फिलिप्पियन 1:20 - Bagheli Bible

²⁰ हम हिरदँय से इहय आसा अउर बिसुआस रक्खित हएन, कि हम कउनव बात माहीं लज्जित न होई, बलकिन हमरे बड़े साहस के कारन मसीह के बड़ाई होय, जइसन हमरे देंह के व्दारा हमेसा होत रही हय, उहयमेर अबहिनव होय, चाह हम जिन्दा रही, चाह मर जई।

फिलिप्पियन 1:20 Iomraidhean Croise

यूहन्ना 21:19

यीसु ईं बातन से बताय दिहिन, कि पतरस कइसन मउत से परमातिमा के बड़ाई करिहँय; अउर इआ कहे के बाद समौन से कहिन, “हमरे पीछे चलत रहा।”

खास चेलन 20:24

पय हम अपने प्रान काहीं कुछू नहीं समझी, कि ओही पियार जानी, बलकिन इआ, कि हम अपने दउड़ अउर उआ सेबकाई काहीं पूर करी, जउन हम परमातिमा के किरपा के खुसी के खबर के गबाही देंइ के खातिर प्रभू यीसु से पाएन हय।

खास चेलन 21:13

पय पवलुस जबाब दिहिन, कि तूँ पंचे का करते हया, रोइ-रोइके हमरे मन काहीं कमजोर करते हया, हम त प्रभू यीसु के नाम के खातिर यरूसलेम सहर म न केबल बाँधे जाँइन भर काहीं नहीं, बलकिन मरऊँ के खातिर तइआर हएन।

खास चेलन 4:31

जब ऊँ पंचे प्राथना कइ चुके, त उआ जघा जहाँ ऊँ पंचे एकट्ठा रहे हँय, डोलिगे, अउर ऊँ पंचे सगले जन पबित्र आत्मा से भरिगें, अउर परमातिमा के बचन साहस के साथ सुनाबत रहिगें।

रोमियन 12:1

हे भाई-बहिनिव, परमातिमा तोंहरे ऊपर जउन दया किहिन हीं, ओही सुधि देबाइके तोंहसे पंचन से बिनती करित हएन, कि अपने-अपने जीबन काहीं जिन्दा, अउर पबित्र, अउर परमातिमा काहीं प्रसन्न करँइ बाले बलिदान के रूप माहीं समरपित कइ द्या, तोंहार पंचन के परमातिमा के सेबा करँइ के सही तरीका इहय आय।

रोमियन 5:5

अउर उआ आसा हमहीं पंचन काहीं निरास नहीं होंय देय, काहेकि जउन पबित्र आत्मा हमहीं पंचन काहीं दीन ग हय, उहय पबित्र आत्मा के द्वारा परमातिमा के प्रेम हमरे पंचन के हिरदँय माहीं बहुतायत से डारा ग हय।

रोमियन 6:13

अउर अपने देंह के अंगन काहीं, अधरम के सेबा के खातिर अरथात बुरे कामन काहीं करँइ के खातिर पाप काहीं न सउँपा, बलकिन अपने-आप काहीं मरेन म से जिन्दा होइ जाँइ बाला समझिके परमातिमा काहीं सउँपि द्या, अउर अपने देंह के अंगन काहीं धारमिकता के कामन काहीं करँइ के साधन के रूप माहीं परमातिमा काहीं सउँपि द्या।

रोमियन 6:19

अउर हम तोंहरे पंचन के देंह के निबल दसा होंइ के कारन, मनइन के रीति के मुताबिक कहित हएन, कि जइसन तूँ पंचे अपने देंह के अंगन काहीं, कुकर्म करँइ के खातिर, अउर असुद्धता अउर कुकर्म के दास होंइ के खातिर घलाय सउँपि दिहा तय, उहयमेर अब अपने अंगन काहीं पबित्र होंइ के खातिर, परमातिमा के नजर माहीं जउन निकहे काम हें, उनखर दास के रूप माही सउँपि द्या।

रोमियन 8:19

काहेकि इआ सगला संसार बड़ी आसा लगाए, उआ समय के इन्तजार कइ रहा हय, जब परमातिमा के सन्तानन काहीं प्रगट कीन जई।

रोमियन 9:33

जइसन पबित्र सास्त्र माहीं लिखा हय; “परमातिमा कहिन हीं, कि ‘देखा हम सिय्योन माहीं ठेस लागँइ के एकठे पथरा, अउर ठोकर खाँय के चट्टान धरित हएन; अउर जे कोऊ ओखे ऊपर बिसुआस करी, उआ कबहूँ लज्जित न होई’।”

1 कुरिन्थियन 15:31

हे भाई-बहिनिव, हम अपने प्रभू यीसु मसीह माहीं तोंहरे खातिर जउन घमन्ड करित हएन, ओहिन के कसम खाइके कहित हएन, कि हम रोज मउत के खतरा के सामना करित हएन।

