फिलिप्पियन 1:1 - Bagheli Bible

¹ प्रभू यीसु मसीह के सेबक पवलुस अउर तीमुथियुस के तरफ से इआ चिट्ठी, फिलिप्पी सहर माहीं रहँइ बाले मसीह यीसु के ऊपर बिसुआस करँइ बाले भाई-बहिनिन, अउर मसीही मन्डली के अँगुअन अउर सेबकन काहीं मिलय।

फिलिप्पियन 1:1 Iomraidhean Croise

मरकुस 13:34

मनई के लड़िका के आमँइ के बारे माहीं एकठे उदाहरन हम तोहईं बताइत हएन, एकठे मनई परदेस जाँइ के पहिले, आपन सगला घर अपने सगले दासन काहीं देख-भाल करँइ के खातिर बताइके: अउर हरेक दासन क काम बताइके, अउर चउकीदार काहीं जागत रहँइ काहीं कहिके चला ग।

यूहन्ना 12:26

अगर कोऊ हमार सेबा करय, त हमरे पीछे-पीछे चलय; अउर जहाँ हम रहब, उहँय हमार सेबा करँइ बाला घलाय रही; अगर कोऊ हमार सेबा करी, त पिता ओखर आदर करिहँय।

खास चेलन 1:20

काहेकि भजन संहिता माहीं इआ लिखा हय, कि “ओखर घर उजरि जाय, अउर ओमाहीं कोऊ न बसय, अउर ओखर पद कोऊ दूसर लइ लेय।”

खास चेलन 20:28

एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।

खास चेलन 9:13

तब हनन्याह उनहीं जबाब दिहिन, कि “हे प्रभू, हम इआ मनई के बारे माहीं खुब जनेन से सुने हएन, कि ईं यरूसलेम सहर माहीं अपना के पबित्र मनइन के साथ बड़ी-बड़ी बुराई किहिन हीं।

रोमियन 1:1

हम पवलुस जउन यीसु मसीह के दास आहेन, इआ चिट्ठी काहीं लिख रहेन हय, अउर परमातिमा हमहीं यीसु मसीह के खास चेला होंइ के खातिर बोलाइन हीं, कि जउने हम उनखे खुसी के खबर के प्रचार करी काहेकि परमातिमा हमहीं इहय काम के खातिर नियुक्त किहिन हीं।

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

1 कुरिन्थियन 16:10

अउर जब तीमुथियुस आय जाँय, त उनखे साथ अइसन बेउहार किहा, कि जउने ऊँ तोंहरे पंचन के लघे निडर होइके रहँय; काहेकि ऊँ हमरी कि नाईं प्रभू के सेबा करत हें।

2 कुरिन्थियन 1:1

हम पवलुस इआ चिट्ठी काहीं लिख रहेन हय, जउन परमातिमा के मरजी से यीसु मसीह के खास चेला आहेन, अउर इआ चिट्ठी हमरे अउर हमरे बिसुआसी भाई तीमुथियुस के तरफ से परमातिमा के मसीही मन्डली काहीं मिलय, जउन कुरिन्थुस सहर माहीं ही, अउर अखाया प्रदेस के सगले पबित्र भाई-बहिनिन काहीं घलाय मिलय।

गलातियन 1:10

का एसे तोंहईं पंचन काहीं अइसन लागत हय, कि हम मनइन काहीं प्रसन्न करँइ चाहित हएन? कि परमातिमा काहीं प्रसन्न करँइ चाहित हएन? पय तूँ पंचे इआ जानिल्या, कि अगर हम अबे तक मनइन काहीं प्रसन्न करत रहित, त मसीह के सेबक न होइत।

गलातियन 3:26

काहेकि तूँ पंचे सगले जन मसीह यीसु के ऊपर, बिसुआस किहे के कारन परमातिमा के सन्तान भया हय।

गलातियन 3:28

अब उनमा से न कोऊ यहूदी रहिगा, अउर न गैरयहूदी, न कोऊ नोकर रहिगा, न अजाद; न कोऊ मंसेरुआ रहिगा, न मेहेरिआ; काहेकि तूँ पंचे सगले जन मसीह यीसु माहीं एक होइ गया हय।

इफीसियन 1:1

हम पवलुस जउन परमातिमा के मरजी के मुताबिक यीसु मसीह के खास चेला आहेन, हम इआ चिट्ठी काहीं इफिसुस सहर माहीं रहँइ बाले, ऊँ पबित्र मनइन काहीं लिखित हएन, जउन मसीह यीसु के ऊपर बिसुआस करत हें।

