फिलिप्पियन 1:16 - Bagheli Bible

¹⁶ अउर ईं पंचे इआ जानिके, कि परमातिमा हमहीं खुसी के खबर के बारे माहीं मनइन काहीं सही जबाब देंइ के खातिर चुनिन हीं, एसे ऊँ पंचे बड़े प्रेम के साथ खुसी के खबर के प्रचार करत हें।

फिलिप्पियन 1:16 Iomraidhean Croise

1 कुरिन्थियन 9:17

काहेकि अगर हम अपने मरजी से इआ काम करित हएन, त इनाम पामँइ के हकदार हएन, पय अगर अपने मरजी से नहीं करी, तऊ खुसी के खबर के प्रचार करँइ के जबाबदारी हमहीं सउँपी गे ही।

2 कुरिन्थियन 2:17

काहेकि हम पंचे ऊँ खुब मनइन कि नाईं नहिं आहेन, जउन खुद के फायदा के खातिर परमातिमा के बचन माहीं मिलाबट कइके प्रचार करत हें, बलकिन हम पंचे अपने सच्चे मन से, परमातिमा के तरफ से, अउर परमातिमा काहीं हाजिर जानिके, मसीह के प्रचार करित हएन।

फिलिप्पियन 1:10

इहाँ तक कि तूँ पंचे मसीह के उत्तम से उत्तम बातन काहीं पियार जाना, अउर मसीह के दिन तक सच्चे बने रहा; अउर बिसुआस से भटकँय न पाबा।

फिलिप्पियन 1:12

हे बिसुआसी भाई-बहिनिव, हम चाहित हएन, कि तूँ पंचे इआ जानिल्या, कि जउन हमरे ऊपर बीता हय, ओसे खुसी के खबर के बढ़ोत्तरिन भे ही।

फिलिप्पियन 1:5

काहेकि तूँ पंचे जब से खुसी के खबर सुने हया, तब से लइके आज तक खुसी के खबर के प्रचार करँइ माहीं हमरे साथ सामिल रहे हया।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 2:22

पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं।

फिलिप्पियन 4:15

अउर हे फिलिप्पी सहर के मसीही मन्डली के बिसुआसी भाई-बहिनिव, तूँ पंचे खुदय जनते हया, कि जब हम खुसी के खबर के प्रचार करब सुरू किहेन तय, अउर मकिदुनिया सहर से चल दिहेन तय, तब तोंहईं पंचन काहीं छोंड़िके, अउर कउनव मसीही मन्डली के मनई लेन-देन के बारे माहीं हमार मदत नहीं किहिन तय।

फिलिप्पियन 4:3

अउर हे हमार सच्चे सहकर्मी हम तोंहऊँ से अनुरोध करित हएन, कि तूँ उन मेहेरिअन के मदत किहा, काहेकि ऊँ पंचे क्लेमेंस अउर हमरे साथ माहीं काम करँइ बालेन के साथय, खुसी के खबर के प्रचार करँइ माहीं बड़ी मेहनत किहिन हीं, इनखर नाम जीबन के किताब माहीं लिख लीनगे हँय।