फिलिप्पियन 1:6 - Bagheli Bible

⁶ अउर हमहीं इआ बात के पूर बिसुआस हय, कि परमातिमा जउन तोंहरे पंचन के जीबन माहीं निकहा काम सुरू किहिन हीं, उँइन ओही मसीह यीसु के दिन तक पूर करिहँय।

फिलिप्पियन 1:6 Iomraidhean Croise

यूहन्ना 6:29

तब यीसु उनहीं जबाब दिहिन, “परमातिमा के काम इआ आय, कि तूँ पंचे जेही ऊँ पठइन हीं, उनखे ऊपर बिसुआस करा।”

खास चेलन 11:18

इआ सुनिके, ऊँ पंचे चुप्पय होइगें, अउर परमातिमा के बड़ाई कइके कहँइ लागें, अब त परमातिमा, गैरयहूदी लोगन काहीं घलाय अनन्त जीबन पामँइ के खातिर, मन फिरामँइ के दान दिहिन हीं।

खास चेलन 16:14

तब लुदिया नाम के थुआतीरा सहर के बैगनी ओन्हा बेचँय बाली एकठे भक्त मेहेरिआ, सुनत रही हय, तब प्रभू ओखे मन काहीं खोलिन, जउने उआ पवलुस के बातन काहीं बड़े ध्यान से सुनय।

1 कुरिन्थियन 1:8

अउर ऊँ तोहईं आखिरी समय तक बिसुआस माहीं मजबूत रखिहँय, कि जउने तूँ पंचे, हमरे पंचन के प्रभू यीसु मसीह के द्वारा न्याय करँइ के दिन माहीं बेकसूर निकरा।

2 कुरिन्थियन 1:15

अउर इहय भरोसा से हम चाहत रहेन हय, कि पहिले तोंहरे पंचन के लघे अई; जउने तोंहईं दुसराय आसिरबाद के फायदा मिल सकय।

2 कुरिन्थियन 2:3

अउर हम इहय बात तोंहईं एसे लिखेन हय, कि कहँव अइसा न होय, कि जब हम तोंहरे पंचन के लघे अई, त जिनसे हमहीं आनन्द मिलँइ चाही, त हम उनहिन के कारन दुखी होई; काहेकि हमहीं तोंहरे सगले जनेन के ऊपर इआ बात के भरोसा हय, कि जउन आनन्द हमार हय, उआ तोंहरव पंचन के घलाय आनन्द हय।

2 कुरिन्थियन 7:16

एसे हम खुब खुसी हएन, काहेकि हमहीं हरेक बातन माहीं, तोंहरे ऊपर पूर भरोसा हय।

2 कुरिन्थियन 9:4

कहँव अइसा न होय, कि मकिदुनिया प्रदेस के कुछ मनई हमरे साथ आइके इआ देखँय, कि तूँ पंचे दान देंइ के खातिर तइआर नहिं आह्या, त हमहूँ काहीं अउर तोंहऊँ पंचन काहीं घलाय लज्जित होंइ परी, जबकि एखे बारे माहीं हम पंचे तोंहरे ऊपर बड़ा भरोसा रक्खित हएन।

गलातियन 5:10

अउर हम प्रभू के ऊपर तोंहरे पंचन के बारे माहीं भरोसा रक्खित हएन, कि तोंहार पंचन के उआ गलत सिच्छा काहीं मानँइ के बिचार न होई; पय जे कोऊ तोंहईं बहकामँइ के कोसिस करत हय, चाह उआ कोहू होई, परमातिमा से सजा पाई।

इफीसियन 4:12

जउने सगले पबित्र मनई ग्यान माहीं सिद्ध होइ जाँय, अउर सेबा के काम निकहा से करँय, जउने मसीह के देंह अरथात मसीही मन्डली के उन्नति होय।

फिलिप्पियन 1:10

इहाँ तक कि तूँ पंचे मसीह के उत्तम से उत्तम बातन काहीं पियार जाना, अउर मसीह के दिन तक सच्चे बने रहा; अउर बिसुआस से भटकँय न पाबा।

फिलिप्पियन 1:29

काहेकि तोंहरे ऊपर परमातिमा के इआ बड़ी दया मसीह के कारन भे ही, कि न केबल तूँ पंचे उनखे ऊपर बिसुआस करा, बलकिन उनहिन के खातिर दुखव उठाबा।

