Kaàtà ànɛ Pol à kàngà TIT 1:3 - Bafia Nouveau Testament

³ Yɛ̀ɛ cààmɛ̀n ki ki ɓaghà kìsiŋdɛn ki kpagà, à kìghà lɛ jɛ̀ɛ̀ yìì yɛ̀ɛ yilɛn ɓi kìɓan ki à faghà mɛ̀ lɛ nlaàlamɓɛ̀n yɛ̀ɛ rìkalì ɗi Bɛ̀ll ànɛ à rì ǹghɛɓsì wìs ɗi ri.

Kaàtà ànɛ Pol à kàngà TIT 1:3 Iomraidhean Croise

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

MARIKUS 13:10

Kìɓan ki asu ki ki ghɛɛ̀sɛɛ kì kìlɛɛ ki ri ɓiì ɓaà lɛ, Syeesyee à Ɓɔlɛ a ka kalɛn ɓi ɓɛ̀tum ɓɛ zi ɓɛ̀cèm.

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

LUKAS 1:47

fɔɔnnɛ kìnyàà ki roni mɛ̀ ɓi nɗem lɛ rìkì ɗi Bɛ̀ll ǹghɛɓsì wɛ̀m,

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 17:26

Nnyɛɛ kighà lɛ ɓìlɔ̀ŋ ɓìcèm ɓyɛɛ fuùyì ɓi mum bog, à ki kɔ̀ɔ̀si ɓyɔ ɓi zi bimiɗ; à kìghà lɛ, à wòŋzàg ɓyààmɛ̀n ɓisu waa, à ki rɛsag mɛrèè mɛ zi, yɛ̀ɛ ɓɛ ghɛɛ̀sɛɛ kì kɔ̀rii.

RÒMƐŊ 15:19

rì ìtèɗ wu dàm rì ɓɛ̀koŋnyoo ɓɛ ɓiɓan, ɓi-tèɗ wu Kitɛntɛ̀ɛ̀n ki Nghay. Fɔɔnnɛ mɛ̀ɛ nghagsii Syeesyee à Ɓɔlɛ à Kiris lɛɛ̀gwey, à tumɛ̀n a Yorisalɛm à kɛ̀n kì kpaŋì a Ilirii.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

RÒMƐŊ 16:26

kìɓan kifog nnyɛɛ mɛ rèsɛn ɓigomìnɛ ɓi ɓìɓan ɓi ɓɛ̀kpaŋzì-ɓìɓan ɓɛ kangà, lɔŋ yɛ̀ɛ Bɛ̀ll à fìɗyàɓ fikɔ̀ɔ̀ a tɔkà lɛ kɛɛ kilɛ̀n, fèg ànɛ̀n innɛ ɓɛ mɛ rèsi ɓilɔ̀ŋ ɓìcèm lɛ ɓyɛɛ gherɛn Bɛ̀ll ɓi ki kì nyi mɛ̀wog.

RÒMƐŊ 5:6

Ɓisuulɛ, cààmɛ̀n ki tì ɓaghà di tì ka yin ɗi ìtèɗ, Kiris à wughà ɓisuu ɓiɓeɓtàg ɓi ɓum, ɓi cààmɛ̀n ki Bɛ̀ll à siŋdɛ̀ngà.

1 KƆ̀RƐ̀ŊTYƐŊ 9:17

I mɛ̀ɛmiɗ yɛɛ ɓekà lɛ nki kɔ di ǹɗì miì rì mɛ̀lèɓ, wɔ̀lɛ ǹɗì ǹtiniyɛn lɛ nki kɔ ɓi kàŋɓɛn lɛ ki ri mɛ̀ ǹtɛ̀g wu ɓɛ tɛgsii mɛ̀.

