ZYAŊ 1:1 - Bafia Nouveau Testament

¹ A rìtumɛ̀n, Jɛ̀ɛ̀ ì ɓaghà, nni Jɛ̀ɛ̀ ì ɓaghà ɓɛɛ̀ Bɛ̀ll, Jɛ̀ɛ̀ ì ki ɓaghà Bɛ̀ll.

ZYAŊ 1:1 Iomraidhean Croise

MATYOO 1:23

Ghɛna! Gɔ̀n ì giɓ ìnɛ ì ka yi ɓi ɓɛbaŋì ì ɓiì terì ɗyem, ì yay man à baŋì, ɓɛ roò nyi ɗii lɛ Emanuɛl; ɗii ɗìn ɗi ri azi lɛ: Bɛ̀ll rì ɓìsi.

LUKAS 24:53

Ɓɛ ɓaghà lɔŋ ɓi naà-Bɛ̀ll ɓyààmɛ̀n ɓìcèm, ɓɛ fafà Bɛ̀ll rìkem.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:18

Mum à ka ghɛngà ɓi Bɛ̀ll, lɔŋ m̀bobog à Man à Bɛ̀ll ànɛ à rì jàŋbog rì Seŋi yɛɛ kighà lɛ ɓɛɛ yi nyi.

ZYAŊ 1:2

I ɓaghà ɓɛɛ̀ Bɛ̀ll a rìtumɛ̀n.

ZYAŊ 16:28

M̀pɛ̀sɛ̀ngày yɛ̀ɛ Tààta, ǹ-yùy ɓi ziinɛ. Nni ɓigomìnɛ m̀pɛ̀sɛɛ ɓi ziinɛ, ǹsugtì yɛ̀ɛ Tààta.

ZYAŊ 17:5

Nni ɓigomìnɛ, Tààta wɔ̀ɔ̀ kemzi mɛ̀ jàŋbog rì wɛ̀ɛmiɗ, rì rìkem ɗi m̀ɓaghà rì ɗyɔ jàŋbog rì wɔ̀, di ziinɛ ì ka yin.

ZYAŊ 20:28

Tomas à ɓàg nyi lɛ: Kan wɛ̀m, rì Bɛ̀ll wɛ̀m!

ZYAŊ 8:58

Yeesus à kpaa ɓɔ lɛ: Mɛ̀ ǹkpaa mìni ɓi saaɗ lɛ, di Abiraham à ka yin, mɛ̀ m̀ɓaghà.

RÒMƐŊ 9:5

Ɓɛ ri dòò yi ɓɛseŋi ɓis ɓɛ ɓɛsɛ̀ɛ̀mɛn, fɔɔnnɛ Kiris, ɓi rìyalɛ̀n ɗii ɗi ɓi mɛ̀mùù, à rì ɓi boo yàà, nyi ànɛ à teŋmɛɛ à cee ɓyom ɓìcèm, à ki ɓa Bɛ̀ll ànɛ a keŋkem fiɗyàɓ fikɔ̀ɔ̀. Ààmɛ̀n.

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

FÌLÌPYƐŊ 2:6

Nyi ànɛ à ɓaghà yɛ̀ɛ Bɛ̀ll, à ghɛngà ɓi lɛ rìɓa ɗi lɛ, rì nyi rì Bɛ̀ll ɓɛɛ ɓa ǹɗɛli wufog, ɗi ri com ki à ghɛ̀ɛ̀sɛɛ kì sɔrii ɓi-tèɗ;

KÒLÒSYƐŊ 1:15

À rì kìfèèghrɛnà ki Bɛ̀ll ànɛ ɓum ɓɛ ghɛɛ ɓi, nyi tì Man à ǹtonto ànɛ ɓi ɓyom ɓìcèm ɓi Bɛ̀ll à kìghà.

KÒLÒSYƐŊ 1:17

Nnyɛɛ lokà kì ɓaà rì ɓyom ɓìcèm, fɔɔnnɛ ɓyom ɓìcèm ɓi rɛrɛlii lɛ nyi.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 13:8

Yeesus Kiris à rì lɔŋ com kìfog, yɛ̀ɛ rìŋkò, yɛ̀ɛ gɛɛ̀nɛ, à kpaŋ fìɗyàɓ fikɔ̀ɔ̀.

EBIREEGH 7:3

À rì kɛ̀ɛ̀ seŋi, kɛ̀ɛ̀ jɛɛ, kɛ̀ɛ̀ rìfuuyì; ɓɛ ɓuŋi ɓi kiɓan ki riyalɛ̀n ɗii, nsoò ki riwù ɗii jàŋ idɛŋ, à pisɛɛ Man à Bɛ̀ll ànɛ à rì lɔŋ pìrɛɛtìrɛ̀ fìɗyàɓ fikɔ̀ɔ̀.

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.

1 ZYAŊ 5:7

Ɓisuulɛ ɓɛ̀wusìnɛ̀ɗ ɓɛ ɓɛɛ̀ rèresi kiɓan kiǹ, ɓɛ ri ɓɛraa,

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 1:17

Yɛ̀ɛ ǹghɛngà nyi, nni ǹkpìghà nyi a mɛ̀kòò yɛ̀ɛ kìloŋ. À saghìghà mɛ̀ càg kii ki weèlem ɓi nyoo, à kpaa lɛ: Kɔ̀ɔ risi!

ÀPÒKÀLIƁSƐ̀ 1:2

Zyaŋ ànɛ̀n yɛɛ kalìghà ɓìɓan ɓìcèm ɓi à ghɛngà, fɔɔnnɛ à ghagsìghà jɛ̀ɛ̀ ì Bɛ̀ll rì ɓìɓan ɓi saaɗ ɓi Yeesus Kiris à rèsìghà nyi.

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 19:13

à rì ǹwaatɛn rìga ànɛ à rì bwaɓ ri bwaɓ, à ki rì ɗii lɛ jɛ̀ɛ̀ ì Bɛ̀ll.

ÀPÒKÀLIƁSƐ̀ 2:8

Kàna ŋwaà-fìtom anɛ ɓi Kìseŋi ki a Simirinɛ lɛ: Mum ànɛ à rì lɛ nyi ŋwaà ǹtonto, nyi ŋwaà siitòn, mum ànɛ à wughà à ki ghèmɓɛn, a kpaaghi fɛlɛ:

ÀPÒKÀLIƁSƐ̀ 21:6

Nni à kpaghà mɛ̀ lɛ ki leègh. Ǹɗì Alfà rì Òmegà, rìtumɛ̀n ɗì rìsugtɛ̀n. Ŋwaànɛ a wowog kinɔli, nnɛ ǹɗì ɓiì faà ǹsim à mɛ̀nig mɛ cɛɓ zɛy rì zɛy, kɛ̀ɛ kòòsɛn.

ÀPÒKÀLIƁSƐ̀ 22:13

Mɛ̀ yɛɛ ri Alfà rì Òmegà, ŋwaà ǹtonto rì ŋwaà siitòn, rìtumɛ̀n ɗì rìsugtɛ̀n.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ: