फिलिप्पियन 2:16 - Bagheli Bible

¹⁶ अउर मसीह के दुसराय आमँइ के दिन काहीं हमार छाती चउड़ी होइ जई, इआ देखिके, कि तूँ पंचे परमातिमा के अनन्त जीबन देंइ बाले बचन काहीं, अपने जीबन माहीं अपनाए हया, अउर हमरे जीबन के भाग-दउड़ अउर हमार मेहनत बेकार नहीं गे।

फिलिप्पियन 2:16 Iomraidhean Croise

मत्ती 10:27

जउन कुछू हम तोंहसे अँधिआरे माहीं कहित हएन, ओही तूँ पंचे उँजिआरे माहीं बताया, अउर जउन कुछू तूँ पंचे अपने कानन माहीं धीरे-धीरे सुने हया, ओही घर के छतन से प्रचार किहा।

लूका 12:8

यीसु कहिन, “हम तोंहसे कहित हएन, कि जे कोऊ मनइन के आँगे इआ मान लेई, कि हम यीसु मसीह के चेला आहेन, त ओही मनई के लड़िकव परमातिमा के स्वरगदूतन के आँगे सोइकार कइ लेई, कि इआ हमार चेला आय।

यूहन्ना 6:63

परमातिमा के आत्मय हय, जउन अनन्त जीबन देत हय, देंह से कुछू फायदा नहीं आय: जउने बातन काहीं हम तोंहसे कहेन हँय, उँइन आत्मा आहीं, अउर जीबन घलाय आहीं।”

यूहन्ना 6:68

तब समौन पतरस उनहीं जबाब दिहिन, कि “हे प्रभू हम पंचे केखे लघे जई? अनन्त जीबन देंइ बाली बातँय, त अपनय के लघे हईं।”

खास चेलन 13:26

हे भाई-बहिनिव, तूँ पंचे जउन अब्राहम के सन्तान आह्या; अउर तूँ पंचे जउन परमातिमा से डेराते हया, तोंहरे लघे इआ मुक्ती के सँदेस पठबा ग हय।

1 कुरिन्थियन 1:8

अउर ऊँ तोहईं आखिरी समय तक बिसुआस माहीं मजबूत रखिहँय, कि जउने तूँ पंचे, हमरे पंचन के प्रभू यीसु मसीह के द्वारा न्याय करँइ के दिन माहीं बेकसूर निकरा।

1 कुरिन्थियन 9:26

अउर इहइमेर हमहूँ उआ मनई कि नाईं दउड़ित हएन, जउने के आँगे लच्छ हय, पय हम हबा माहीं मुक्का नहीं मारी।

2 कुरिन्थियन 1:14

जइसन तोंहरे पंचन म से कुछ जने मानिव लिहिन ही, कि हम पंचे तोंहरे घमन्ड करँइ के कारन हएन; उहयमेर प्रभू यीसु के न्याय करँइ के दिन, तुहूँ पंचे घलाय हमरे पंचन के खातिर घमन्ड के कारन ठहरिहा।

गलातियन 2:2

अउर उहाँ जाँइ के खातिर परमातिमा हमहीं दरसन दिहिन एसे हम उहाँ गएन, अउर जउने खुसी के खबर के प्रचार हम गैरयहूदी लोगन के बीच माहीं करित हएन, उहय खुसी के खबर काहीं हम उनहिन काहीं अलग लइ जाइके सुनायन, जउन मसीही मन्डली के मुखिया माने जात रहे हँय, जउने, जउन काम हम पहिले किहेन तय, अउर अबे कइ रहेन हय, ऊँ बेकार न ठहरँय।

गलातियन 4:11

तोंहरे पंचन के बारे माहीं हमहीं डेर लागत ही, कि कहँव अइसा न होय, कि जउन मेहनत हम तोंहरे खातिर किहेन हय, उआ बेकार होइ जाय।

फिलिप्पियन 1:10

इहाँ तक कि तूँ पंचे मसीह के उत्तम से उत्तम बातन काहीं पियार जाना, अउर मसीह के दिन तक सच्चे बने रहा; अउर बिसुआस से भटकँय न पाबा।

फिलिप्पियन 1:6

अउर हमहीं इआ बात के पूर बिसुआस हय, कि परमातिमा जउन तोंहरे पंचन के जीबन माहीं निकहा काम सुरू किहिन हीं, उँइन ओही मसीह यीसु के दिन तक पूर करिहँय।

1 थिस्सलुनीकियन 2:19

जब हम पंचे अपने प्रभू यीसु मसीह के दुसराय आमँइ के समय उनखे आँगे ठाढ़ होब, त तोंहईं पंचन काहीं छोंड़, हमार पंचन के आसा, आनन्द, अउर बड़ाई के मुकुट अउर का होइ सकत हय?

1 थिस्सलुनीकियन 3:5

इआ कारन से जब हमसे अउर न रहा ग, त तोंहरे बिसुआस के हाल चाल जानँइ के खातिर तीमुथियुस काहीं पठएन, कि कहँव अइसा न होय, कि परिच्छा करँइ बाला सइतान तोंहार परिच्छा किहिस होय, अउर हमार पंचन के सगली मेहनत पानी माहीं चली गे होय।

इब्रानियन 4:12

काहेकि परमातिमा के बचन जिन्दा हय, सक्तिसाली हय, अउर सगली दुइ धार बाली तलबारन से खुब जादा चोंख हय, अउर उआ प्रान, अउर आत्मा काहीं, अउर देंह के सगली हड्डिन अउर माँस काहीं, अलग कइके आर-पार छेदत हय। अउर उआ बचन मनइन के मन के इच्छन, अउर सोच-बिचार के जाँच-परताल घलाय करत हय।

1 पतरस 1:23

काहेकि तूँ पंचे नास होंइ बाले बीज से नहीं, बलकिन कबहूँ न नास होंइ बाले बीज से, अरथात परमातिमा के जिन्दा अउर हमेसा ठहरँय बाले बचन से नबा जनम पाए हया।

1 यूहन्ना 1:1

इआ चिट्ठी माहीं हम, जीबन देंइ बाले उआ बचन के बारे माहीं लिखित हएन, जउन इआ संसार के बनामँइ से पहिलेव रहा हय, जउने काहीं हम पंचे सुनेन हय, अउर जिनहीं हम पंचे अपने आँखिन से देखेन हय, बलकिन जिनहीं हम पंचे बड़े ध्यान से देखेन, अउर हाँथन से छुएन हय।

दरसनन के बातँय 22:17

पबित्र आत्मा अउर दुलहिन दोनव कहत हें, “आबा!” अउर सुनँय बाला घलाय कहय, “आबा!” जे पियासा होय उआ आबय, अउर जे कोऊ चाहय, उआ जीबन के पानी सेंत-मेंत लेय।