फिलिप्पियन 2:14 - Bagheli Bible

¹⁴ एसे बिना सिकाइत किहे, अउर बिना बाद-बिबाद किहे, सगले कामन काहीं करत रहा।

फिलिप्पियन 2:14 Iomraidhean Croise

मत्ती 20:11

अउर जब उनहीं मजूरी मिल चुकी, त ऊँ पंचे बगिया के मालिक के ऊपर गुस्साइके बरबराँय लागें। अउर उनसे कहँइ लागें,

मरकुस 14:5

काहेकि इआ अँतर काहीं तीन सव चाँदी के सिक्कन से जादा कीमत माहीं बेंचिके, कंगालन काहीं बाँटा जाइ सकत रहा हय।” अउर ऊँ पंचे उआ मेहेरिआ काहीं डाँटँइ लागें।

मरकुस 9:14

जब यीसु पहार से उतरिके चेलन के लघे आएँ, त देखिन कि उनखे चारिव कइती बड़ी भीड़ लगी हय, अउर मूसा के बिधान सिखामँइ बाले उनसे बहँस कइ रहे हँय।

लूका 5:30

इआ सब देखिके, मूसा के बिधान सिखामँइ बाले, अउर फरीसी लोग, यीसु के चेलन से इआ कहिके बरबराँय लागें, “तूँ पंचे चुंगी लेंइ बालेन, अउर पापी लोगन के साथ काहे खाते-पीते हया?”

खास चेलन 15:2

तब पवलुस अउर बरनबास के उनसे खुब बाद-बिबाद अउर झगड़ा भ, तब सभा माहीं इआ निस्चित कीन ग, कि पवलुस अउर बरनबास अउर हमरे पंचन म से कुछ जने, इआ बात के बारे माहीं यरूसलेम सहर माहीं, यीसु के खास चेलन अउर मुखिअन के लघे जाँय।

खास चेलन 15:39

एसे उन दोनव जनेन के बीच माहीं अइसन बिरोध पइदा होइगा, कि ऊँ पंचे एक दुसरे से अलग होइगें। अउर बरनबास मरकुस काहीं लइके जल जिहाज से साइप्रस टापू माहीं चलेगें।

खास चेलन 15:7

तब पतरस खुब बाद-बिबाद होए के बाद ठाढ़ भें, अउर उनसे कहिन, “हे बिसुआसी भाइव, तूँ पंचे त जनतेन हया, कि खुब दिना होइगें परमातिमा तोंहरेन म से हमहीं चुनिन हीं, कि हमरे मुँहे के द्वारा गैरयहूदी लोग, खुसी के खबर सुनिके बिसुआस करँय।

खास चेलन 6:1

ऊँ दिनन माहीं जब चेलन के संख्या जादा बढ़ँय लाग, तब यूनानी भाँसा बोलँइ बाले, इब्रानी भाँसा बोलँइ बालेन के ऊपर कुड़कुड़ाँय लागें, कि रोज के जरूरत के चीजन काहीं बाँटत माहीं, हमरे बिधबन के ऊपर ध्यान नहीं दीन जाय।

रोमियन 12:18

अउर जहाँ तक तोंहसे होइ सकय, त सगले मनइन के साथ मेल-मिलाप करँइ के पूरी कोसिस किहा।

रोमियन 14:1

अउर हे बिसुआसी भाई-बहिनिव, जउन मनई बिसुआस माहीं कमजोर हें, उनहूँ काहीं अपने मंडली माहीं सामिल कइल्या, पय उनखे मतभेदन के बातन माहीं बाद-बिबाद करँइ के खातिर नहीं।

रोमियन 16:17

हे हमार भाई-बहिनिव, हम तोंहसे बिनती करित हएन, कि तूँ पंचे मसीह के जउन सिच्छा पाया हय, ओखे बिरोध माहीं सिच्छा दइके, जउन मनई फूट डारत हें, अउर बिसुआसी भाई-बहिनिन काहीं बिसुआस से भटकाय देत हें, उनहीं पहिचान ल्या करा, अउर उनसे दूरी रहा करा।

