Kaàtà ànɛ Pol à kàngà TIT 1:5 - Bafia Nouveau Testament

⁵ Tit, mɛ̀ɛ ncàri wɔ̀ a Kirɛt lɛ u legsiì kìwòŋzaagh ɓiɓan ɓi ɓi kaka wɔɔ kɛ̀ɛ̀ rìwòŋzàg, ù ki rɛsi ti ɓɛ̀sɛ̀ɛ̀mɛn ɓɛ Kiseŋi ɓi bàn yìcèm lɔŋ yɛ̀ɛ mɛ̀ɛ ǹsiitaagh wɔ̀.

Kaàtà ànɛ Pol à kàngà TIT 1:5 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 11:30

Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 2:11

ɓumɓɛ a Kirɛɗɛ, rì ɓɛ a Araɓii, cɛ kɛɛ kii lɛ, ti wowog yɛ̀ɛ ɓɛɛ̀ kakali dàm yi ɓiɓan yi Bɛ̀ll ɓi ɓìtòkì ɓis?

MƐ̀KÌKÌÌ MƐ ƁƐKƐ̀NÌ-FÌTOM 27:12

Yɛ̀ɛ jàŋ inɛ̀n ì ɓiisɛ̀ngà ɓi ki rɔɔtɛɛ lɛ ŋwaa ghagsi cààmɛ̀n à bùmà wɔɔ, nni kìgwey ki ɓum ki ɓi ɓɔ, ki gherɛ̀ngà lɛ ɓɛɛ ruɓtɛn tì ɗì rìkɛ̀ɛ̀, lɛ i bee i ɓaa, ɓɛɛ kɛǹ a Fenis, ɓi jàŋ idɛŋ ìnɛ a Kirɛɗɛ, ìnɛ tìtimà tyɛɛ̀ rɛlag wɔɔ, ìnɛ ì faa mis ɓi ɓɛg ànɛ ŋwos a kɛ̀ngi ki nɔ̀ŋii, lɛ ɓɛ kɔnkɔ̀ngà lɛ bɛɛ ghagsi cààmɛ̀n à bùmà wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 27:13

Yɛ̀ɛ maa fɛ̀ɛ̀fɛ̀ɛ̀ à kìkìghày fɛlɛ duŋzi, ɓɛ fekì nya lɛ, ɓɛ ri ɓiì kpaŋzɛɛ fèg wàà anɛ lɛ ɓɛɛ kɛǹ a Fenis. Fɔɔnnɛ ɓɛ lɔmzìghày min fitimà, ɓɛ tumɛ̀n rìsòsòrì ɗi kirìŋ ki riɓày ki lɛ Kirɛɗɛ.

MƐ̀KÌKÌÌ MƐ ƁƐKƐ̀NÌ-FÌTOM 27:21

Tì ɓaghà di tì mɛ ghagsi mɛru lɛɛ̀gwey, tyɛ̀ ki ɗi com. Fɔɔnnɛ Pol à pɛ̀sɛǹgà aɗyoo ɓi nyìinnyìm à ɓum, à kpaa ɓɔ lɛ: Ɓìi nghɛ̀ɛ̀sɛɛ kì woògh yɛ̀ɛ mɛ̀ɛ nkpaa lɛ, tyɛ̀ ki pɛ̀sɛn a Kirɛɗɛ, lɛ i ɓìi ǹwoogh rìkpaa ɗìn, di ɓì yin fɛlɛ ɓi koŋnyoo yɛ̀ɛ ɓì rì lɛ gɛɛ̀nɛ, ɓyɛ̀ ɓi ki ɗimzi ɓyom yɛ̀ɛ ɓi ɓì mɛ ɗimzi ɓi.

MƐ̀KÌKÌÌ MƐ ƁƐKƐ̀NÌ-FÌTOM 27:7

Fìtimà fi kɛɛ̀kɛ̀ɛ̀ghà lɛ tɛ̀tɛ̀rɛ̀ɛ̀, fɔɔnnɛ tì ghagsìghà mɛ̀ru lɛɛ̀gwey ɓi bee, tì ki kɛ̀n ki kpaŋì jàŋbog rì Kiniidɛ di tyàa ghɛn ntɔɓ. Yɛ̀ɛ bɛ̀ɓ ì faghà ɓi ɓisi bee inɛ lɛ ti kɛnkɛn beèbɛ̀y ɓi san ànɛ̀n, fɔɔnnɛ tì sòrìghà kìriŋ ki rìɓày ki lɛ Kirɛɗɛ, ɓi ɓɛg ànɛ a Salmone.

1 KƆ̀RƐ̀ŊTYƐŊ 11:34

I mum a wowog zày, à ghɛ̀ɛ̀sɛɛ kì ɗiì a mɛɛ mii, lɛ di kɛ̀ ɓi syòŋ yi mìniìɓɔmiɗ ncɛ̀m ɓi nyoo, di ɓì taŋzɛɛ. Ǹɗì ɓiì pègsɛɛ ɓiɓan ɓimbog yɛ̀ɛ ǹɗì ɓiì yùu.

1 KƆ̀RƐ̀ŊTYƐŊ 14:40

Kìɓan kifog, ɓìɓan ɓìcèm ɓi ghɛɛ̀sɛɛ kì kìlɛɛ yɛ̀ɛ kɛɛ̀ kɔ̀nkɔ̀n rì syeesyee à rìwòŋzàg.

1 KƆ̀RƐ̀ŊTYƐŊ 4:17

Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.

KÒLÒSYƐŊ 2:5

Lɛ nsoò màa rì mìni fìràɓ ɓi rìɓa ɗi ɓi mɛ̀mùù, ǹɗem wɛ̀m wu ri lɔŋ foo ri mìni, ǹwowog kirɔɔ yɛ̀ɛ nseesee syeesyee à rìwòŋzàg ɗi ɓiɓan ɓi nyìinyìm wìn, rì yɛ̀ɛ rìgherɛ̀n ɗin ɗi ɓi Kiris, ɗi ri lɛ kpeg-kpeg.

TIMOTE 1:3

Fɛlɛ yɛ̀ɛ ǹtɔkà wɔ̀ di ǹti lɛ nkɛǹ a Masedwan, ki ghɛɛ̀sɛɛ lɔŋ lɛ, u kɔkɔri a Efɛɛzɛ lɛ u siìtɛn ɓum ɓɛdɛŋ lɛ ɓɛ̀ kɛɛ̀ rèresi dɔgtɛ̀n yidɛŋ,

2 TIMOTE 2:2

Kìɓan ki ù wokà mɛ̀ di nkakàlì ɓi mis mɛ ɓɛwusìnɛ̀ɗ lɛɛ̀gwey, ghagsi kɔ rì ɓum ɓɛ ntyweeyi ɓɛ ɓɛ ri rì ìtèɗ wulɛ ɓɛ resàg girig ɓɛ̀ro ɓɛdɛŋ.

Kaàtà ànɛ Pol à kàngà TIT 1:12

Kìbog ki ɓi ɓɔ ki ki ri ǹkpaŋzì-ɓìɓan waà, ki kpaaghà lɛ: Mìni ɓumɓɛ a Kirɛt, ɓi ɓalag lɔŋ ɓɛ̀pwààpwaà cààmɛ̀n kìcèm, ɓì nyɛngì yɛ̀ɛ nyàm yi ɓi cog, ɓì ki ɓa ɓɛ̀ɓɔɓwɛɗ ɓɛ ɓɛɛ̀ fèfeg lɔŋ lɛ ɓìɗilàg.