फिलिप्पियन 2:26 - Bagheli Bible

²⁶ एसे हम उनहीं तोंहरे लघे पठयन हय, काहेकि उनखर मन तोंहरे ऊपर लगा रहत रहा हय, अउर ऊँ ब्याकुल रहत रहे हँय, कि तूँ पंचे उनखे बारे माहीं सुने हया, कि ऊँ बिमार हें।

फिलिप्पियन 2:26 Iomraidhean Croise

मत्ती 11:28

“हे थके-मादे अउर बोझ से दबे सगले मनइव, हमरे लघे आबा; हम तोंहईं पंचन काहीं अराम देब।

मत्ती 26:37

अउर यीसु, पतरस अउर जब्दी के दोनव लड़िकन काहीं अपने साथ माहीं लइगें, अउर यीसु उदास अउर ब्याकुल होंइ लागें।

खास चेलन 21:13

पय पवलुस जबाब दिहिन, कि तूँ पंचे का करते हया, रोइ-रोइके हमरे मन काहीं कमजोर करते हया, हम त प्रभू यीसु के नाम के खातिर यरूसलेम सहर म न केबल बाँधे जाँइन भर काहीं नहीं, बलकिन मरऊँ के खातिर तइआर हएन।

रोमियन 1:11

काहेकि तोंहसे मिलँइ के हमार बड़ी लालसा ही, कि हम तोंहईं कउनव आत्मिक आसीस देई, जउने तूँ पंचे बिसुआस माहीं मजबूत होइजा।

रोमियन 12:15

अउर जे आनन्द मनाबत हें, त तुहूँ पंचे उनखे साथ आनन्द मनाबा; अउर जे दुखी होंय, त उनखे साथ तुहूँ पंचे दुख मनाबा।

रोमियन 9:2

कि हमहीं बड़ा दुख लागत हय, अउर हमार मन हमेसा दुखी रहत हय।

1 कुरिन्थियन 12:26

एसे अगर देंह के एकठे अंग दुख पाबत हय, त सगले अंग ओखे साथ दुखी होत हें; अउर अगर एकठे अंग के बड़ाई होत ही, त ओखे साथ मिलिके सगले अंग खुसी मनाबत हें।

2 कुरिन्थियन 9:14

अउर ऊँ पंचे तोंहसे प्रेम करत हें, अउर तोंहरे खातिर प्राथना करत रहत हें, काहेकि तोंहरे पंचन के ऊपर परमातिमा के बड़ी किरपा हय।

गलातियन 6:2

अउर तूँ पंचे एक दुसरे के कमी-घटी काहीं पूर करा, अउर इआमेर से मसीह के बिधान काहीं पूर करा।

इफीसियन 3:13

एसे हम तोंहसे इआ बिनती करित हएन, कि जउन दुख-मुसीबत तोंहरे खातिर हम उठाय रहेन हय, उनखे कारन हिम्मत न हारा, काहेकि उनहिन माहीं तोंहार पंचन के भलाई हय।

फिलिप्पियन 1:3

हम जब-जब तोंहईं पंचन काहीं सुध करित हएन, तब-तब अपने परमातिमा काहीं धन्यबाद देइत हएन।

फिलिप्पियन 1:8

इआ बात माहीं परमातिमा हमार गबाह हें, कि हम तोंहसे मसीह यीसु कि नाईं प्रेम करित हएन, अउर हम तोंहसे मिलँय के खातिर ब्याकुल रहित हएन।

फिलिप्पियन 2:25

अउर हम इआ जरूरी समझेन, कि इपफ्रुदीतुस काहीं तोंहरे पंचन के लघे पठई, जउन हमार बिसुआसी भाई आहीं, अउर हमरे साथ काम करँइ बाले, अउर कामन माहीं सिपाही कि नाईं मदत करँइ बाले, अउर तोंहईं पंचन काहीं सँदेस देंइ बाले आहीं, अउर जरूरत परे माहीं हमार सेबा-सहाई करँइ बाले आहीं।

फिलिप्पियन 2:27

अउर जरूर ऊँ बिमार होइगें तय, अउर लागत रहा हय, कि मर जइहँय, पय परमातिमा उनखे ऊपर दया किहिन, त ऊँ नीक होइगें, अउर उनखेन ऊपर भर नहीं, बलकिन हमरेव ऊपर घलाय दया किहिन हीं, कि जउने हमरे ऊपर दुख म दुख न परय।

फिलिप्पियन 4:1

हे हमार पियार भाई-बहिनिव, तोंहरेन माहीं हमार जिव लगा रहत हय, काहेकि तुहिन हमार आनन्द अउर मुकुट आह्या, हे पियार भाई-बहिनिव, हम तोंहईं जइसन प्रभू के बारे माहीं बताएन हय, ओहिन माहीं अटल बने रहा।

1 पतरस 1:6

अउर इहय कारन से तूँ पंचे खुब आनन्दित होते हया। जबकि इआ बात जरूर हय, कि तूँ पंचे अबे कुछ दिना तक अनेकव प्रकार के परिच्छन माहीं परँइ के कारन, दुखी हया।