Kaàtà ànɛ Pol à kàngà TIT 2:2 - Bafia Nouveau Testament

² Ù kpaa ɓìtùg ɓi ɓum lɛ ɓyɛ̀ kɛɛ̀ nɔnɔ mɛrɔ̀g lɛɛ̀gwey, ɓɛ ghɛɛ̀sɛɛ kìɓaà rì rìmum, rì ɗyomzɛ̀n, ɓɛ ki ɓa ri ìtèɗ ɓi rìgherɛ̀n, rì ɓi nkɔ̀nɛ̀n, rì ɓi rìɓìɓ ɗi nɗem.

Kaàtà ànɛ Pol à kàngà TIT 2:2 Iomraidhean Croise

MARIKUS 5:15

Ɓɛ yu Yeesus a nyoo, ɓɛ ghɛn ŋwaànɛ à ɓaghà rì ɓìɓeɓtàg ɓi mɛghay lɛɛ̀gwey ǹkɔ̀kɔriyɛn, nni ìris wu ɓangà ɓɔ.

LUKAS 8:35

Fɔɔnnɛ ɓum ɓɛ pɛsàkày lɛ ɓɛ yuù kìghɛɛ̀ kìɓan ki ki kilɛ̀ngà kiǹ; ɓɛ tanɛ̀ngà ŋwaànɛ ɓìɓeɓtàg ɓi mɛghay ɓi pɛsɛ̀ngà ɓi nyoo ànɛ̀n di à kɔ̀kɔrii Yeesus a mɛ̀kòò, nyi rì ɓìlàà ɓi nyoo, à ki ɓa ɓi nyimiɗ, nni ɓɛ risìghà.

MƐ̀KÌKÌÌ MƐ ƁƐKƐ̀NÌ-FÌTOM 24:25

Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ.

RÒMƐŊ 12:3

Lɛ geesɛ̀n ìnɛ Bɛ̀ll à kighà mɛ̀, ǹkpaa mum ǹcèm ànɛ ɓi mìni lɛ: Kɛ̀ ɓi rɛsag miniì ɓɔmiɗ ɓi nɗɛli wu wu cee rìɓa ɗin, kìɓan kifog ɓaana lɔŋ ri mɛ̀yitì mɛ lɛ ɓi sɛɛ̀di mìniì ɓɔmiɗ ɓi zi, mum ǹcèm à rɛsɛ̀n ɓi nɗɛli wu wu ghɛɛ̀sɛɛ rì gàɓ ì rìgherɛ̀n ìnɛ Bɛ̀ll à faghà nyi.

1 KƆ̀RƐ̀ŊTYƐŊ 15:34

Sugtiina ɓi mìniìɓɔmiɗ yɛ̀ɛ ki ghɛɛ̀sɛɛ kɛ̀ ɓi kì kiɓe. Ɓisuulɛ ɓum ɓɛdɛŋ ɓɛ ɓi nyìinyìm wìn ɓɛ yii ɓi Bɛ̀ll; kìɓan ki ǹkpaa kìn ki ri ǹtoòrìɗ ɓi ɓɛg wìn.

1 KƆ̀RƐ̀ŊTYƐŊ 9:25

Ɓɛ̀ɗùù zàà yi ran ɓɛ ti ɓɛ ɓalàg rì ɓìtèetèɗ ɓi ɓìcèlì, ɓɛ kikì fɔlɔɔ lɛ di ɓɛɛ fɔǹ mɛ̀raà mɛ mɛ ri lɛ mɛ ɗyoŋ wɔ̀lɛ ɓìsiì ɗùùɗuu ɓi mɛ̀raà mɛ mɛ ri fìɗyàɓ fikɔ̀ɔ̀.

2 KƆ̀RƐ̀ŊTYƐŊ 5:13

Ɓisuulɛ i tì rì ɓìyèg, tì rì ɓìyèg ɓisuu Bɛ̀ll; i tì ki rì rì Syeesyee à ɗyomzɛ̀n tì rì fɔlɔɔ ɓisu win.

GÀLAT 5:23

Ɓìdɔ̀gsɛna ɓi ɓeezɛɛ ɓi ɓiɓan ɓi fɔ̀lɔ̀ɔ̀.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

TÈSÀLÒNÌSYƐŊ 5:6

Fɔlɔɔ nnɛ tì ghɛ̀ɛ̀sɛɛ ɓi min kilalì yɛ̀ɛ ɓɛro ɓɛm̀bog; ti kɔ̀riina lɔŋ cem, tì ɓèŋɗɛ̀n ɓi kìɓan ki mɛrɔ̀g.

TÈSÀLÒNÌSYƐŊ 5:8

Wɔ̀lɛ ɓìsi ɓɛ tì rì ɓɔn ɓɛ ɓi cààmɛ̀n à ŋwos, tì ghɛ̀ɛ̀sɛɛ kì ɓèŋɗɛɛ ɓi kìɓan ki mɛrɔ̀g, tì ghɛ̀ɛ̀sɛɛ kì pùrɛɛ rìgherɛ̀n rì ǹkɔ̀nɛ̀n fɛ lɛ yɛ̀ɛ kìlàà ki bɔŋ tì waatɛ̀n girig dyàɓɛn inɛ ɓi gòri yìs fɛlɛ yɛ̀ɛ tàm.