इफीसियन 1:15

एसे जब से हम सुनेन हय, कि तूँ पंचे प्रभू यीसु के ऊपर बिसुआस करते हया, अउर सगले पबित्र मनइन से प्रेम करते हया।

इफीसियन 6:24

अउर जे कोऊ हमरे पंचन के प्रभू यीसु मसीह से सच्चा प्रेम करत हें, उन सगलेन के ऊपर परमातिमा के किरपा होत रहय।

फिलिप्पियन 2:19

अगर प्रभू यीसु के मरजी होई, त हम तीमुथियुस काहीं तोंहरे पंचन के लघे हरबिन पठउब, जउने ऊँ तोंहार हाल चाल लइके हमहीं आइके बतामँइ, अउर तोंहरे बारे माहीं जानिके हमरे मन काहीं सान्ति मिलय।

फिलिप्पियन 2:5

अउर जइसन मसीह यीसु के सुभाव रहा हय, उहयमेर तोंहरव पंचन के सुभाव होय।

फिलिप्पियन 3:12

एखर मतलब इआ नहीं, कि उआ पद काहीं हम पाय चुकेन, इआ कि हम पूर सिद्ध बन चुकेन हय; बलकिन उआ पद काहीं पामँइ के खातिर हम लगीतार कोसिस कइ रहेन हँय, जउने के खातिर मसीह यीसु हमहीं पकड़िन रहा हय।

फिलिप्पियन 3:3

काहेकि खतना बाले त हमहिन पंचे आहेन, जउन पबित्र आत्मा के अँगुआई से परमातिमा के अराधना करित हएन, अउर मसीह यीसु के ऊपर घमन्ड करित हएन, अउर देंह से जुड़ी बातन के ऊपर भरोसा नहीं रक्खी।

फिलिप्पियन 3:8

बलकिन हम अपने प्रभू मसीह यीसु के उत्तम बातन काहीं पहिचान लिहेन हय, इआ कारन से मूसा के बिधान के सगली बातन काहीं तुच्छ समझित हएन; अउर सगली चीजन काहीं कूरा-कचरा समझिके छोंडि दिहेन हय, जउने मसीह काहीं अपनाय सकी।

1 थिस्सलुनीकियन 1:1

पवलुस, सीलास, अउर तीमुथियुस के तरफ से थिस्सलुनीकी सहर के मसीही मन्डली के नाम चिट्ठी, जउन पिता परमातिमा अउर प्रभू यीसु मसीह काहीं मानत हें, उनहीं किरपा अउर सान्ती मिलत रहय।

1 थिस्सलुनीकियन 2:2

बलकिन तूँ पंचे त खुदय जनते हया, कि पहिले फिलिप्पी सहर माहीं दुख उठामँइ अउर उपद्रव सहे के बादव, हमार परमातिमा हमहीं पंचन काहीं अइसन हिम्मत दिहिन, कि हम पंचे परमातिमा के खुसी के खबर भारी बिरोध के बादव तोंहईं सुनाई।

2 थिस्सलुनीकियन 1:1

पवलुस अउर सीलास अउर तीमुथियुस के तरफ से थिस्सलुनीकी सहर के मसीही मन्डली के नाम चिट्ठी, जउन पिता परमातिमा अउर प्रभू यीसु मसीह के ऊपर बिसुआस माहीं स्थिर ही।

2 थिस्सलुनीकियन 1:10

इआ उहय दिन होई, जब प्रभू यीसु अपने पबित्र लोगन माहीं महिमा पामँइ के खातिर, अउर सगले जउन उनखे ऊपर बिसुआस करत हें, उनखे बीच माहीं अचरज के कारन होंइ के खातिर अइहँय; ओमाहीं तुहूँ पंचे सामिल होइहा, काहेकि तूँ पंचे हमरे गबाही के बिसुआस किहा हय।

1 तीमुथियुस 1:2

काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीमुथियुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमरे पंचन के प्रभू यीसु मसीह के तरफ से तोहईं किरपा, दया, अउर सान्ति मिलत रहय।

1 तीमुथियुस 3:8

उहयमेर मसीही मन्डली माहीं सेबा करँइ बालेन काहीं होंइ चाही, जिनखर लोग सम्मान करँय, उनहीं ढोंगी, पियक्कड़ अउर गलत कामन से पइसा कमाँय के बिचार रक्खँइ बाले न होंइ चाही।

तीतुस 1:1

हम पवलुस आहेन, हे तीतुस, इआ चिट्ठी हम तोंहईं लिख रहेन हँय, जउन परमातिमा के सेबक आहेन, अउर यीसु मसीह के चुने खास चेला आहेन, परमातिमा जिनहीं चुनिन हीं, ऊँ लोगन काहीं बिसुआस के बारे माहीं, अउर जउन सत्य बचन उनहीं भक्ती के मुताबिक, जीबन जिअँइ के खातिर मदत करत हय, उआ सिखामँइ के खातिर हमहीं पठबा ग हय।

