Kaàtà ànɛ Pol à kàngà TIT 2:11 - Bafia Nouveau Testament

¹¹ Ɓisuulɛ geesɛ̀n ì Bɛ̀ll ìnɛ ì rì ǹsim à cɛɓ ɓisuu ɓum ɓɛ̀cèm, ì mɛ rèsɛ̀n,

Kaàtà ànɛ Pol à kàngà TIT 2:11 Iomraidhean Croise

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

LUKAS 3:6

Fɔlɔɔ nnɛ mum bimiɗ à ɓiì ghɛɛ gòri ì Bɛ̀ll.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:9

Jɛ̀ɛ̀ ìnɛn ì ɓaghà kɔɔ̀kɔɔ̀ à kìtɛɛtɛn, ki ki yughà ɓi ziinɛ lɛ kɛɛ kpeŋzi ɓum ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 13:43

Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:47

Ɓisuulɛ, Kan a kalag ɓisi lɛ: Ǹɗɛsìghà wɔ̀ lɛ, ù ɓa fɛlɛ yɛ̀ɛ kìtɛɛtɛn ɓi nyìinyìm à ɓìlɔ̀ŋ ɓimbog ù ki sààti cɛɓ ɓi zi bimiɗ.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

RÒMƐŊ 10:18

Nni ǹtɔɔgh lɛ, ɓɛ rɔɓkà nya ɓɛ̀ kɛɛ̀ wog? Ɓɛ ɓaghà ɓi lɛ ɓɛ rɔɓ, jɛ̀ɛ̀ yaa yi wooghrɛ̀ngà zi bimiɗ, ɓìtòkì ɓyaa ɓi kpagì lɛ rì a ɓɛ̀yɔ̀ŋyɔ̀ŋ ɓɛ zi miì.

RÒMƐŊ 5:15

Wɔ̀lɛ rìnàn ɗi yin com kìfog ɗì rìɓòò ɗi Bɛ̀ll à kìi ɓum; i ɓum lɛɛ̀gwey ɓɛ cuughà ɓi rìnàn ɗi mum bog, bɔ̀ɓ yaŋ ɗi geesɛ̀n rì rìɓòò ɗi Bɛ̀ll à kìghà ɓum zɛy rì zɛy ɓi m̀bobog à mum ànɛ lɛ Yeesus Kiris; rìɓòò ɗi Bɛ̀ll ɗiǹ ɗi ri ɗìkòmɛn ɓum lɛɛ̀gwey à cee fɔlɔɔ.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 2:21

Mɛ̀ ǹ-yin lɛ m̀ɓèn geesɛ̀n ìnɛ Bɛ̀ll à kìghà mɛ̀; lɛ i kaa rì lɛ mum à rì lɛ à ɓa lɛ saaɗ ɓi mis mɛ Bɛ̀ll di à nɔ̀ɔ̀tii ɓìdɔ̀gsɛna ɓi Moyis, di rìwu ɗi Kiris ɗi yin min ɗi gɛɓsɛ̀n nsoò lɛsàg.

EFÈZYƐŊ 2:5

ɓìsi ɓɛ tì ɓaghà ɓìloŋ lɛ mɛ̀nànì mis, à kìghà lɛ ti ɓa ti rì cɛɓ ǹɗaŋ ɗi Kiris. Ɓì rì ɓɛ̀kòrɛn lɛ geesɛ̀n ì Bɛ̀ll.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

TIMOTE 1:14

Fɔɔnnɛ geesɛ̀n ì Kan wìs ì rongà ì sòsòɓ, ɓi mɛ̀ bas ɗì rìgherɛ̀n rì ǹkɔ̀nɛ̀n ànɛ à rì ɓi Yeesus Kiris.

TIMOTE 2:4

ànɛ a kɔ̀ngi lɛ ɓum ɓɛ̀cèm ɓɛɛ ghɛn cɛɓ, ɓɛ kpaŋ ɓi nɗɛli wulɛ ɓɛɛ yi saaɗ.

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

EBIREEGH 2:9

Kìɓan kifog, roànɛ ɓɛ sɛɛ̀dìghà rìɓa ɗii ɓi maa cààmɛ̀n lɛ ɗyɛ̀ kɛɛ̀ kpaŋdi yɛ̀ɛ ɗi ɓum ɓɛ titom yɛɛ ri Yeesus, nyi nnɛ ti seesee yɛ̀ɛ ɓɛ mɛ waasi rìkem, rì ǹnyaasɛ̀n ɓisuu riwù ɗi à wughà; lɛ à wughà ɓisuu ɓum ɓɛ̀cèm lɛ geesɛ̀n ì Bɛ̀ll.