फिलिप्पियन 1:4 - Bagheli Bible

⁴ अउर जब-जब हम प्राथना करित हएन, त तोंहरे खातिर बड़े आनन्द के साथ प्राथना करित हएन।

फिलिप्पियन 1:4 Iomraidhean Croise

मरकुस 5:5

उआ मनई लगीतार रातव-दिन कब्रन के जघा माहीं अउर पहारन माहीं खुब चिल्लात रहा हय, अउर खुद काहीं पथरन से मारिके घायल कइ लेत रहा हय।

लूका 15:10

हम तोंहसे कहित हएन; कि इहइमेर से जब एकठे मनई पाप करब छोंड़िके परमातिमा के बचन माहीं चलत हय, तब ओखे बारे माहीं स्वरग माहीं परमातिमा के आँगे, स्वरगदूतन माहीं आनन्द मनाबा जात हय।”

लूका 15:7

हम तोंहसे कहित हएन, कि इहइमेर से जब कउनव मनई पाप करब छोंड़िके परमातिमा के बचन माहीं चलत हय, तब ओखे बारे माहीं स्वरग माहीं इहइमेर आनन्द मनाबा जात हय, बलकिन निन्यान्नबे धरमिन के बारे माहीं, एतना आनन्द नहीं मनाबा जाय, काहेकि उनहीं पुनि मन फिरामँइ के जरूरत नहिं आय।”

रोमियन 1:9

अउर परमातिमा के सेबा हम अपने पूरे मन से उनखे लड़िका के खुसी के खबर काहीं सुनामँइ के बारे माहीं करित हएन, अउर उँइन हमार गबाह हें; कि हम तोंहईं पंचन काहीं लगीतार याद करत रहित हएन।

फिलिप्पियन 2:2

त हमार इआ आनन्द पूर करा, कि सब कोऊ एक मन रहा, अउर एक प्रेम माहीं बँधे रहा, अउर एक चित्त रहा, अउर एकय बिचार रक्खा।

फिलिप्पियन 3:18

अउर हम तोंहईं एसे बताइत हएन, कि खुब जने अइसन हें, जिनखर चाल-चलन निकहा नहिं आय, इआमेर के मनइन के चरचा हम तोंहसे कइअक बेरकी कइ चुके हएन, अउर अबहिनव बड़े दुख के साथ बताइत हएन, कि ऊँ पंचे अपने बुरे चाल-चलन के व्दारा, मसीह के क्रूस माहीं बलिदान से इरखा रक्खत हें।

फिलिप्पियन 4:1

हे हमार पियार भाई-बहिनिव, तोंहरेन माहीं हमार जिव लगा रहत हय, काहेकि तुहिन हमार आनन्द अउर मुकुट आह्या, हे पियार भाई-बहिनिव, हम तोंहईं जइसन प्रभू के बारे माहीं बताएन हय, ओहिन माहीं अटल बने रहा।

कुलुस्सियन 2:5

काहेकि हम त तोंहसे दूरी हएन, तऊ आत्मिक रूप से हमार मन तोंहरे ऊपर लगा रहत हय, अउर हम तोंहरे जीबन माहीं अनुसासन अउर मसीह के ऊपर तोंहरे मजबूत बिसुआस काहीं देखिके प्रसन्न हएन।

1 थिस्सलुनीकियन 1:2

हम पंचे अपने प्राथना माहीं तोंहईं सुध करित हएन, अउर तोंहरे बारे माहीं हमेसा परमातिमा काहीं धन्यबाद देइत हएन।

फिलेमोन 1:7

हे भाई, तोंहरे द्वारा बिसुआसी भाई-बहिनिन के मन खुब आनन्द से भरिगें हँय, एसे तोंहरे इआ प्रेम काहीं देखिके, हमहीं खुब आनन्द अउर सान्ति मिली हय।

2 यूहन्ना 1:4

हम खुब खुसी भएन, कि हम तोंहरे कुछ लड़िका बिटिअन काहीं उआ हुकुम के मुताबिक, जउन हमहीं पंचन काहीं पिता परमातिमा के तरफ से मिला रहा हय, सत्य माहीं चलत पाएन हय।