Biblia Todo Logo
Bìoball air-loidhne

- Sanasan -




Kaàtà ànɛ Pol à kàngà TIT 1:5 - Bafia Nouveau Testament

5 Tit, mɛ̀ɛ ncàri wɔ̀ a Kirɛt lɛ u legsiì kìwòŋzaagh ɓiɓan ɓi ɓi kaka wɔɔ kɛ̀ɛ̀ rìwòŋzàg, ù ki rɛsi ti ɓɛ̀sɛ̀ɛ̀mɛn ɓɛ Kiseŋi ɓi bàn yìcèm lɔŋ yɛ̀ɛ mɛ̀ɛ ǹsiitaagh wɔ̀.

Faic an caibideil Dèan lethbhreac




Kaàtà ànɛ Pol à kàngà TIT 1:5
18 Iomraidhean Croise  

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.


Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.


ɓumɓɛ a Kirɛɗɛ, rì ɓɛ a Araɓii, cɛ kɛɛ kii lɛ, ti wowog yɛ̀ɛ ɓɛɛ̀ kakali dàm yi ɓiɓan yi Bɛ̀ll ɓi ɓìtòkì ɓis?


Yɛ̀ɛ jàŋ inɛ̀n ì ɓiisɛ̀ngà ɓi ki rɔɔtɛɛ lɛ ŋwaa ghagsi cààmɛ̀n à bùmà wɔɔ, nni kìgwey ki ɓum ki ɓi ɓɔ, ki gherɛ̀ngà lɛ ɓɛɛ ruɓtɛn tì ɗì rìkɛ̀ɛ̀, lɛ i bee i ɓaa, ɓɛɛ kɛǹ a Fenis, ɓi jàŋ idɛŋ ìnɛ a Kirɛɗɛ, ìnɛ tìtimà tyɛɛ̀ rɛlag wɔɔ, ìnɛ ì faa mis ɓi ɓɛg ànɛ ŋwos a kɛ̀ngi ki nɔ̀ŋii, lɛ ɓɛ kɔnkɔ̀ngà lɛ bɛɛ ghagsi cààmɛ̀n à bùmà wɔɔ.


Yɛ̀ɛ maa fɛ̀ɛ̀fɛ̀ɛ̀ à kìkìghày fɛlɛ duŋzi, ɓɛ fekì nya lɛ, ɓɛ ri ɓiì kpaŋzɛɛ fèg wàà anɛ lɛ ɓɛɛ kɛǹ a Fenis. Fɔɔnnɛ ɓɛ lɔmzìghày min fitimà, ɓɛ tumɛ̀n rìsòsòrì ɗi kirìŋ ki riɓày ki lɛ Kirɛɗɛ.


Tì ɓaghà di tì mɛ ghagsi mɛru lɛɛ̀gwey, tyɛ̀ ki ɗi com. Fɔɔnnɛ Pol à pɛ̀sɛǹgà aɗyoo ɓi nyìinnyìm à ɓum, à kpaa ɓɔ lɛ: Ɓìi nghɛ̀ɛ̀sɛɛ kì woògh yɛ̀ɛ mɛ̀ɛ nkpaa lɛ, tyɛ̀ ki pɛ̀sɛn a Kirɛɗɛ, lɛ i ɓìi ǹwoogh rìkpaa ɗìn, di ɓì yin fɛlɛ ɓi koŋnyoo yɛ̀ɛ ɓì rì lɛ gɛɛ̀nɛ, ɓyɛ̀ ɓi ki ɗimzi ɓyom yɛ̀ɛ ɓi ɓì mɛ ɗimzi ɓi.


Fìtimà fi kɛɛ̀kɛ̀ɛ̀ghà lɛ tɛ̀tɛ̀rɛ̀ɛ̀, fɔɔnnɛ tì ghagsìghà mɛ̀ru lɛɛ̀gwey ɓi bee, tì ki kɛ̀n ki kpaŋì jàŋbog rì Kiniidɛ di tyàa ghɛn ntɔɓ. Yɛ̀ɛ bɛ̀ɓ ì faghà ɓi ɓisi bee inɛ lɛ ti kɛnkɛn beèbɛ̀y ɓi san ànɛ̀n, fɔɔnnɛ tì sòrìghà kìriŋ ki rìɓày ki lɛ Kirɛɗɛ, ɓi ɓɛg ànɛ a Salmone.


I mum a wowog zày, à ghɛ̀ɛ̀sɛɛ kì ɗiì a mɛɛ mii, lɛ di kɛ̀ ɓi syòŋ yi mìniìɓɔmiɗ ncɛ̀m ɓi nyoo, di ɓì taŋzɛɛ. Ǹɗì ɓiì pègsɛɛ ɓiɓan ɓimbog yɛ̀ɛ ǹɗì ɓiì yùu.


Kìɓan kifog, ɓìɓan ɓìcèm ɓi ghɛɛ̀sɛɛ kì kìlɛɛ yɛ̀ɛ kɛɛ̀ kɔ̀nkɔ̀n rì syeesyee à rìwòŋzàg.


Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.


Lɛ nsoò màa rì mìni fìràɓ ɓi rìɓa ɗi ɓi mɛ̀mùù, ǹɗem wɛ̀m wu ri lɔŋ foo ri mìni, ǹwowog kirɔɔ yɛ̀ɛ nseesee syeesyee à rìwòŋzàg ɗi ɓiɓan ɓi nyìinyìm wìn, rì yɛ̀ɛ rìgherɛ̀n ɗin ɗi ɓi Kiris, ɗi ri lɛ kpeg-kpeg.


Fɛlɛ yɛ̀ɛ ǹtɔkà wɔ̀ di ǹti lɛ nkɛǹ a Masedwan, ki ghɛɛ̀sɛɛ lɔŋ lɛ, u kɔkɔri a Efɛɛzɛ lɛ u siìtɛn ɓum ɓɛdɛŋ lɛ ɓɛ̀ kɛɛ̀ rèresi dɔgtɛ̀n yidɛŋ,


Kìɓan ki ù wokà mɛ̀ di nkakàlì ɓi mis mɛ ɓɛwusìnɛ̀ɗ lɛɛ̀gwey, ghagsi kɔ rì ɓum ɓɛ ntyweeyi ɓɛ ɓɛ ri rì ìtèɗ wulɛ ɓɛ resàg girig ɓɛ̀ro ɓɛdɛŋ.


Kìbog ki ɓi ɓɔ ki ki ri ǹkpaŋzì-ɓìɓan waà, ki kpaaghà lɛ: Mìni ɓumɓɛ a Kirɛt, ɓi ɓalag lɔŋ ɓɛ̀pwààpwaà cààmɛ̀n kìcèm, ɓì nyɛngì yɛ̀ɛ nyàm yi ɓi cog, ɓì ki ɓa ɓɛ̀ɓɔɓwɛɗ ɓɛ ɓɛɛ̀ fèfeg lɔŋ lɛ ɓìɗilàg.


Lean sinn:

Sanasan


Sanasan