फिलिप्पियन 1:30 - Bagheli Bible

³⁰ अउर खुसी के खबर के खातिर जइसन मेहनत करत हमहीं तूँ पंचे देखे हया, उहयमेर तुहूँ पंचे करा, अउर अबहिनव तूँ पंचे सुनते हया, कि हम उहयमेर मेहनत करित हएन।

फिलिप्पियन 1:30 Iomraidhean Croise

यूहन्ना 16:33

ईं बातन काहीं तोंहसे हम एसे कहेन हय, कि हमरे व्दारा तोंहईं सान्ती मिलय; संसार माहीं तोंहईं दुख मिलत हय, पय ढाढ़स बाँधा, हम संसार काहीं जीत लिहेन हय।”

फिलिप्पियन 1:13

इहाँ तक कि कैसर के राज के सगली सेना, अउर उनखे अलाबा सगले मनई इआ जानिगें हँय, कि हम मसीह के ऊपर बिसुआस किहे के कारन जेल माहीं हएन।

कुलुस्सियन 1:29

अउर एहिन के खातिर हम मसीह के दीन, उआ सक्ती से, जउन हमरे जीबन माहीं सामर्थ के साथ काम करत ही, तन मन लगाइके मेहनत घलाय करित हएन।

कुलुस्सियन 2:1

हम पवलुस इआ चाहित हएन, कि तोंहईं पंचन काहीं इआ पता चलय, कि हम, तोंहरे खातिर, अउर लौदीकिया सहर के रहँइ बालेन के खातिर, अउर उन सगले मनइन के खातिर, जउन हमहीं कबहूँ नहीं देखिन, उनहूँ के खातिर, हम केतनी कठिन मेहनत करित हएन।

1 थिस्सलुनीकियन 2:2

बलकिन तूँ पंचे त खुदय जनते हया, कि पहिले फिलिप्पी सहर माहीं दुख उठामँइ अउर उपद्रव सहे के बादव, हमार परमातिमा हमहीं पंचन काहीं अइसन हिम्मत दिहिन, कि हम पंचे परमातिमा के खुसी के खबर भारी बिरोध के बादव तोंहईं सुनाई।

1 तीमुथियुस 6:12

जउन बिसुआस तूँ प्रभू यीसु मसीह के ऊपर रखते हया, ओसे पीछे हटामँइ के खातिर खुब मुसीबत अइहँय, पय तूँ डँटे रह्या, जउने काहीं तूँ खुब गबाहन के आँगे अपनाया रहा हय, उआ अनन्त जीबन काहीं गमाय न दिहा, जउने काहीं पामँइ के खातिर परमातिमा तोंहईं चुनिन हीं।

2 तीमुथियुस 4:7

जइसन एकठे पहिलमान नेम से कुस्ती लड़िके जीतके इनाम पाबत हय, उहयमेर जउन काम परमातिमा हमहीं दिहिन रहा हय, ओही हम निकहा से पूर कइ चुकेन हय, अउर हम उआ काम काहीं पूरे बिसुआस के साथ किहेन हय।

इब्रानियन 12:1

जब परमातिमा के ऊपर बिसुआस करँइ बाले खुब मनइन के गबाही, हमरे पंचन के चारिव कइती मवजूद ही, इआ कारन से आबा, हमहूँ पंचे हरेक रोंकँइ बाली चीजन काहीं, अउर हरेक उलझामँय बाले पापन काहीं, अपने जीबन से दूर करी, जउन परमातिमा से दूरी लइ जात हें, अउर जउने मसीही दउड़ माहीं, हमहीं पंचन काहीं दउड़ँइ काहीं हय, ओही बड़े धीरज के साथ दउड़ी।

इब्रानियन 12:4

अउर तूँ पंचे पाप के बिरोध माहीं अइसन लड़ाई नहीं लड़े आह्या, कि तोंहईं पंचन काहीं आपन खून बहामँइ परा होय।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।