Kaàtà ànɛ Pol à kàngà TIT 3:2 - Bafia Nouveau Testament

² Ɓɛ̀ kɛɛ̀ wɛ̀ɗ mum, ɓɛ ghɛɛ̀sɛɛ kì ɓaà ɓum ɓɛ fyòoog, ɓɛ ɓa rì syeesyee à nɗem, ɓɛ ghɛɓ lɔŋ lɛ fyòoog rì ɓum ɓɛ̀cèm.

Kaàtà ànɛ Pol à kàngà TIT 3:2 Iomraidhean Croise

MATYOO 11:29

Foŋɗɛɛna ɓi kìɓèg kɛm̀, ɓì nɔ̀ɔ̀tì ɓìɓan ɓi nɗèrèsì, ɓisuulɛ, nɗem wɛ̀m wuri lɛ fyòoog, wu ki ɓa ti wu sɛɛ̀dɛn ɓi zi, fɔɔnnɛ mɛ̀ghay min mɛ̀ ri ɓiì ghɛɛ̀ rìfɔɔsɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 23:5

Nni Pol à ɓàkà ɓɔ lɛ: Ɓɔɔsoŋ̀, màa yii ɓi lɛ pìrɛɛtìrɛ̀ àgwey yɛɛ ri, lɛ ki ri kì kànɛn lɛ, kɔ̀ɔ sɛm rifòm ɗi ɓi kìlɔ̀ŋ kɔɔ.

1 KƆ̀RƐ̀ŊTYƐŊ 6:10

rì ɓɛ̀yiɓ ɓɛ ɓɛ ti ɓɛ kɔràg ri ɓɛ̀ro ɓɛ̀yiɓ nsoò lɛ ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì, à kɛ̀ɛ̀dì kìkpaŋì lɛ ɓɛ̀wiiwìì, rì ɓumɓɛ ɓɛ ri rì kìsee ki-kum, rì ɓɛ̀nɔɔ̀-mɛ̀rɔ̀g rì ɓɛ̀kìì-tìfena, à kpaŋ lɛ ɓɛ̀zyaàzyaa, ɓumɓɛ̀n ɓɛ̀cèm ɓaa ɓa ɓi ri gàɓ ɓi kìlɔ̀ŋ ki Bɛ̀ll.

1 KƆ̀RƐ̀ŊTYƐŊ 9:19

Ǹ-yin ǹkpàn a mum nsoò bog, kìɓan kifog, ǹghaasìghà mɛ̀ɛmiɗ ǹkpàn a ɓum ɓɛ̀cèm, lɛ di nsyoŋ kìgwey ki ɓi ɓɔ.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 12:20

Ɓisuulɛ ǹɗì rì mɛ̀riighrikì lɛ yɛ̀ɛ nkpaŋkpaŋ foo, kɛ̀ɛ mɓa lɛ, ǹtanɛ̀n mìni di ɓì yin ɓi nɗɛli wu nkɔ̀nkɔn lɛ ɓi ɓa miì. Nsoò lɛ mìni girig ɓì ghɛn mɛ̀ ɓi rìɓa ɗi ɗyɛ̀ kɛɛ̀ rɔɔ mini; fɔɔnnɛ nɗirisi lɛ: kɛ̀ ɓi ɓa ɓi ɓɛ̀paàzì, rì yɔ̀ɔ̀tì, rì kìnyɛn, rì tìkaŋ ti mɛkɔ̀ɔ̀, rì mɛ̀wɔ̀wɔrì, rì ɓɛ̀ɓɔlɛ, rì kalɛn, rì kìɓùùsì.

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 6:1

Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

GÀLAT 6:10

Fɔlɔɔ nnɛ ki ghɛɛ̀sɛɛ min lɛ cààmɛ̀n kìcèm ki ti ghɛɛ kìrɔŋiɗ, ti ki ɓum ɓɛ̀cèm kìrɔɔ, à ɓiìɓììsɛ̀n ɓɛ̀geni ɓis ɓɛ ɓi rìgherɛ̀n.

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

EFÈZYƐŊ 4:31

À tumɛɛ lɛ kìmìighmigtɛ̀n, kìnyɛn, bim, kìyoòyòò, mɛ̀wɔ̀wɔrì, rì rìgɛn mɛ̀kuu mɛ̀cèm, ɓi ghɛɛ̀sɛɛ kì lèegh ɓi nyìinyìm wìn.