TIMOTE 1:10

ɓɛ̀kìì-kìzyaa, ɓɛ̀baŋì ɓɛ ɓɛ ti ɓɛ kɔràg rì ɓɛ̀ro ɓɛ̀baŋì(n) ɓɛ̀kìì-dune ì ɓɛ̀kpàn, rì ɓɛ̀pwààpwaà, ɓɛ̀kànɛ̀n bɛ̀ɗ yi ɓɛpwàà, rì com kìcèm ki ki yin yɛ̀ɛ syeesyee à dɔgtɛ̀n ànɛ à rì ǹtɛnɛn a kpaakpàà.

TIMOTE 1:14

Fɔɔnnɛ geesɛ̀n ì Kan wìs ì rongà ì sòsòɓ, ɓi mɛ̀ bas ɗì rìgherɛ̀n rì ǹkɔ̀nɛ̀n ànɛ à rì ɓi Yeesus Kiris.

TIMOTE 1:2

Ǹkàni Timote, à kɔɔ̀kɔɔ̀ wɛ̀m à man ɓi rìgherɛ̀n, Bɛ̀ll Seŋi rì Kan wìs Yeesus Kiris ɓɛɛ fa wɔ̀ lɛ, rì geesɛ̀n, rì rìcenɛ̀n, rì fyòoog.

TIMOTE 1:5

Rìsyɔn ɗi ɓi kìɓan ki ǹtɔɔgh wɔ̀ kiǹ ɗi ri lɛ, ǹkɔ̀nɛ̀n ànɛ à rìì ɓi nɗem wu wu ri wù tɛnɛn, rì ɓi nɗem wu wu ri lɛ sɛɛghisɛɛghi, rì ɓi rìgherɛ̀n ɗi kɛ̀ɛ̀ tìfyèèrɛnà.

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 3:4

Ki ghɛɛ̀sɛɛ lɛ à kɛ̀ɛ̀kɛ̀ɛ̀sì naa yìì i ɓum lɛ syeesyee, à yi rìkì lɛ ɓɔn ɓii ɓɛɛ ɓa rì mɛ̀wog, ɓɛ falàg nyi bɔgsɛ̀n yɛ̀ɛ ki ghɛɛ̀sɛɛ.

TIMOTE 3:8

Ɓɛ̀dyaakìrɛ̀ girig ɓɛɛ ɓa rì rìmum, ɓɛ ɓa ɓumɓɛ ɓɛ yin ɓiì ghèeghelɛ̀n ɓɛ̀ kɛɛ̀ falɛn ɓi mɛ̀rɔ̀g lɛɛ̀gwey, ɓɛ̀ kɛɛ̀ ki ɓa ɓumɓɛ ɓɛ yin ɓiì kaakaa rifɔ̀n ɗi mɛsòo;

TIMOTE 5:1

Kɔ̀ɔ fwààdag kitùg ki mum, kìɓan kifog ki ghɛɛ̀sɛɛ lɛ ù reɓ nyi lɔŋ yɛ̀ɛ soŋi; ù reɓkì ɓɛ̀dɛlì lɔŋ yɛ̀ɛ ɓɛ̀goni,

Kaàtà ànɛ Pol à kàngà TIT 1:13

Jɛ̀ɛ̀ ìnɛ à kpaaghà ìnɛn ì rì miì, kìɓan kiǹ kɛɛ̀ki ù ghɛ̀ɛ̀sɛɛ ɓɔ kì fwààdaagh ù nyɛzì jɛ̀ɛ̀, di fɔɔnnɛ ɓɛɛ ɓa rì syeesyee à rìgherɛ̀n,

Kaàtà ànɛ Pol à kàngà TIT 1:8

Kìɓan kifog à ghɛ̀ɛ̀sɛɛ kì yiì rìghàɓ ɗi ɓɛ̀kèn, à keesì ɓìɓan ɓi syeesyee, à ɓa rì ɗyomzɛ̀n, à ɓa lɛ saaɗ, à ɓa ǹtɛnɛn ɓi mis mɛ Bɛ̀ll, à ki ɓìɓ nɗem,

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

FILEMƆŊ 1:9

ki mɓiisɛɛ mɛ̀ kì kɔ̀ni lɛ mɓɔŋzi wɔ̀ ɓi nkɔ̀nɛ̀n. Ɓi rìɓa ɗi mɛ̀ Pol ǹɗì ɗi kìtùg ki mum, à kɛ̀ɛ̀dì kì ɓaà lɛ ɓigomìnɛ ǹɗì kìmbùŋ ɓisuu Yeesus Kiris.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

2 PYƐƐRI 1:6

ɓi rìyi ɗìn aɗyoo, ɓì ɓɔ̀ɓtɛ̀n tì rìnìɗ ɗi nɗem; ɓi rìnìɗ ɗi nɗem ɗìn, ɓì sagtɛ̀ntì kìsììrì; ɓi kìsììrì kiǹ, ɓì foŋdì rìfalɛ̀n ɗi ɓi rìgherɛ̀n;