फिलिप्पियन 1:15 - Bagheli Bible

¹⁵ अउर कुछ मनई त हमसे डाह अउर दुसमनी के कारन मसीह के प्रचार करत हें, अउर कुछ जने निकहे मन से मसीह के प्रचार करत हें।

फिलिप्पियन 1:15 Iomraidhean Croise

मत्ती 23:5

अउर ऊँ पंचे अपने सगले कामन काहीं, मनइन क देखामँइ के खातिर करत हें: अउर ऊँ पंचे अपने तहबीजन अउर ओन्हन के झालरन काहीं, एसे बड़ी से बड़ी करत रहत हें, कि जउने मनई उनहीं धरमी समझँय।

खास चेलन 10:36

जउन बचन परमातिमा इजराइलिअन के लघे पठइन, जबकि ऊँ यीसु मसीह के द्वारा (जउन सगले मनइन के प्रभू आहीं) सान्ति के खुसी के खबर सुनाइन।

खास चेलन 11:20

पय ऊँ बिसुआसिअन म से कुछ जने, कुप्रुस सहर के अउर कुरेन सहर के रहँइ बाले रहे हँय, जउन अन्ताकिया सहर माहीं आइके यूनानी जाति के मनइन काहीं घलाय, प्रभू यीसु के खुसी के खबर काहीं सुनामँइ लागें।

खास चेलन 5:42

अउर रोज मन्दिर माहीं अउर घर-घर माहीं उपदेस करँइ से, अउर इआ बात के खुसी के खबर सुनामँइ से, कि यीसुअय मसीह आहीं, नहीं रुकें।

खास चेलन 8:35

तब फिलिप्पुस बताउब सुरू किहिन, अउर इहय सास्त्र से सुरू कइके, उनहीं यीसु के खुसी के खबर सुनाइन।

खास चेलन 8:5

अउर फिलिप्पुस सामरिया सहर माहीं जाइके उहाँ के मनइन के बीच माहीं मसीह के प्रचार करँइ लागें।

खास चेलन 9:20

अउर ऊँ हरबिन यहूदी सभाघरन माहीं जाइके प्रचार करँइ लागें, कि “यीसु परमातिमा के लड़िका आहीं।”

रोमियन 2:8

पय जउन मनई स्वार्थी हें, अउर सत्य के बिरोध करत अधरम माहीं चलत हें, उनहीं परमातिमा से कठोर सजा मिली।

1 कुरिन्थियन 1:23

पय हम पंचे त क्रूस माहीं चढ़ाए मसीह के प्रचार करित हएन, अउर यहूदी लोग इआ बिसुआस नहीं करँय, कि मसीह मनइन के पापन के माफी के खातिर क्रूस माहीं मरे हें, एसे ऊँ पंचे इआ खुसी के खबर काहीं सुनिके क्रोधित होइ जात हें, अउर गैरयहूदी लोग, इआ बात काहीं मूर्खता समझत हें, कि मसीह मनइन के पापन के माफी के खातिर क्रूस माहीं मरे हें।

1 कुरिन्थियन 13:3

अउर अगर हम आपन सगली धन-सम्पत गरीबन काहीं दान कइ देई, इआ कि अपने देंह काहीं दुसरे के भलाई के खातिर बलिदान कइ देई, अउर प्रेम न रक्खी, त हमहीं कउनव फायदा न होई।

2 कुरिन्थियन 1:19

काहेकि परमातिमा के लड़िका यीसु मसीह जिनखर हमरे पंचन के द्वारा, अरथात हमरे अउर सिलवानुस अउर तीमुथियुस के द्वारा तोंहरे पंचन के बीच माहीं प्रचार कीन ग हय; ओमाहीं “हाँ” अउर “न” दोनव नहीं रहा आय; बलकिन ओमा केबल “हाँ” भर रहा हय।

2 कुरिन्थियन 11:13

इआमेर के मनई लबरे उपदेसक अउर छल से काम करँइ बाले आहीं, जउन मसीह के खास चेला होंइ के ढोंग करत हें।

2 कुरिन्थियन 12:20

काहेकि हमहीं इआ बात के डेर हय, कि कहँव अइसा न होय, कि जब हम तोंहरे लघे अई, त जइसन तोंहईं पंचन काहीं हम पामँइ चाहित हएन, त उआमेर न पाई, अउर तुहूँ पंचे घलाय हमहीं जइसन पामँइ चहते हया, त उआमेर न पाबा। अउर हम इआ नहीं चाही, कि तोंहरे बीच माहीं, लड़ाई-झगड़ा होय, डाह होय, क्रोध होय, बिरोध होय, जलन होय, चुगली करब होय, घमन्ड होय, कउनव बात के बखेड़ा होय।

2 कुरिन्थियन 4:5

हम पंचे आपन प्रचार नहीं करी, बलकिन यीसु मसीह के प्रचार करित हएन, कि उँइन प्रभू आहीं, अउर हम पंचे अपने बारे माहीं त इहय कहित हएन, कि हम पंचे यीसु मसीह के कारन तोंहार पंचन के सेबक आहेन।

गलातियन 2:4

पय इआ, ऊँ झूँठे बिसुआसी लोगन के कारन भ, जउन सच्चे बिसुआसी लोगन के बीच माहीं भेद लेंइ के खातिर घुसि आएँ तय, कि उआ अजादी काहीं जउन हमहीं पंचन काहीं मसीह यीसु के व्दारा मिली हय, हमार पंचन के भेद लइके पुनि हमहीं पंचन काहीं गुलाम बनामँइ।

फिलिप्पियन 2:3

आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।