Kaàtà ànɛ Pol à kàngà TIT 1:4 - Bafia Nouveau Testament

⁴ Ǹkàni wɔ̀ Tit, kɔɔ̀kɔɔ̀ à man wɛm̀ ɓi rìgherɛ̀n ɗi ɗi ri ɓìsi bas, Bɛ̀ll à Seŋi wìs rì ǹkòrì wìs Yeesus Kiris, ɓɛɛ fa wɔ̀ lɛ rì geesɛ̀n, rì fyòoog.

Kaàtà ànɛ Pol à kàngà TIT 1:4 Iomraidhean Croise

LUKAS 2:11

Ɓɔlɛ ànɛ̀n à rì lɛ: ǹghɛɓsì ɓum à yalɛɛ gɛɛ̀nɛ ɓìsu wìn, ɓi bàn ì Davit, nnyɛɛ ri Kiris Kan.

ZYAŊ 4:42

Fɔɔnnɛ ɓɛ kpaaghà giɓ anɛ̀n lɛ, àa rìkpaa ɗyɔɔ ɗyɔ rì ɗyɔ ɗyɛɛ kiì lɛ ti gherɛn. Tì gherɛɛ ɓigomìnɛ lɛ ɓìsiìɓɔmiɗ tì woogh ɓìtòkì ɓii, tì ki yi lɛ, à rì Ǹghɛɓsì-ziinɛ a tààkaà.

RÒMƐŊ 1:12

Nsoò gì lɛ di ti faàfàlɛ̀n ìtèɗ nɗaŋ a lɔ̀ŋkin ɓi rìgherɛ̀n ɗi ɗi ri ɓìsi bas lɛ rì mɛ̀ rì mìni.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

2 KƆ̀RƐ̀ŊTYƐŊ 12:18

M̀ɓɔ̀ŋzàkà Tit lɛ a yu a lɔ̀ŋkin ǹki rom nyi rì maaseŋi wìs anɛ ɓi rìgherɛ̀n; nni Tit yɛɛ ɓaghà lɛ à yègsì mìni lɛ a ɗiɗi mìni ɓyom? Mɛ̀ɛ nfèki lɛ ɓìsiìcèm tì ɗyenɗyèngà lɔŋ ikòò wu fog, tì ki nɔ̀ɔnɔɔ̀tì bee bog.

2 KƆ̀RƐ̀ŊTYƐŊ 2:13

Ǹɗem wɛ̀m wu ɓaghà ɓi ɓi ɗùm lɛ fyòoog lɛ ǹtanɛ̀ngà ɓi Tit à maaseŋi wɛ̀m wɔɔ. Fɔlɔɔ nnɛ ǹghesɛ̀ngà ɓumɓɛ a Tirowas ǹkɛ̀n a Masedwan.

2 KƆ̀RƐ̀ŊTYƐŊ 4:13

Nni yɛ̀ɛ ɓìsi girig tì rì Ǹghay à rìgherɛ̀n bog, fɛlɛ yɛ̀ɛ ki ri kìkànɛn lɛ: Ǹgherɛ̀ngà fɔlɔɔ nnɛ ǹtòòghrɛ̀ngà. Ɓìsi girig tì gherɛɛ kìɓan kiǹ kɛɛ̀ki ti tòtog girig,

2 KƆ̀RƐ̀ŊTYƐŊ 7:6

Wɔ̀lɛ Bɛ̀ll ànɛ à ti à fɔɔsàg mɛ̀rem mɛ ɓumɓɛ mùm mɛ ri mɛ̀ fɔlɛn, àa ǹfɔɔsii ɓìsi mɛ̀rem rì rìyù ɗi Tit àa n-yùu,

2 KƆ̀RƐ̀ŊTYƐŊ 8:16

Bɛ̀ll ànɛ àa nfaa Tit ǹɗem wulɛ a falɛn rì mìni, lɔŋ yɛ̀ɛ ɓìsi a teɗ rìkem.

2 KƆ̀RƐ̀ŊTYƐŊ 8:23

Ɓi Tit, à rì mum ànɛ ti kɛ̀ɛ̀kɛɛ ri nyi, tì ki kìki kisay nɗaŋ ɓisu win; ɓɛ̀geni ɓis ɓɛ à rìì rì ɓɔ, ɓɔɔ ri ɓumɓɛ ɓìseŋi ɓi Kiris ɓyɛɛ romiì, ɓɛɛ̀ sasay ɓisuu rikem ɗi Kiris.

