Kaàtà ànɛ Pol à kàngà TIT 1:12 - Bafia Nouveau Testament

¹² Kìbog ki ɓi ɓɔ ki ki ri ǹkpaŋzì-ɓìɓan waà, ki kpaaghà lɛ: Mìni ɓumɓɛ a Kirɛt, ɓi ɓalag lɔŋ ɓɛ̀pwààpwaà cààmɛ̀n kìcèm, ɓì nyɛngì yɛ̀ɛ nyàm yi ɓi cog, ɓì ki ɓa ɓɛ̀ɓɔɓwɛɗ ɓɛ ɓɛɛ̀ fèfeg lɔŋ lɛ ɓìɗilàg.

Kaàtà ànɛ Pol à kàngà TIT 1:12 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 17:28

ti ghɛghɛ̀ɓ, tì nyɛ̀ɛ̀nyɛŋɗɛ̀n, tì ki ɓa ɓum, lɛ nyi. Kìɓan kiǹ kɛɛ̀ki ɓɛ̀toŋì ɓyom ɓɛdɛŋ ɓɛ a lɔ̀ŋkin ɓɛ kpaaghà lɛ: Ɓìsii ri gìrìg boo yìì i mum.

MƐ̀KÌKÌÌ MƐ ƁƐKƐ̀NÌ-FÌTOM 2:11

ɓumɓɛ a Kirɛɗɛ, rì ɓɛ a Araɓii, cɛ kɛɛ kii lɛ, ti wowog yɛ̀ɛ ɓɛɛ̀ kakali dàm yi ɓiɓan yi Bɛ̀ll ɓi ɓìtòkì ɓis?

MƐ̀KÌKÌÌ MƐ ƁƐKƐ̀NÌ-FÌTOM 27:12

Yɛ̀ɛ jàŋ inɛ̀n ì ɓiisɛ̀ngà ɓi ki rɔɔtɛɛ lɛ ŋwaa ghagsi cààmɛ̀n à bùmà wɔɔ, nni kìgwey ki ɓum ki ɓi ɓɔ, ki gherɛ̀ngà lɛ ɓɛɛ ruɓtɛn tì ɗì rìkɛ̀ɛ̀, lɛ i bee i ɓaa, ɓɛɛ kɛǹ a Fenis, ɓi jàŋ idɛŋ ìnɛ a Kirɛɗɛ, ìnɛ tìtimà tyɛɛ̀ rɛlag wɔɔ, ìnɛ ì faa mis ɓi ɓɛg ànɛ ŋwos a kɛ̀ngi ki nɔ̀ŋii, lɛ ɓɛ kɔnkɔ̀ngà lɛ bɛɛ ghagsi cààmɛ̀n à bùmà wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 27:13

Yɛ̀ɛ maa fɛ̀ɛ̀fɛ̀ɛ̀ à kìkìghày fɛlɛ duŋzi, ɓɛ fekì nya lɛ, ɓɛ ri ɓiì kpaŋzɛɛ fèg wàà anɛ lɛ ɓɛɛ kɛǹ a Fenis. Fɔɔnnɛ ɓɛ lɔmzìghày min fitimà, ɓɛ tumɛ̀n rìsòsòrì ɗi kirìŋ ki riɓày ki lɛ Kirɛɗɛ.

MƐ̀KÌKÌÌ MƐ ƁƐKƐ̀NÌ-FÌTOM 27:7

Fìtimà fi kɛɛ̀kɛ̀ɛ̀ghà lɛ tɛ̀tɛ̀rɛ̀ɛ̀, fɔɔnnɛ tì ghagsìghà mɛ̀ru lɛɛ̀gwey ɓi bee, tì ki kɛ̀n ki kpaŋì jàŋbog rì Kiniidɛ di tyàa ghɛn ntɔɓ. Yɛ̀ɛ bɛ̀ɓ ì faghà ɓi ɓisi bee inɛ lɛ ti kɛnkɛn beèbɛ̀y ɓi san ànɛ̀n, fɔɔnnɛ tì sòrìghà kìriŋ ki rìɓày ki lɛ Kirɛɗɛ, ɓi ɓɛg ànɛ a Salmone.

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

TIMOTE 4:2

ɓi fyɛɛ̀-fyɛɛ̀ ɓi ŋwɔm ìghèy ɓi ɗùm à ɓumɓɛ ɓɛɛ̀ rèresi ɓiɓan ɓi ɓɛpwàà ɓumɓɛ̀n ɓɛɛ̀ɓɛ mɛ̀rem maa mɛ ri mɛ̀ tɔ̀nɛn ɗi swiɗ ànɛ à ɓàŋiì ɓi ɗuu lɛ pɔɔŋ.

Kaàtà ànɛ Pol à kàngà TIT 1:5

Tit, mɛ̀ɛ ncàri wɔ̀ a Kirɛt lɛ u legsiì kìwòŋzaagh ɓiɓan ɓi ɓi kaka wɔɔ kɛ̀ɛ̀ rìwòŋzàg, ù ki rɛsi ti ɓɛ̀sɛ̀ɛ̀mɛn ɓɛ Kiseŋi ɓi bàn yìcèm lɔŋ yɛ̀ɛ mɛ̀ɛ ǹsiitaagh wɔ̀.

2 PYƐƐRI 2:12

Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

2 PYƐƐRI 2:15

Yɛ̀ɛ ɓɛ caɗkà bee ì syeesyee ɓɛ kɛǹ kì pasɛɛ ɓi bee i Balam à man à Beɔr ànɛ à keesìghà rìfɔ̀n ɗi mɔ̀ɔ̀ni ɓi bee ì kìtɛ̀ŋtɛ̀ŋ,