Kaàtà ànɛ Pol à kàngà TIT 1:8 - Bafia Nouveau Testament

⁸ Kìɓan kifog à ghɛ̀ɛ̀sɛɛ kì yiì rìghàɓ ɗi ɓɛ̀kèn, à keesì ɓìɓan ɓi syeesyee, à ɓa rì ɗyomzɛ̀n, à ɓa lɛ saaɗ, à ɓa ǹtɛnɛn ɓi mis mɛ Bɛ̀ll, à ki ɓìɓ nɗem,

Kaàtà ànɛ Pol à kàngà TIT 1:8 Iomraidhean Croise

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 24:25

Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ.

TÈSÀLÒNÌSYƐŊ 2:10

Ɓì rì ɓɛ̀wusìnɛ̀ɗ ɓis, nsoò Bɛ̀ll à rì girig wusìnɛ̀ɗ lɛ cɛɓ ki tì ghɛɓkà rì mìni ɓɛ ɓì rì ɓɛ̀gherɛ̀n ki ɓaghà kìtɛnɛn, kɔ tì lɛ saaɗ, kɛ̀ɛ̀ kìɓan kifenɛn miì.

TIMOTE 3:2

Nni ki ghɛɛ̀sɛɛ lɛ, ǹkɛ̀ɛ̀sì-kìseŋi a ɓa ŋwaànɛ à yin ɗi kìɓan ki ɓum ɓɛ ri lɛ ɓɛ cɛɛ̀cɛ̀mdɛ̀n. À ɓa giɓ bog, kɛ̀ɛ keesi ɓinɔɔ̀nɔɔ̀, à ɓa ŋwaà ɗyomzɛ̀n, à yi rìghɛɓ rì ɓum, à ɓègì ɓɛ̀kèn a mɛɛ mii lɛ syeesyee, à ki ɓa ŋwaànɛ à rì lɛ à yi rìrèsàg ɗi ɓum ɓìɓan.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

2 TIMOTE 3:3

Ɓɛ ɓa mɛ̀rem mɛ̀tèrɛn, ɓɛ ɓa kɛ̀ɛ̀ nyìighnyìg, ɓɛ kikì ɓɛ̀ɓɔlɛ, mɛ̀rem maa mɛ̀ kɛɛ̀ ɓanɛn, ɓɛ ɓa ɓɛ̀wolì-ɓum, ɓɛ ki ɓèeɓeèzɛ̀n ɓumɓɛ ɓɛɛ̀ kìki kirɔɔ,

Kaàtà ànɛ Pol à kàngà TIT 2:7

Wɛ̀ɛmiɗ ù ɓa kìfèèghrɛnà ɓi rìkì ɗi ɓiɓan ɓi syeesyee, ù rèèrèsàg ɓum dɔgtɛ̀n inɛ ì rì ǹtɛnɛn, ɗì rìmum.

1 ZYAŊ 3:14

Ɓìsii yii lɛ tì mɛ pɛ̀sɛn ɓi rìwu, tì ɗiŋì ɓi cɛɓ; tì yii fɔlɔɔ lɛ tì keesii ɓɛ̀geni ɓis; ŋwaànɛ à yin ɗi ǹkɔ̀nɛ̀n, à kaka ɓi rìwu ɓi ɗùm.

1 ZYAŊ 5:1

Mum bimiɗ ànɛ à gherɛɛ lɛ Yeesus à rì Kiris, à rì ŋwaànɛ à gherɛɛ Bɛ̀ll; nni ŋwaànɛ à keesii seŋi, à ti à keesàg girig ɓɔn ɓɛ seŋi ànɛ̀n à yali.