Kaàtà ànɛ Pol à kàngà TIT 2:10 - Bafia Nouveau Testament

¹⁰ ɓɛ̀ kɛɛ̀ fyaasi com, wɔ̀lɛ ɓɛ ghɛɛ̀sɛɛ kì rèsii ɓyààmɛ̀n ɓìcèm lɛ ɓɛ ri ɓumɓɛ ɓɛ ghɛɛ̀sɛɛ kì tyweeyii lɛ kɔɔ̀kɔɔ̀, fɔlɔɔ nnɛ ɓi ɓìɓan ɓìcèm ɓɛ ɓiì kìi lɛ ɓum ɓɛɛ nyaàsi dɔgtɛ̀n ì Bɛ̀ll ànɛ à rì ǹghɛɓsì wìs.

Kaàtà ànɛ Pol à kàngà TIT 2:10 Iomraidhean Croise

MATYOO 24:45

Nkìì-kìsay anɛ à rì lɛ: nyi rì mɛ̀wog, nyi rì ɗyomzɛ̀n, nnyɛɛ rì ǹkìì-kìsay anɛ masà wìì a ɓɔgsìghà rìfòm ɗi ɓɛ̀kìì-ɓìsay ɓii ɓɛmbog, lɛ a falag ɓɔ ɓìɗilàg ɓi ɓyààmɛ̀n ɓi ɓi ghɛɛ̀sɛɛ.

MATYOO 5:16

Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

LUKAS 1:47

fɔɔnnɛ kìnyàà ki roni mɛ̀ ɓi nɗem lɛ rìkì ɗi Bɛ̀ll ǹghɛɓsì wɛ̀m,

LUKAS 1:80

Man ànɛ̀n à tɔɔtɔ̀ɔ̀ghà, ǹghay wii wu tetèɗ ìtèɗ; à ghɛghɛ̀ɓkà ɓi-reɓ à kpaŋ yɛ̀ɛ à rèsɛ̀ngà ɓi nyìinyìm à ɓɔn ɓɛ Isirayɛl ŋwos adɛŋ.

LUKAS 16:10

Ŋwaànɛ à ɓèŋi ɓɔɔ ɓyom ɓɛsàg lɛ syeesyee, rì ntyweeyi à ɓiì ɓèŋi ɓigwey lɛ syeesyee. Roànɛ à ɓèŋi ɓi ɓɔɔ ɓyom ɓɛsàg lɛ syeesyee, àa yi ɓi riɓèŋ ɗi gìn yi ɓyom lɛ syeesyee rì ntyweeyi.

ZYAŊ 12:6

À kpaaghà ɓi fɔlɔɔ lɛ à ɓiisɛ̀ngà kì ɓɔmì ɓɛ̀soghàsogha, wɔ̀lɛ à kpaaghà lɔŋ fɔlɔɔ lɛ, à ɓaghà wiiwìì. Nni yɛ̀ɛ nyi yɛɛ m̀ɓègì ɓàm à mɔ̀ɔ̀ni, àa ntekì mɔ̀ɔ̀ni mɛ ɓɛ nfogì miì.

1 KƆ̀RƐ̀ŊTYƐŊ 4:2

Nni com ki ɓum ɓɛɛ̀ ɓoŋɓoŋ a ɓɛ̀ɓèŋì-ɓyom ki ri lɛ, ɓɛɛ resi lɛ ɓɛ ri ɓumɓɛ ɓum ɓɛ ghɛɛ̀sɛɛ kì tyweeyii.

EFÈZYƐŊ 4:1

Fɔɔnnɛ mɛ̀ ànɛ ǹɗì kìmbùŋ lɛ ǹsàsay Kan, ǹkpaa mìni lɛ, ghɛɓina rìkuu ɗi cɛɓ ɗi ɗi ghɛɛ̀sɛɛ rì ǹɗeèghreŋi wu wu kpagà a lɔ̀ŋkin,

