फिलिप्पियन 2:22 - Bagheli Bible

²² पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं।

फिलिप्पियन 2:22 Iomraidhean Croise

खास चेलन 16:2

ऊँ लुस्त्रा सहर अउर इकुनियुम सहर के रहँइ बाले, बिसुआसी भाई-बहिनिन माहीं सम्मानित मनई रहे हँय।

रोमियन 5:4

अउर धीरज धरे से निकहा चरित्र पइदा होत हय, अउर निकहा चरित्र से आसा पइदा होत ही।

1 कुरिन्थियन 16:10

अउर जब तीमुथियुस आय जाँय, त उनखे साथ अइसन बेउहार किहा, कि जउने ऊँ तोंहरे पंचन के लघे निडर होइके रहँय; काहेकि ऊँ हमरी कि नाईं प्रभू के सेबा करत हें।

1 कुरिन्थियन 4:17

एसे हम तीमुथियुस काहीं, तोंहरे लघे पठएन हँय, जउन प्रभू माहीं बिसुआस करँइ के कारन, हमार पियार अउर बिसुआस के काबिल लड़िका आहीं। अउर हम हरेक जघा माहीं, अउर हरेक मसीही मन्डली माहीं मसीह के बारे माहीं जउन उपदेस देइत हएन, ऊँ उनखे बारे माहीं तोहईं पंचन काहीं सुध देबइहँय।

2 कुरिन्थियन 2:9

काहेकि हम तोंहईं पंचन काहीं अजमामँइ के उद्देस्य से इआ लिखेन तय, अउर हम इआ जानँइ चाहत रहेन हय, कि तूँ पंचे हमरे सगली बातन काहीं मानँइ के खातिर तइआर हया, कि नहीं?

2 कुरिन्थियन 8:22

अउर हम पंचे तीतुस के साथ अपने ऊँ भाई काहीं घलाय पठए हएन, जिनहीं हम पंचे बेर-बेर जाँचेन परखेन हय, त उनहीं खुब बातन माहीं उत्साही पाएन हय; अउर उनहीं अब तोंहरे पंचन के ऊपर बड़ा भरोसा हय, इहय कारन से उनखर उत्साह अउर जादा बढ़िगा हय।

2 कुरिन्थियन 8:24

एसे तूँ पंचे उनसे खुब प्रेम किहा, अउर तोंहरे पंचन के बारे माहीं, हम पंचे एतना घमन्ड काहे करित हएन, ओही सही साबित कइके देखाबा। जउने सगली मसीही मन्डली ओही देख सकँय।

2 कुरिन्थियन 8:8

अउर हम इआ बात काहीं, तोंहईं पंचन काहीं हुकुम के रूप माहीं नहीं कहि रहेन आय। बलकिन दुसरे मनइन के उत्साह के बारे माहीं कहिके, अउर तोंहरे पंचन के प्रेम काहीं जाँचँय-परखँइ के खातिर कहि रहेन हय।

फिलिप्पियन 1:12

हे बिसुआसी भाई-बहिनिव, हम चाहित हएन, कि तूँ पंचे इआ जानिल्या, कि जउन हमरे ऊपर बीता हय, ओसे खुसी के खबर के बढ़ोत्तरिन भे ही।

फिलिप्पियन 1:16

अउर ईं पंचे इआ जानिके, कि परमातिमा हमहीं खुसी के खबर के बारे माहीं मनइन काहीं सही जबाब देंइ के खातिर चुनिन हीं, एसे ऊँ पंचे बड़े प्रेम के साथ खुसी के खबर के प्रचार करत हें।

फिलिप्पियन 1:5

काहेकि तूँ पंचे जब से खुसी के खबर सुने हया, तब से लइके आज तक खुसी के खबर के प्रचार करँइ माहीं हमरे साथ सामिल रहे हया।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 2:20

काहेकि हमरे लघे इनखे सुभाव कि नाईं अउर कउनव मनई नहिं आय, जउन तोंहरे भलाई के खातिर सच्चे मन से चिन्ता करत होय।

1 तीमुथियुस 1:18

हे बेटा तीमुथियुस, उन परमातिमा के सँदेस बतामँइ बालेन के बातन के मुताबिक, जउन बात पहिलेन तोंहरे बारे माहीं बताई गई रही हँय, हम इआ हुकुम देइत हएन, कि तूँ उनहिन कि नाईं उनखर बिरोध करा, जउन अनुचित सिच्छा सिखाबत हें, अउर सत्य बचन के सिच्छा देत रहा। जइसन सिपाही युद्ध माहीं जीतँय के खातिर निकही लड़ाई लड़त हय।

1 तीमुथियुस 1:2

काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीमुथियुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमरे पंचन के प्रभू यीसु मसीह के तरफ से तोहईं किरपा, दया, अउर सान्ति मिलत रहय।

1 तीमुथियुस 4:6

हे तीमुथियुस, अगर तूँ ईं सगली बातन काहीं सगले बिसुआसी भाई-बहिनिन काहीं सुध देबाबत रइहा, त तूँ मसीह यीसु के निकहे सेबक कहइहा, जिनखर आत्मिक लालन-पालन, परमातिमा के ऊपर बिसुआस, अउर उहय सत्य सिच्छा के व्दारा होत हय, जेही तूँ अपनाए हया।

2 तीमुथियुस 1:2

हम प्राथना करित हएन, कि पिता परमातिमा अउर हमरे पंचन के प्रभू मसीह यीसु के तरफ से तोंहईं किरपा, दया, अउर सान्ति मिलत रहय।

2 तीमुथियुस 3:10

चाह कुछू होय, पय तूँ हमरे सिच्छा के पालन किहा हय, हमरे चाल-चलन, हमरे जीबन के लच्छ, मनइन काहीं परमातिमा के बचन सुनाउब रहा हय, हमार मसीह के ऊपर बिसुआस, हरेक मेर के बातन काहीं सहँइ के हमार छमता, कइसन हम सगले लोगन के साथ धीरज अउर प्रेम से रहेन, अउर तूँ हमरे सताए जाँय, अउर दुख-मुसीबत माहीं हमार मदत किहा हय।

तीतुस 1:4

इआ चिट्ठी तीतुस तोंहईं मिलय, काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीतुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमहीं पंचन काहीं मुक्ती देंइ बाले मसीह यीसु के तरफ से, तोहईं किरपा अउर सान्ति मिलत रहय।