फिलिप्पियन 1:21 - Bagheli Bible

²¹ काहेकि हमरे खातिर जिन्दा रहब मसीह हय, अउर मरिव जाँइ से फायदय हय।

फिलिप्पियन 1:21 Iomraidhean Croise

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

1 कुरिन्थियन 3:22

चाह पवलुस होय, चाह अपुल्लोस होय, चाह पतरस होय, चाह संसार के सगली चीजँय होंय, चाह तूँ पंचे जिन्दा रहा, चाह मरिजा, चाह इआ समय के बातँय होंय, अउर चाह भबिस्य के बातँय होंय, सब कुछू तोंहरे पंचन के भलाइन के खातिर आय।

2 कुरिन्थियन 5:1

काहेकि हम पंचे जानित हएन, कि हमार पंचन के तम्बू, अरथात इआ देंह जउने माहीं हम पंचे इआ धरती माहीं रहित हएन, गिराय दीन जई। त हमहीं पंचन काहीं परमातिमा के द्वारा, स्वरग माहीं एकठे अइसन घर दीन जई, जउन हमेसा बना रही। काहेकि उआ मनइन के हाँथे से बनाबा न होई।

2 कुरिन्थियन 5:6

एसे हम पंचे हमेसा ढाढ़स बाँधे रहित हएन, अउर इआ जानित हएन, कि जब तक हम पंचे इआ देंह माहीं रहि रहेन हय, तब तक प्रभू से दूर हएन।

2 कुरिन्थियन 5:8

हमहीं पंचन काहीं इआ पूर बिसुआस हय। एहिन से हम पंचे इआ देंह काहीं छोंड़िके, प्रभू के लघे रहब जादा निकहा समझित हएन।

गलातियन 2:20

अउर हम मसीह के साथ क्रूस माहीं चढ़ाए गए हएन, अउर हम अब से जिन्दा नहीं रहि गएन, बलकिन मसीह हमरे भीतर जिन्दा हें। अउर अब हम देंह माहीं जउन जिन्दा हएन, उआ केबल परमातिमा के लड़िका के ऊपर बिसुआस किहे के कारन जिन्दा हएन, जउन हमसे एतना प्रेम किहिन, कि खुद काहीं हमरे खातिर बलिदान कइ दिहिन हीं।

गलातियन 6:14

पय हम पंचे केबल प्रभू यीसु मसीह के क्रूस के बलिदान माहीं घमन्ड करी, कउनव दुसरे बात माहीं नहीं, जउने के व्दारा हम संसार के खातिर मर गएन हय, अउर संसार हमरे खातिर।

फिलिप्पियन 1:20

हम हिरदँय से इहय आसा अउर बिसुआस रक्खित हएन, कि हम कउनव बात माहीं लज्जित न होई, बलकिन हमरे बड़े साहस के कारन मसीह के बड़ाई होय, जइसन हमरे देंह के व्दारा हमेसा होत रही हय, उहयमेर अबहिनव होय, चाह हम जिन्दा रही, चाह मर जई।

फिलिप्पियन 1:22

पय अगर इआ देंह माहीं हमार जिन्दा रहब, हमरे काम के खातिर फायदेमन्द हय, त हम नहिं जाने पाई, कि हम केही चुनी।

फिलिप्पियन 1:23

काहेकि हम दोनव के बीच माहीं अधबीचे माहीं लटके हएन; एक मन त लागत हय, कि इआ दुनिया से कूँच कइके मसीह के लघे चले जई, काहेकि इआ हमरे जीबन के खातिर खुब निकहा हय।

फिलिप्पियन 2:21

काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय।

कुलुस्सियन 3:4

अउर मसीह जउन हमार पंचन के जीबनदाता आहीं, जब ऊँ दुसराय प्रगट होइहँय, तब तुहूँ पंचे उनखे साथ महिमा समेत प्रगट कीन जइहा।

दरसनन के बातँय 14:13

पुनि हम स्वरग से इआ बोल सुनेन, “लिखा, जउन मनई प्रभू के ऊपर बिसुआस कइके मरत हें, ऊँ पंचे अब से धन्य हें।” अउर पबित्र आत्मा कहत हें, “हाँ, अब से ऊँ पंचे अपने सगले मेहनत से अराम पइहँय, काहेकि उनखर काम उनखे साथ होइ लेत हें।”