GÀLAT 4:4

Nni yɛ̀ɛ cààmɛ̀n ki Bɛ̀ll nyimiɗ a fèkà ki ghɛɛ̀sɛ̀ngà, nni à romgày Man wiì, à yalɛ̀n ɓi ɗùm ɗi giɓ, à ghɛɓ ɓi rìlàmì ɗi ɓidɔ̀gsɛna ɓi Ɓɛ̀yudɛ̀n,

EFÈZYƐŊ 1:10

Kìɓan kiǹ, Bɛ̀ll à ɓiì ràtɛɛ kɔ kì kìi, di cààmɛ̀n ki mɛ ghɛ̀ɛ̀sɛ̀n; à taŋzɛ̀n ɓyom ɓìcèm ɓi ɓi ri aɗyoo, rì ɓi ɓi ziinɛ lɛ ɓyɛɛ ɓa rìfòm ɗifog lɛ Kiris.

EFÈZYƐŊ 2:17

Fɔlɔɔ nnɛ Kiris à yùghà kì ghagsii Syeesyee à Ɓɔlɛ à fyòoog, a lɔ̀ŋkin, mìni ɓɛ ɓì ɓaghà fìràɓ ri Bɛ̀ll rì a Ɓɛ̀yudɛ̀n ɓɛ ɓɛ ɓaghà jàŋbog rì Bɛ̀ll.

FÌLÌPYƐŊ 1:13

Lɛ ɓɛ̀sujàà ɓɛ̀cèm ɓɛ ɓi gari ì rìfòm, rì jàŋ yimbog yìcèm ɓɛ yii lɛ tɛntɛ̀ɛ̀n lɛ ǹɗì ɓi naà-zày lɛ ǹɗì nkìì-kìsay a Kiris.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

TÈSÀLÒNÌSYƐŊ 2:4

Wɔ̀lɛ Bɛ̀ll à timgà rìɓa ɗis à ki fa ɓisi kìsay ki Syeesyee à Ɓɔlɛ. Fɔlɔɔ nnɛ tì yin ɓiì kpaakpaa ɓiɓan ɓi Bɛ̀ll lɛ ti puɓsi ɓum mɛ̀rem, kìɓan kìfog, ti kpaakpaa ɓi ɓyɛɛ̀ kɔ̀ngi Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum, mɛ ri ɓi ɗùm.

TIMOTE 1:1

Mɛ̀ Pol, ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll ànɛ à rì ǹghɛɓsì wìs, rì Yeesus Kiris ànɛ à rì dyàɓɛn yis.

TIMOTE 1:11

Ɓìɓan ɓiǹ ɓyɛɛ̀ɓi Syeesyee à Ɓɔlɛ à ǹkeŋkèmì à Bɛ̀ll ànɛ à rì ǹtin wu ɓɛmààgh a rèrèsì. Syeesyee à Ɓɔlɛ ànɛ̀n nnɛ ɓɛ reɓsɛ̀ngà rì mɛ̀.

TIMOTE 2:3

Fɔlɔɔ yɛɛ kiì lɛ, à rɔɔtɛ̀n à ki yɛ̀lɛn ɓi mis mɛ Bɛ̀ll ànɛ à rì ǹghɛɓsì wìs,

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.

Kaàtà ànɛ Pol à kàngà TIT 2:10

ɓɛ̀ kɛɛ̀ fyaasi com, wɔ̀lɛ ɓɛ ghɛɛ̀sɛɛ kì rèsii ɓyààmɛ̀n ɓìcèm lɛ ɓɛ ri ɓumɓɛ ɓɛ ghɛɛ̀sɛɛ kì tyweeyii lɛ kɔɔ̀kɔɔ̀, fɔlɔɔ nnɛ ɓi ɓìɓan ɓìcèm ɓɛ ɓiì kìi lɛ ɓum ɓɛɛ nyaàsi dɔgtɛ̀n ì Bɛ̀ll ànɛ à rì ǹghɛɓsì wìs.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

ÀPÒKÀLIƁSƐ̀ 14:16

Fɔɔnnɛ roànɛ à ɓaghà ǹkɔ̀kɔriyɛn ɓi kìkwìɗ à pìkà zɛ̀m, à saŋ ɓyom ɓi ɓi ziinɛ.