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

FÌLÌPYƐŊ 4:8

Ɓi rìsyɔɔ̀dì, ɓɔɔsoŋ̀! com kìcèm ki ki ri kɔɔ̀kɔɔ̀ à com, kìcèm ki ki ri gìn i com, kìcèm ki ki ri lɛ saaɗ, kìcèm ki ki ri kìtɛnɛn, rì kìcèm ki ki ti ki kɔngì ɓum, rì com kìcèm ki ɓum ɓɛ ri lɛ ɓɛ sɛg, com kìcèm ki ki ri rì ɓìsyɔ̀ɔ̀ ɓì syeesyee ki ki ɓa com ki ki ghɛɛ̀sɛɛ ɗì rìkem, ɓyom ɓiǹ ɓyɛɛ ɓa ɓyom ɓi ɓì ghɛ̀ɛ̀sɛɛ kìfèfeegh ɓi mɛ̀rem min.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

TIMOTE 5:17

Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

TIMOTE 6:1

Ɓum ɓɛ̀cèm ɓɛ ɓɛ ri ɓɛ̀kpàn ɓɛ ghɛɛ̀sɛɛ kì ghɛɛ̀ ɓɛ̀masà ɓaa lɛ ɓɛ ri ɓumɓɛ ɓɛ ghɛɛ̀sɛɛ rì bɔgsɛ̀n bimiɗ, di fɔɔnnɛ ɓum ɓɛ̀ kɛɛ̀ sòòti lɛ rì ɗii ɗi Bɛ̀ll, rì dɔgtɛ̀n yìs.

TIMOTE 6:3

Ɓìɓan ɓi ù ghɛ̀ɛ̀sɛɛ kì rèsaagh di u siisiŋdàg ɓyɛɛ̀ ɓìn lɔɔ. I mum a rèresi dɔgtɛ̀n ìdɛŋ, kɛ̀ɛ nɔ̀ɔ̀ti ɓi syeesyee à rìkpaa à Kan wìs Yeesus Kiris, rì yɛ̀ɛ rìrèsì ɗi dɔgtɛ̀n ìnɛ ì ghɛ̀ɛ̀sɛɛ ɗì rìfalɛ̀n ɗi ɓi rìgherɛ̀n, ɓyɛɛ̀ kpaakpàà,

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

Kaàtà ànɛ Pol à kàngà TIT 3:4

Kìɓan kifog yɛ̀ɛ kìrɔɔ-nɗem à Bɛ̀ll ànɛ à rì ǹghɛɓsì wìs, rì ǹkɔ̀nɛ̀n ànɛ à rì rì nyi ɓisuu ɓum, ɓi resɛ̀ngà,

1 PYƐƐRI 2:12

Ɓaana rì ɓìsyeesyee ɓi ɓisyɔ̀ɔ̀ ɓi nyìinyìm à ɓumɓɛ ɓɛ yin ɓɛgherɛ̀n, di fɔlɔɔ nnɛ kɛɛ ɓalag lɛ, jàŋ inɛ ɓɛ mɛɛ̀ ɓùŋ mini a mɓeɓɛn, yɛ̀ɛ ɓɛɛ̀ kali lɛ ɓi kìki ɓiɓeɓtàg ɓi ɓiɓan, i ɓɛ ghɛɛ mɛ̀kìkìì min mɛ syeesyee, ɓɛ kemzì Bɛ̀ll ŋwos anɛ à ɓiì yùu.

1 PYƐƐRI 3:16

Kìɓan kifog kìina fɔlɔɔ ri ǹɗem wu tɛ̀tɛ̀rɛ̀ɛ̀, rì bɔgsɛ̀n; ǹɗem win wu ɓa wù tɛnɛn ɓi lèg ànɛ lɛ jàŋ inɛ ɓɛɛ̀ tòtog mini kìɓe, ɓumɓɛ ɓɛɛ̀ feefengì syeesyee wìn a rìghɛɓ ɓi Kiris ɓi ɗùm ɓɛɛ wog ǹtoòrìɗ.

2 ZYAŊ 1:9

Mum ǹcèm ànɛ à ghaghii ɓìdyànì, kɛ̀ɛ ɓèŋdi rirèsì ɗi Kiris, à yin ɗi Bɛ̀ll; nni mum ǹcèm ànɛ à ɓiì kɛ̀ɛ asu à ɓèŋɓèŋ rìrèsì ɗi Kiris, à rì lɛ, nyi rì Seŋi, nyi rì Man.