फिलिप्पियन 1:26 - Bagheli Bible

²⁶ अउर प्रभू के ऊपर हमरे मजबूत बिसुआस के कारन, तूँ पंचे हमरे बारे माहीं घमन्ड करते हया, उआ तोंहरे पंचन के लघे हमरे पुनि आमँइ से, मसीह यीसु माहीं अउर जादा बढ़ि जाय।

फिलिप्पियन 1:26 Iomraidhean Croise

यूहन्ना 16:22

अउर तोंहऊँ पंचन काहीं अबे त उहयमेर सोक हय, पय जब हम तोंहसे पुनि मिलब, त तूँ पंचे खुब आनन्दित होइहा; अउर तोंहरे आनन्द काहीं कोऊ छड़ाय नहिं सकय।

यूहन्ना 16:24

काहेकि तूँ पंचे अबे तक हमरे नाम से कुछू नहीं मागे आह्या; मगिहा त जरूर पइहा, जउने तोंहार आनन्द पूर होइ जाय।

2 कुरिन्थियन 1:14

जइसन तोंहरे पंचन म से कुछ जने मानिव लिहिन ही, कि हम पंचे तोंहरे घमन्ड करँइ के कारन हएन; उहयमेर प्रभू यीसु के न्याय करँइ के दिन, तुहूँ पंचे घलाय हमरे पंचन के खातिर घमन्ड के कारन ठहरिहा।

2 कुरिन्थियन 5:12

हम पंचे तोंहरे पंचन के सामने पुनि आपन कउनव बड़ाई नहीं कइ रहे आहेन। बलकिन तोंहईं पंचन काहीं एकठे मोका दइ रहेन हय, कि हमरे पंचन के बारे माहीं, घमन्ड कइ सका, अउर उनहीं जबाब दइ सका जउन अपने हिरदँय के बातन माहीं नहीं, बलकिन देखावटी बातन के ऊपर घमन्ड करत हें।

2 कुरिन्थियन 7:14

काहेकि तीतुस के आँगे हम तोंहरे पंचन के बारे माहीं, जउन घमन्ड देखायन तय, त हमहीं लज्जित नहीं होंय परा, बलकिन जइसन हम तोंहसे पंचन से सही-सही बात बतायन तय, उहयमेर हमार पंचन के घमन्ड देखाउब, तीतुस के आँगे सही निकरा हय।

2 कुरिन्थियन 7:4

अउर हम तोंहसे पूरे बिसुआस के साथ कहि रहेन हय, कि हमहीं तोंहरे पंचन के ऊपर बड़ा घमन्ड हय; अउर हमहीं तोंहरे कारन बड़ी सान्ती मिली हय; हम हरेकमेर के दुख-मुसीबतन काहीं सहत रहित हएन, तऊ हम खुब आनन्दित रहित हएन।

2 कुरिन्थियन 7:6

पय दीन-दुखिअन काहीं ढाढ़स देंइ बाले परमातिमा, तीतुस काहीं हमरे पंचन के लघे पहुँचाइके, हमरव पंचन के ढाढ़स बढ़ाइन हीं।

गलातियन 6:4

एसे तोंहरे पंचन म से हरेक जन, अपने-अपने कामन के जाँच-परताल कइ लेय, अउर जब अपने कामन के जाँच कइ लेई, तब ओही दुसरेन के बारे माहीं नहीं, बलकिन अपनेन निकहे कामन के बारे माहीं घमन्ड करँइ के मोका मिली।

फिलिप्पियन 3:1

एसे हे हमार भाई-बहिनिव, प्रभू माहीं आनन्दित रहा, अउर तोंहरे कुसलता के खातिर उँइन बातन काहीं बेर-बेर लिखँइ माहीं, हमहीं कउनव कस्ट नहीं होय।

फिलिप्पियन 3:3

काहेकि खतना बाले त हमहिन पंचे आहेन, जउन पबित्र आत्मा के अँगुआई से परमातिमा के अराधना करित हएन, अउर मसीह यीसु के ऊपर घमन्ड करित हएन, अउर देंह से जुड़ी बातन के ऊपर भरोसा नहीं रक्खी।

फिलिप्पियन 4:10

हम प्रभू माहीं खुब आनन्दित हएन, कि अब एतने दिना के बाद तोंहार पंचन के हमरे बारे माहीं मदत करँइ के बिचार पुनि आबा हय; अउर हम जानित हएन, कि तोंहार पंचन के इआ बिचार सुरुआतय से रहा हय, पय तोंहईं पंचन काहीं एखर मोकय नहीं मिला।

फिलिप्पियन 4:4

तूँ पंचे प्रभू माहीं हमेसा आनन्दित रहा; इहय बात काहीं हम पुनि कहित हएन, प्रभू माहीं आनन्दित रहा।