1 कुरिन्थियन 10:10

अउर तूँ पंचे कुड़कुड़ाबव न करा, जइसन कि उनमा से कइअक जने कुड़कुड़ान रहे हँय, अउर नास करँइ बाले स्वरगदूत के द्वारा नास कइ दीनगे रहे हँय।

2 कुरिन्थियन 12:20

काहेकि हमहीं इआ बात के डेर हय, कि कहँव अइसा न होय, कि जब हम तोंहरे लघे अई, त जइसन तोंहईं पंचन काहीं हम पामँइ चाहित हएन, त उआमेर न पाई, अउर तुहूँ पंचे घलाय हमहीं जइसन पामँइ चहते हया, त उआमेर न पाबा। अउर हम इआ नहीं चाही, कि तोंहरे बीच माहीं, लड़ाई-झगड़ा होय, डाह होय, क्रोध होय, बिरोध होय, जलन होय, चुगली करब होय, घमन्ड होय, कउनव बात के बखेड़ा होय।

गलातियन 5:15

पय अगर तूँ पंचे एक दुसरे काहीं जंगली जानबर कि नाईं नुकसान पहुँचाबत रहते हया, अउर मार डारँइ के कोसिस करत रहते हया, त सचेत रहा, कि कहँव तुहिन पंचे एक दुसरे काहीं नास न कइ डारा।

गलातियन 5:26

अउर हम पंचे घमन्डी होइके, न एक दुसरे काहीं खिसबाई, अउर न एक दुसरे से जलन रक्खी।

फिलिप्पियन 2:3

आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

1 थिस्सलुनीकियन 5:13

अउर उनखे इआ काम के कारन, उनहीं बड़े प्रेम से आदर के काबिल समझा, अउर आपस माहीं मिल-जुलिके रहा।

1 थिस्सलुनीकियन 5:15

अउर सचेत रहा कोऊ, कोहू के साथ बुराई के बदले बुराई न करा, बलकिन हमेसा भलाई करँइ के खातिर तइआर रहा, अपसय माहीं भर नहीं, बलकिन सगले मनइन के साथ भलाई करँइ के कोसिस करा।

इब्रानियन 12:14

अउर तूँ पंचे सबसे मेल-मिलाप रक्खा, अउर पबित्र बनँइ के हरेकमेर से कोसिस करत रहा; काहेकि पबित्र बने बिना, कउनव मनई प्रभू के दरसन कबहूँ न करे पाई।

याकूब 1:20

काहेकि मनई के क्रोध, परमातिमा के धरम के पालन नहीं कइ सकय।

याकूब 3:14

पय अगर तूँ पंचे अपने मन माहीं बड़ी इरसा अउर बिरोध रखते हया, त सत्य के बिरोध माहीं घमन्ड न किहा, अउर न त झूँठय बोल्या।

याकूब 5:9

हे भाई-बहिनिव, एक दुसरे के ऊपर दोस न लगाबा जउने तुहूँ पंचे दोसी न ठहरा, देखा न्याय करँइ बाले दुअरा माहीं ठाढ़ हें।

1 पतरस 3:11

अउर उआ बुराई के साथ छोंड़िके, भलाई करय; अउर उआ मेल-मिलाप करँइ के कोसिस माहीं लगा रहय।”

1 पतरस 4:9

अउर बिना कुड़-कुड़ाए, एक दुसरे के निकहा स्वागत-सत्कार करा।

यहूदा 1:16

काहेकि ईं पंचे कुड़कुड़ाँय बाले आहीं, अउर दुसरेन के दोस ढूँढ़ँइ माहीं लगे रहत हें। अउर ईं पंचे अपने मन मरजी के मुताबिक चलत हें; अउर अपने मुँहे से घमन्ड के बातँय बोलत हें; अउर अपने फायदा के खातिर दुसरे मनइन के मुँह देखी बड़ाई करत हें।”