फिलिप्पियन 2:12

एसे हे हमार पियार साथिव, जब हम तोंहरे साथ माहीं रहेन हय, त तूँ पंचे हमेसा हमरे हुकुमन काहीं मानत रहे हया, उहयमेर अबहिनव निकहा से माना, भले हम तोंहरे लघे नहिं आहेन, तऊ परमातिमा के भय मानत, अउर उनखर सम्मान करत, जउन मुक्ती तोंहईं पंचन काहीं मिली हय, ओहिन के मुताबिक काम करा।

फिलिप्पियन 2:13

काहेकि उआ काम करँइ के इच्छा, अउर ओही पूर करँइ के काम, उँइ दोनव बातन काहीं परमातिमा अपने भली इच्छा से तोंहरे मनन माहीं डारिन हीं।

फिलिप्पियन 2:16

अउर मसीह के दुसराय आमँइ के दिन काहीं हमार छाती चउड़ी होइ जई, इआ देखिके, कि तूँ पंचे परमातिमा के अनन्त जीबन देंइ बाले बचन काहीं, अपने जीबन माहीं अपनाए हया, अउर हमरे जीबन के भाग-दउड़ अउर हमार मेहनत बेकार नहीं गे।

कुलुस्सियन 2:12

अउर तूँ पंचे बपतिस्मा लेत माहीं उनहिन के साथ गाड़े गया, अउर परमातिमा के सक्ती के ऊपर बिसुआस किहा, कि ऊँ मसीह काहीं मरेन म से जिआइन हीं, त उनखे साथय तुहूँ पंचे घलाय आत्मिक रूप से जिन्दा होइ गया हय।

1 थिस्सलुनीकियन 1:3

अउर अपने पिता परमातिमा के आँगे तोंहरे बिसुआस के काम, अउर प्रेम के मेहनत, अउर हमरे प्रभू यीसु मसीह माहीं आसा के धीरज काहीं लगीतार सुध करित हएन।

2 थिस्सलुनीकियन 1:11

एसे हम पंचे, हमेसा तोंहरे खातिर प्राथना घलाय करित हएन, कि हमार पंचन के परमातिमा, तोंहईं उआ जीबन के काबिल समझँय, जउने काहीं जिअँइ के खातिर बोलाइन रहा हय, अउर तोंहरे भलाई के हरेक इच्छा, अउर बिसुआस के हरेक कामन काहीं सामर्थ सहित पूर करँय।

2 थिस्सलुनीकियन 3:4

अउर तूँ पंचे प्रभू के ऊपर बिसुआस करते हया, एसे हमहीं पंचन काहीं तोंहरे ऊपर पूर भरोसा हय, कि जउन-जउन हुकुम हम पंचे तोंहईं दिहेन रहा हय, उनहीं तूँ पंचे मनते हया, अउर मनतव रइहा।

फिलेमोन 1:21

हम तोंहरे ऊपर बिसुआस करित हएन, कि तूँ हमरे हुकुम काहीं जरूर मनिहा, एसे हम तोंहईं इआ चिट्ठी लिख रहेन हय, अउर हम इहव जानित हएन, कि जउन हम तोंहईं कहित हएन, ओही तूँ ओहू से बढ़िके करिहा।

इब्रानियन 10:35

एसे तूँ पंचे हिम्मत न हारा, बिसुआस माहीं बने रहा, काहेकि तोंहईं पंचन काहीं एखर भरपूर प्रतिफल मिली।

इब्रानियन 12:2

अउर बिसुआस के सुरुआत करँइ बाले, अउर ओही परिपूर्न करँइ बाले, यीसु के ऊपर हम पंचे ध्यान लगाए रही; जे उआ खुसी के खातिर जउन उनखे आँगे धरी रही हय, सरम के कउनव परबाह नहीं किहिन, अउर क्रूस के सजा काहीं सहि लिहिन, अउर जाइके परमातिमा के दहिने कइती सिंहासन माहीं बइठिगें हँय।

1 पतरस 5:10

अउर अब परमातिमा जउन अनन्त किरपा के सोता आहीं। उँइन तोंहईं मसीह के द्वारा अपने अनन्त महिमा माहीं बोलाइन हीं, तोंहईं थोरी देर तक दुख भोगे के बाद, खुदय तोंहईं बिसुआस माहीं मजबूत, स्थिर, अउर बलमान कइ देइहँय।

2 पतरस 3:10

पय प्रभू के दुसराय आमँइ के दिन, चोर कि नाईं अचानक आय जई, अउर उआ दिन भयंकर गरजन के साथ अकास हेराय जई, अउर अकास के सगली चीजँय, आगी माहीं जरिके नास होइ जइहँय। अउर इआ धरती, अउर एखे ऊपर के सगले काम जरि जइहँय।