूँ पंचे उनखे बारे माहीं सुने हया, कि ऊँ बिमार हें।

फिलिप्पियन 2:28

अउर हम एहिन से उनहीं तोंहरे लघे पठमँइ के अउरव कोसिस किहेन, कि उनसे पुनि तूँ पंचे मिलिके आनन्दित होइजा, अउर हमरव दुख कुछ कम होइ जाय।

फिलिप्पियन 2:30

काहेकि उँइन मसीह के काम के खातिर अपने प्रान के बाजी लगाइन रहा हय, एसे उनखर इआ हालत होइगे रही हय, कि लागत रहा हय, कि ऊँ मर जइहँय, जउन तोंहरे पंचन के तरफ से हमरे सेबा माहीं कमी रहिगे तय, ओही ऊँ पूर करिहँय।