फिलिप्पियन 2:19 - Bagheli Bible

¹⁹ अगर प्रभू यीसु के मरजी होई, त हम तीमुथियुस काहीं तोंहरे पंचन के लघे हरबिन पठउब, जउने ऊँ तोंहार हाल चाल लइके हमहीं आइके बतामँइ, अउर तोंहरे बारे माहीं जानिके हमरे मन काहीं सान्ति मिलय।

फिलिप्पियन 2:19 Iomraidhean Croise

मत्ती 12:21

अउर गैरयहूदी लोग उनखे नाम के ऊपर आसा रखिहँय।”

खास चेलन 16:1

ओखे बाद पवलुस दिरबे अउर लुस्त्रा सहरन माहीं घलाय गें, अउर उहाँ तीमुथियुस नाम के एकठे चेला रहे हँय, जिनखर महतारी यहूदी जाति के बिसुआसी रही हँय, पय उनखर बाप यूनानी जाति के रहे हँय।

रोमियन 15:12

अउर पबित्र सास्त्र माहीं यसायाह नबी के किताब माहीं लिखा हय, कि “यिसय के बंस माहीं एक जन पइदा होई, अउर गैरयहूदी लोगन के ऊपर सासन करँइ के खातिर अई, अउर गैरयहूदी लोग उनखे ऊपर आसा रखिहँय।”

रोमियन 16:21

अउर तीमुथियुस जउन हमरे साथ सेबा करत हें, अउर हमरे यहूदी जाति के साथी लोग लूकियुस अउर यासोन अउर सोसिपत्रुस के तरफ से तोंहईं पंचन काहीं नबस्कार पहुँचय।

1 कुरिन्थियन 4:17

एसे हम तीमुथियुस काहीं, तोंहरे लघे पठएन हँय, जउन प्रभू माहीं बिसुआस करँइ के कारन, हमार पियार अउर बिसुआस के काबिल लड़िका आहीं। अउर हम हरेक जघा माहीं, अउर हरेक मसीही मन्डली माहीं मसीह के बारे माहीं जउन उपदेस देइत हएन, ऊँ उनखे बारे माहीं तोहईं पंचन काहीं सुध देबइहँय।

इफीसियन 1:13

जब तूँ पंचे उआ सत्य के बचन काहीं सुने रह्या हय, जउन तोंहईं पंचन काहीं मुक्ती देंइ के खुसी के खबर रहा हय, अउर जउने मसीह के ऊपर तूँ पंचे बिसुआस किहा तय, त जउने पबित्र आत्मा काहीं देंइ के वादा परमातिमा किहिन तय, उँइन मसीह के द्वारा पबित्र आत्मा के अदभुत चिन्हारी तोंहरे पंचन के ऊपर घलाय लगाई गे ही।

फिलिप्पियन 1:1

प्रभू यीसु मसीह के सेबक पवलुस अउर तीमुथियुस के तरफ से इआ चिट्ठी, फिलिप्पी सहर माहीं रहँइ बाले मसीह यीसु के ऊपर बिसुआस करँइ बाले भाई-बहिनिन, अउर मसीही मन्डली के अँगुअन अउर सेबकन काहीं मिलय।

फिलिप्पियन 2:18

जइसन हम आनन्दित हएन, उहयमेर हमरे साथ तुहूँ पंचे आनन्द मनाबा।

फिलिप्पियन 2:28

अउर हम एहिन से उनहीं तोंहरे लघे पठमँइ के अउरव कोसिस किहेन, कि उनसे पुनि तूँ पंचे मिलिके आनन्दित होइजा, अउर हमरव दुख कुछ कम होइ जाय।

1 थिस्सलुनीकियन 3:2

अउर हम तीमुथियुस काहीं जउन मसीह के खुसी के खबर के प्रचार करँइ माहीं हमार सहयोगी भाई, अउर परमातिमा के सेबक आहीं, उनहीं एसे पठएन हय, कि ऊँ तोंहईं समझाइके बिसुआस माहीं मजबूत बनामँइ,

1 थिस्सलुनीकियन 3:5

इआ कारन से जब हमसे अउर न रहा ग, त तोंहरे बिसुआस के हाल चाल जानँइ के खातिर तीमुथियुस काहीं पठएन, कि कहँव अइसा न होय, कि परिच्छा करँइ बाला सइतान तोंहार परिच्छा किहिस होय, अउर हमार पंचन के सगली मेहनत पानी माहीं चली गे होय।

2 थिस्सलुनीकियन 1:3

हे भाई-बहिनिव, तोंहरे बारे माहीं हमहीं पंचन काहीं, हर समय परमातिमा काहीं धन्यबाद देत रहँइ चाही, अउर इआ उचितव हय, एसे कि तोंहार बिसुआस खुब बाढ़त जात हय, अउर तोंहार सगलेन के प्रेम घलाय आपस माहीं खुब बाढ़त जात हय।

2 तीमुथियुस 1:12

इहय कारन हम ईं दुखन काहीं सहित हएन, पय लजई नहीं, काहेकि जिनखे ऊपर हम बिसुआस किहेन हय, उनहीं हम जानित हएन; अउर हमहीं पूर बिसुआस हय, कि जउन खुसी के खबर परमातिमा हमहीं सउँपिन हीं, ओखर रखबारी ऊँ अन्त समय तक कइ सकत हें।

याकूब 4:15

एखर उल्टा तोंहईं, इआ कहँइ चाही, कि अगर प्रभू चइहँय, त हम पंचे जिअत रहब, अउर इआ काम, कि उआ काम घलाय करब।

1 पतरस 1:21

अउर तूँ पंचे उँइन यीसु मसीह के कारन, परमातिमा के ऊपर बिसुआस करते हया, जउन यीसु मसीह काहीं मरेन म से पुनि जिआइके, उनहीं महिमा दिहिन, कि जउने तोंहार पंचन के आसा अउर बिसुआस परमातिमा के ऊपर होय।