1 कुरिन्थियन 6:20

काहेकि परमातिमा दाम चुकाइके तोहईं पंचन काहीं खरीद लिहिन हीं, एसे तूँ पंचे अपने देंह के द्वारा परमातिमा के बड़ाई करा।

1 कुरिन्थियन 7:34

अउर जउन मेहेरिआ आपन काज कइ लेत ही, अउर जउन आपन काज नहीं करय, ऊँ दोनव माहीं फरक हय। काहेकि जउन आपन काज नहीं करय, त उआ प्रभू के बातन के बारे माहीं फिकिर करत रहत ही, कि हम अपने देंह अउर आत्मा दोनव माहीं कइसन पबित्र रही, पय जउन आपन काज करत ही, त उआ संसारिक बातन के बारे माहीं फिकिर करत रहत ही, कि हम अपने मंसेरुआ काहीं कइसन खुस रक्खी।

2 कुरिन्थियन 10:8

काहेकि अगर हम उआ अधिकार के बारे माहीं अउर जादा घमन्ड देखाई, जउने काहीं प्रभू हमहीं दिहिन हीं। त उआ तोंहईं पंचन काहीं आत्मिक रूप से मजबूत बनामँइ के खातिर आय, बिगाड़ँइ के खातिर न होय, एसे हम उआ अधिकार से लज्जित न होब।

2 कुरिन्थियन 3:12

इहय आसा के कारन हम पंचे निडर होइके बोलित हएन।

2 कुरिन्थियन 4:10

हम पंचे अपने देंह माही दुख-मुसीबत काहीं सहिके, यीसु के मउत माहीं भागीदार बन जइत हएन; कि जउने यीसु के जीबन हमरे पंचन के देंहन से साफ- साफ देखाई देय।

2 कुरिन्थियन 5:15

अउर यीसु मसीह इहय कारन से सगले मनइन के खातिर मरे हँय, कि जउने जेतने मनई जिअत हें, ऊँ पंचे अब से अपने खातिर न जिअँइ, बलकिन यीसु मसीह के खातिर जिअँइ, जउन मरिके पुनि जिन्दा होइगे हँय।

2 कुरिन्थियन 7:14

काहेकि तीतुस के आँगे हम तोंहरे पंचन के बारे माहीं, जउन घमन्ड देखायन तय, त हमहीं लज्जित नहीं होंय परा, बलकिन जइसन हम तोंहसे पंचन से सही-सही बात बतायन तय, उहयमेर हमार पंचन के घमन्ड देखाउब, तीतुस के आँगे सही निकरा हय।

2 कुरिन्थियन 7:4

अउर हम तोंहसे पूरे बिसुआस के साथ कहि रहेन हय, कि हमहीं तोंहरे पंचन के ऊपर बड़ा घमन्ड हय; अउर हमहीं तोंहरे कारन बड़ी सान्ती मिली हय; हम हरेकमेर के दुख-मुसीबतन काहीं सहत रहित हएन, तऊ हम खुब आनन्दित रहित हएन।

फिलिप्पियन 1:14

अउर प्रभू के ऊपर बिसुआस करँइ बाले जउन भाई हें, उनमा से जादा से जादा हमरे जेल माहीं होंइ के कारन, साहस के साथ, परमातिमा के बचन अउर निधड़क होइके सुनामँइ के हिम्मत करत हें।

फिलिप्पियन 2:17

अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय।

कुलुस्सियन 1:24

अउर जउन दुख-मुसीबत हम तोंहरे पंचन के खातिर उठाइत हएन, उनखे कारन हम आनन्दित होइत हएन, अउर मसीह के देंह अरथात मसीही मन्डली के खातिर मसीह के यातनन माहीं जउन कुछ कमी रहिगे तय, ओही हम अपने देंह माहीं पूर कए देइत हएन।

1 थिस्सलुनीकियन 5:23

सान्ति देंइ बाले परमातिमा खुदय तोंहईं पूरी तरह से पबित्र करँय; अउर तोंहार आत्मा, प्रान अउर देंह हमरे पंचन के प्रभू यीसु मसीह के आमँइ तक, पूर-पूर निरदोस अउर सुरच्छित रहय।

1 पतरस 4:16

पय अगर मसीह के ऊपर बिसुआस किहे के कारन, दुख पाबत हय, त उआ लज्जित न होय, बलकिन इआ बात के खातिर परमातिमा के बड़ाई करय।

1 यूहन्ना 2:28

एसे हे पियार लड़िकव, मसीह माहीं बने रहा; कि जब ऊँ प्रगट होंय, त हमहीं पंचन काहीं साहस होय, अउर जब यीसु मसीह दुसराय आमँय, त उनखे आँगे हमहीं पंचन काहीं सरमिन्दा न होंय परय।