फिलिप्पियन 1:17 - Bagheli Bible

¹⁷ पय अउर कुछ जने त सच्चाई के साथ नहीं, बलकिन अपने सोरथ के खातिर मसीह के प्रचार करत हें, काहेकि ऊँ पंचे इआ सोचत हें, कि इआमेर कइके हमरे खातिर जेल माहीं कस्ट पइदा कइ सकत हें।

फिलिप्पियन 1:17 Iomraidhean Croise

लूका 21:14

एसे अपने-अपने मन माहीं ठान लिहा, कि हम पंचे पहिलेन से जबाब देंइ के खातिर चिन्ता न करब।

खास चेलन 22:1

“हे भाई-बहिनिव, अउर बाप के समान बुजुरगव हमार जबाब सुना, जउन अब हम तोंहरे आँगे कहित हएन।”

खास चेलन 26:1

राजा अग्रिप्पा पवलुस से कहिन; “तोंहईं अपने बारे माहीं बोलँइ के छूट ही।” तब पवलुस आपन हाँथ उठाइके जबाब देंइ लागें।

खास चेलन 26:24

जब ऊँ इआमेर से जबाब देत रहे हँय, तब हाकिम फेस्तुस खुब चन्डे कहिन; “हे पवलुस, तूँ पागल होइ गया हय, खुब बिद्या तोंहईं पागल कइ दिहिस ही।”

रोमियन 2:8

पय जउन मनई स्वार्थी हें, अउर सत्य के बिरोध करत अधरम माहीं चलत हें, उनहीं परमातिमा से कठोर सजा मिली।

फिलिप्पियन 1:18

त एसे का भ? कि हम जेल माहीं हएन, इआ जानिके, कि चाह हमरे बिरोध माहीं, चाह सच्चाई से, मसीह के कथा त सुनाई जात ही, एसे हम आनन्दित हएन, अउर हमेसा आनन्दित रहबव करब।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 2:3

आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

1 तीमुथियुस 2:7

हम बेलकुल सही कहित हएन, लबरी नहीं बोली, हम इहय खुसी के खबर सुनामँइ के खातिर, यीसु मसीह के पठए खास चेला आहेन, अउर गैरयहूदी लोगन काहीं, परमातिमा के ऊपर बिसुआस करँइ के सत्य बचन के उपदेस सुनामँइ के खातिर, हम चुने गएन हँय।

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।

2 तीमुथियुस 4:16

सुरू माहीं जब हम आपन बचाव करँइ के खातिर, सबूत देंइ लागेन, तब हमरे पच्छ माहीं बोलँइ के खातिर कोऊ आँगे नहीं आबा, बलकिन ऊँ पंचे हमहीं अकेले छोंड़ि दिहिन तय। हम प्राथना करित हएन, कि परमातिमा उनखे इआ गलती काहीं माफ करँय।