FÌLÌPYƐŊ 4:5

Rìɓa ɗin ɗi tɛ̀tɛ̀rɛ̀ɛ̀ ɗi ghɛɛ̀sɛɛ lɛ ɓum ɓɛ̀cèm ɓɛɛ yi ɗyɔ; Kan à ti jàŋbog ɗì rìyù.

TÈSÀLÒNÌSYƐŊ 2:7

Wɔ̀lɛ tì ghɛɓkà ɓi nyìinyìm wìn rì nɗem wu tɛ̀tɛ̀rɛ̀ɛ̀ lɔŋ yɛ̀ɛ jɛɛ ɓɔn à ti à ɓègì ɓɔn ɓii.

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

ZYAG 4:11

Ɓɔɔsoŋ̀, kɛ̀ ɓi ɓùuɓuŋ̀ɗɛ̀n a mɓeɓɛn. Ŋwaànɛ à ɓùŋi geni a mɓeɓɛn nsoò lɛ à yɔ̀mi geni, a yi lɛ ɓìdɔ̀gsɛna ɓyɛɛ̀ɓi à tòogh kìɓe, à ki yɔ̀m ɓyɔ. Nni i wɔ̀ɔ̀ ti ɓiì yɔ̀myɔmi ɓidɔ̀gsɛna, di ù yiìdi mɓèŋì-ɓìdɔ̀gsɛna, ù ti ǹ-yɔ̀mì-ɓìdɔ̀gsɛna.

1 PYƐƐRI 2:1

Càrina min kiɓeɓtàg ki nɗem bee yicèm, rì ɓɛ̀pwàà, rì mɛ̀ghèy, rì m̀mììghrɛ̀n, rì mɛ̀wɔ̀wɔrì,

1 PYƐƐRI 3:10

Ɓisuulɛ ŋwaànɛ a kɔ̀nkɔn lɛ a keesi cɛɓ, à ghɛn mɛ̀ru mɛ kinyàà, à ghɛ̀ɛ̀sɛɛ kìɓèŋi ŋwɔm wii lɛ kɛ̀ɛ kpaakpaa ɓiɓan ɓi ɓeɓtɛn kɛ̀ɛ kì ɓɛ̀pwàà;

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

1 PYƐƐRI 4:4

Nni ɓigomìnɛ ɓumɓɛ ɓɛ yin ɓɛgherɛ̀n ɓɛɛ̀ kuukuùghràg yɛ̀ɛ ɓì nɔ̀ɔ̀tii tì ɓi ɓɔ ɓi coo kiɓeɓtàg ki cɛɓ kìn, fɔɔnnɛ ɓɛɛ̀ wɔmwɔm mini.

2 PYƐƐRI 2:10

À ɓiisɛ̀n ɓɛ̀roɓɛ ɓɛ ti ɓɛ yɛɛ̀sàg ɓìɓan ɓi tifin, ɓɛ nɔɔ̀nɔ̀ɔ̀tì ɓìɓan ɓi ɓi ti ɓi rɔɔghì mɛ̀mùù, ɓɛ sɛɛtì jɛ̀ɛ̀ ì rìlàmì ì Kan. Ɓɛ tɔɔghraagh mɛ̀rem, ɓɛ ki ɓalag ri kalɛn, ɓɛ̀ kɛɛ̀ risi risɛmgì ɗi ɓyom ɓi ɓyɛɛ̀ ghɛghɛɓ aɗyoo ɓi rìkem.

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.

ZYUUDƐ 1:8

Nsoò fɔlɔɔ ɓumɓɛ ɓɛ sɔlɛ̀ngà ɓɛǹ ɓɛɛ̀ kìki girig mɛ̀kuu mɛ ɓiɓan mɛǹ, lɛ ɓìtɛ̀ŋtɛ̀ŋ ɓyaa ɓi mɛyitì ɓi ti ɓi tinàg ɓɔ lɛ ɓɛɛ ki ɓìɓan ɓi tifin ri nyoo yàà, ɓɛ sɛɛtì kìlàmì ki Kan, ɓɛ ki feefengì ɓumɓɛ aɗyoo ɓɛ Bɛ̀ll à kemzìghà.