2 KƆ̀RƐ̀ŊTYƐŊ 8:6

Fɔlɔɔ nnɛ tìi ntɔɔgh Tit lɛ a ratɛn kìsay ki nkɔ̀nɛ̀n ki a lɔ̀ŋkin lɔŋ yɛ̀ɛ à tumɛ̀ngà.

GÀLAT 2:3

Wɔ̀lɛ Tit ànɛ tì ɓaghà rì nyi, ànɛ à ki rì muu Gìrɛg à ɓaghà ɓi ǹtiniyɛn lɛ a kɛrɛ̀n.

GÀLAT 3:26

ɓisuulɛ mìniìcèm ɓì rì ɓɔn ɓɛ Bɛ̀ll ɓi rìgherɛ̀n ɗi ɓì gherɛɛ Yeesus Kiris.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

EFÈZYƐŊ 1:2

Bɛ̀ll à Seŋi wìs ɓɛɛ̀ Kan Yeesus Kiris ɓɛɛ fa mìni geesɛ̀n rì fyòoog.

KÒLÒSYƐŊ 1:2

tì kàni ɓɛ̀gherɛ̀n, rì ɓɔɔseŋi ɓis ɓɛ ɓi Kiris ɓɛ ɓɛ ri ɓum ɓɛ ntyweeyi, ɓɛ ɓɛ ri a Kolos. Bɛ̀ll à Seŋi wìs a fa mìni lɛ rì geesɛ̀n, rì fyòoog!

TIMOTE 1:12

Ǹtògsaagh Yeesus Kiris à Kan wìs, ànɛ à faghà mɛ̀ ìtèɗ ɓisuulɛ, à ghɛngà lɛ ǹɗì mum ànɛ ɓɛ ri lɛ ɓɛ tyweeyì, yɛ̀ɛ à ɓɔ̀ngà mɛ̀ lɛ nki nyi kìsay.

2 TIMOTE 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, ɓi nkàg wu cɛɓ wu wu ri ɓi Yeesus Kiris,

2 TIMOTE 1:2

ǹkàni Timote à man wɛm̀ à nɗem, Bɛ̀ll Seŋi wìs, rì Yeesus Kiris Kan wìs, ɓɛɛ fa wɔ̀ geesɛ̀n ɗì rìcenɛ̀n, rì fyòoog

2 TIMOTE 4:10

lɛ Demas àa nɗinii mɛ̀ à kɛ̀n a Tesalonika, lɛ ɓìɓan ɓi ɓi cɛɓ ki gɛɛ̀nɛ ɓyɛɛ̀ kɔ̀nkɔn nyi; Kiresaŋsɛ àa nkɛ̀ɛ a Galasi, Tit à kɛ̀n a Dalmasii.

Kaàtà ànɛ Pol à kàngà TIT 1:3

Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

2 PYƐƐRI 1:1

Mɛ̀ Simɔn Pyɛɛri ànɛ ǹɗì ǹkìì-kìsay, ǹki ɓa ti nkɛ̀nì-fìtom a Yeesus Kiris, ǹkàni ɓumɓɛ Bɛ̀ll à faghà rìkuu ɗi ntyweeyi ɗifog rì ɗinkis, ɓisu saaɗ à Yeesus Kiris à Bɛ̀ll wìs rì ǹghɛɓsì wìs.

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.

2 PYƐƐRI 2:20

Fɔlɔɔ yɛɛ ri lɛ i ɓum ɓɛ ghasɛɛ yì rì ɓìɓan ɓi tifin ɓi ɓi ziinɛ lɛ rìyi ɗi ɓɛ yii Ǹghɛɓsì-ɓum, Kan Yeesus Kiris, nnɛ ɓɛ carɛɛ tì lɛ ɓɛɛ sugti ɓi ɓìɓan ɓiǹ ɓyɛɛ lami tì ɓɔ, rìɓa ɗyaa ɗi siitòn ɗi ɓiì ɓeɓtɛɛ ɗi cee ɗi ǹtonto.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

1 ZYAŊ 5:14

Tì konaagh kì yiì lɛ: Com kìcèm ki tì rì lɛ tì tɔg nyi, ki ɓa lɔŋ yɛ̀ɛ rìkɔ̀n ɗii ɗi ri, à rì ɓiì woògh; kìɓan kiǹ kɛɛ̀ fafa ɓisi ìtèɗ ɓi nɗem rì nyi.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.