तीतुस 1:7

मसीही मन्डली के अध्यच्छ काहीं, जेही परमातिमा मसीही मन्डली के लोगन के देख-रेख करँइ के काम सउँपिन हीं, एसे उनहीं बेकसूर होंइ क चाही; अउर ऊँ अड्डी न होंय, अउर न गुस्सइल होंय, अउर न झगड़लुअय होंय, अउर न दारुअय पिअँइ बाले होंय, अउर गलत काम कइके पइसा कमाँय बाले न होंय।

फिलेमोन 1:1

हम पवलुस आहेन, अउर इआ चिट्ठी काहीं लिख रहेन हँय, जउन मसीह यीसु के कारन जेल माहीं हएन, हमरे तरफ से अउर भाई तीमुथियुस के तरफ से, इआ चिट्ठी हमरे पंचन के साथ माहीं काम करँइ बाले पियार फिलेमोन,

इब्रानियन 13:23

अउर तूँ पंचे इआ जानिल्या, कि हमार पंचन के बिसुआसी भाई तीमुथियुस जेल से छूटिगे हँय, अउर अगर ऊँ हरबिन हमरे लघे आय जइहँय, त हम उनखे साथय तोंहसे मिलँय के खातिर अउब।

याकूब 1:1

परमातिमा के अउर प्रभू यीसु मसीह के दास याकूब के तरफ से, उन बरहँव कुलन काहीं, जउन सगले संसार माहीं तितर-बितर होइके रहत हें, नबस्कार पहुँचय।

1 पतरस 2:25

काहेकि तूँ पंचे पहिले भटकी गड़रन कि नाईं रहे हया, पय अब अपने प्रान के रखबारी करँइ बाले, अउर मुखिया, अरथात परमातिमा के लघे पुनि आय गए हया।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

यहूदा 1:1

हम यहूदा आहेन, अउर इआ चिट्ठी काहीं लिख रहेन हय, जउन यीसु मसीह के दास अउर याकूब के भाई आहेन, इआ चिट्ठी हम उनखे खातिर लिख रहेन हय, जिनहीं पिता परमातिमा बोलाइन हीं, अउर जिनसे प्रेम करत हें, अउर उनखर यीसु मसीह के खातिर रखबारी करत हें।

दरसनन के बातँय 1:1

परमातिमा आपन प्रकासन यीसु मसीह काहीं एसे दिहिन, कि ऊँ अपने दासन काहीं ऊँ बातँय देखामँय, जिनखर हरबिन होब जरूरी हय, अउर ऊँ अपने स्वरगदूत काहीं पठइके उनखे द्वारा अपने दास यूहन्ना काहीं बताइन,

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”

दरसनन के बातँय 19:10

तब हम उनखे गोड़न गिरँय के खातिर, उनखे गोड़े माहीं गिर परेन। तब ऊँ हमसे कहिन, “देखा, अइसा न करा, हमहूँ तोंहरेन कि नाईं, अउर तोंहरे भाइन कि नाईं, जउन यीसु के गबाही देंइ के खातिर स्थिर हें, मसीह के दास आहेन, तूँ पंचे परमातिमय के गोड़न गिरा; काहेकि जे कोऊ यीसु के बारे माहीं गबाही देत हें, उनहीं पंचन काहीं परमातिमा के सँदेस बतामँइ बालेन कि नाईं, परमातिमा से प्रेरना मिलत ही।”

दरसनन के बातँय 2:12

पिरगमुन के मसीही मन्डली के दूत काहीं इआ लिखा, कि “जिनखे लघे दुइ धार बाली निकही चोंख तलबार ही, ऊँ इआ कहत हें, कि

दरसनन के बातँय 2:8

इसमुरना के मसीही मन्डली के दूत काहीं इआ लिखा, कि “जउन पहिल अउर अन्तिम आहीं; जउन मरिगें तय अउर अब जिन्दा होइगे हँय, ऊँ इआ कहत हें, कि

दरसनन के बातँय 22:9

पय ऊँ हमसे कहिन, “देखा, अइसा न करा, काहेकि हम तोंहार, अउर तोंहरे भाई परमातिमा के सँदेस बतामँइ बालेन के, अउर इआ किताब के बातन काहीं मानँइ बालेन के संगी दास आहेन। तूँ केबल परमातिमय भर के गोड़न गिरा।”